24-Feb-2024

ବାଲିଗୁଡା, (ସୁଶିଲ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲାର ଜଳେଶପଟ୍ଟା ସ୍ଥିତ ପ୍ରସିଦ୍ଧ ଜଳେଶ୍ଵର ଶୈବପୀଠ  ଶଙ୍କରଚାର୍ଯ୍ୟ ସଂସ୍କୃତ କନ୍ୟାଶ୍ରମ ପରିସରରେ ୩୯ତମ ବାର୍ଷିକ ଉତ୍ସବ ସହ ବିଶ୍ଵଶାନ୍ତି ରୁଦ୍ର ମହାଯଜ୍ଞ ଓ ଅଷ୍ଟପ୍ରହରି ନାମଯଜ୍ଞ ଆରମ୍ଭ ହୋଇଯାଇଛି । ଏହା ମାଘ ଶୁକ୍ଳ ତ୍ରୋୟଦୋଶୀ ଠାରୁ ଆରମ୍ଭ ହୋଇ ପୂର୍ଣ୍ଣିମା ପର୍ଯ୍ୟନ୍ତ ତିନି ଦିନ ଧରି ଚାଲିବ । ପ୍ରଥମ ଦିନରେ ଅଙ୍କୁରାରୋପଣ ଓ କଳସ ଯାତ୍ରା ଅନୁଷ୍ଠିତ ହୋଇଥିଲା । ଆଶ୍ରମ ଅନ୍ତେବାସୀ ଓ ସ୍ଥାନୀୟ ମହିଳା ମାନେ ରାହୁଳ ନଦୀରୁ ନାମ ସଙ୍କୀର୍ତ୍ତନ ସହ କଳସ ରେ ପଣି ଆଣି ଯଜ୍ଞ ମଣ୍ଡପ କୁ ଆଣିଥିଲେ । ଏହା ପରେ ବିଶ୍ଵଶାନ୍ତି ରୁଦ୍ର ମହାଯଜ୍ଞ ଓ ଅଷ୍ଟପ୍ରହରି ନାମଯଜ୍ଞ ଆରମ୍ଭ ହୋଇଥିଲା । କନ୍ଧମାଳ ଜିଲ୍ଲା ର ବିଭିନ୍ନ ଅଞ୍ଚଳର ମହିଳା ,ପୁରୁଷ ଓ କୁନି କୁନି ପିଲା ହାତରେ ମୃଦଙ୍ଗ ,ଖୋଳ ଓ ତାଳ ଧରି ନାଚି ନାଚି ହରେ କୃଷ୍ଣ ହରେ ରାମ ସଙ୍କୀର୍ତ୍ତନ ରେ ଅଷ୍ଟ ପ୍ରହରୀ ନାମ ଯଜ୍ଞ , ଅର୍ଣ୍ଣ ଯଜ୍ଞ ,ଜ୍ଞାନ ଯଜ୍ଞ , ଘୃତ ଯଜ୍ଞ ଓ ସେବା ଯଜ୍ଞ ଚାଲୁ ରହିଛି । ସ୍ଥାନୀୟ ଲୋକଙ୍କ ସହଯୋଗ ରେ ଏହି ବିଶ୍ଵଶାନ୍ତି ରୁଦ୍ର ମହାଯଜ୍ଞ ଆୟୋଜିତ ହୋଇଥିବା ଆଶ୍ରମ ମୁଖ୍ୟ ଜୀବନା ମୁକ୍ତା ନନ୍ଦ ପୁରୀ ମହାରାଜ କହିଛନ୍ତି । ଶଙ୍କରାଚାର୍ଯ୍ୟ ସଂସ୍କୃତ କନ୍ୟାଶ୍ରମ ସଂସ୍ଥାପକ ବେଦାନ୍ତ କେଶରୀ ସ୍ଵାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ବ୍ରହ୍ମଲୀନ ପରେ ମଧ୍ୟ ଏହି କାର୍ଯ୍ୟକ୍ରମ ଜାରିରହିଛି ଓ ରହିବ ବୋଲି ସ୍ଵାମୀ ମୁକ୍ତା ନନ୍ଦ ପୁରୀ କହିଛନ୍ତି । ଏହି କାର୍ଯ୍ୟକ୍ରମରେ ଏକଲ ଅଭିଯାନ ର ପ୍ରତିଷ୍ଠାତା ଓ ଅଭିଭାବକ ଶ୍ୟାମ ଜୀ ଗୁପ୍ତା ,ଏକଲ ବିଦ୍ୟାଳୟ ର ସମ୍ଭାଗ ଉପସଭାପତି ପ୍ରିୟ ରଞ୍ଜନ ଚୌଧୁରୀ,ରାଷ୍ଟ୍ରୀୟ ସ୍ଵୟଂ ସେବକ ସଂଘ ଜିଲ୍ଲା ବ୍ୟବସ୍ତା ପ୍ରମୁଖ କାଳନ୍ଦି ଚରଣ ପଣ୍ଡା , ରାଷ୍ଟ୍ରୀୟ ସ୍ଵୟଂ ସେବକ ସଂଘ ର ଜିଲ୍ଲା ପ୍ରଚାର ପ୍ରମୁଖ ଟି. ଶିବ ପାତ୍ର , ଆଶ୍ରମ ର ପ୍ରଧାନ ଆଚାର୍ଯ୍ୟ ସନ୍ଧ୍ଯାରାଣୀ ପାଣିଗ୍ରାହୀ ,ଶିବାଶିଷ ପଣ୍ଡା ,ପୂର୍ବତନ ବିଧାୟକ କରେନ୍ଦ୍ର ମାଝି , ରାଜ୍ୟ ବିଜେପି ଉପସଭାନେତ୍ରୀ ଲେଖାଶ୍ରୀ ସାମନ୍ତସିଂହାର, ବରିଷ୍ଠ ବିଜେପି ନେତା ସୁକାନ୍ତ ପାଣିଗ୍ରାହୀ ସମେତ ରବୀନ୍ଦ୍ର ପାତ୍ର ,ପୂର୍ଣ୍ଣ ଚନ୍ଦ୍ର ପାଢୀ ପ୍ରମୁଖ ଉପସ୍ଥିତ ଥିବା ବେଳେ ଶାନ୍ତି ଶୃଙ୍ଖଳା ରଖିବା ପାଇ ଦୁଇ ଜଣ ଏସଆଇ ,ତିନି ଜଣ ଏଏସଆଇ ଓ ଦୁଇ ପ୍ଲାଟୁନ ଫୋର୍ସ ମୃତୟନ କରାଯାଇଥିବା  ଥାନା ଅଧିକାରୀ ଥାନା ଅ ଆଶୁତୋଷ ଜେନା ପ୍ରକାଶ କରିଛନ୍ତି।