05-May-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅନ୍ତର୍ଗତ  ବିଭିନ୍ନ ଗ୍ରାମରେ  ବିଜେଡି ବିଧାୟକ ପ୍ରାର୍ଥୀନୀ ଟୁକୁନୀ ସାହୁ ନିର୍ବାଚନ ପ୍ରଚାର କରିଥିଲେ । ଗ୍ରାମର ବିଭିନ୍ନ ସମସ୍ୟା ଉପରେ ଆଲୋଚନା କରିବା ସହ ଭୋଟ ଭିକ୍ଷା କରିଥିଲେ ।ଘୂନା ଗ୍ରାମପଞ୍ଚାୟତର କୁମ୍ଭାରପଦର, କୁଳକୁସମ, ରାଣିମାଳ, ରାଜକେଳ, ସିନ୍ଧୁରମୁଣ୍ଡା, ଘୂନା,ଗୁଡଭେଲା ଗ୍ରାମପଞ୍ଚାୟତର ଡୁଙ୍ଗିବାହାଳ, ଗୁଣିମୁଣ୍ଡା, ହେରଣାପାଲି, ଦୁଳିକନା, ଆମ୍ଭଗାଁ ଓ ଗୁଡଭେଲା ଆଦି ଗ୍ରାମରେ ନିର୍ବାଚନୀ ସଭା ଆଯୋଜିତ ହୋଇଥିଲା । ପ୍ରାର୍ଥିନୀ ଶ୍ରୀମତୀ ସାହୁ ସଭାରେ ଯୋଗ ଦେଇ ରାଜ୍ୟ ସରକାରଙ୍କ ଜନହିତକର ଯୋଜନା ସମ୍ପର୍କରେ ଅବଗତ କରିବା ସହ ନବୀନ ପଟ୍ଟନାୟକ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେଲେ ବିକାଶ ଧାରା ଦ୍ବିଗୁଣିତ ହୋଇ ପାରିବ। ମୁଁ ଏ ଅଞ୍ଚଳର ପାନୀୟ ଜଳ, ଶିକ୍ଷା, ରାସ୍ତାଘାଟ, କୃଷୀର ଉନ୍ନତିକରଣ ହେଇଛି । ଏଣୁ ଦୁଇଟି ଶଙ୍ଖ ଚିହ୍ନରେ ଭୋଟ ଦୋବାକୁ ଜନସାଧାରଣଙ୍କୁ ଅନୁରୋଧ କରିଥିଲେ ଶ୍ରୀମତୀ ସାହୁ। ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ,ଜିଲ୍ଲାପରିଷଦ ସଭ୍ଯ ରାମନିବାଶ ଅଗ୍ରୱାଲ, ଜିଲାପରିଷଦ ସଭ୍ଯା ଗୀତା ବିଶି, ସମିତିସଭ୍ଯ ସଞ୍ଜୁ ମାଝୀ, ସରପଞ୍ଚ ସନ୍ତୋଷିନୀ ମହାପାତ୍ର, ସମିତିସଭ୍ଯା ପ୍ରମିଲା ରଣା ଆଦି ବହୁ ଦଳୀୟ କର୍ମୀମାନେ  ଉପସ୍ଥିତ ଥିଲେ।