22-Feb-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ସାରା ରାଜ୍ୟରେ ଆମ ଓଡ଼ିଶା ନବୀନ ଓଡ଼ିଶା ସଚେତନତା କାର୍ଯ୍ୟକ୍ରମ ଚାଲିଥିବା ବେଳେ ବେଲପଡା ବ୍ଳକ ରେ ଆଜି ଶେଷ ଦିବସ ହୋଇଯାଇଛି।ପ୍ରଥମ ପର୍ଯ୍ୟାୟରେ ବେଲପଡା ବ୍ଳକ ବାଲିଖମାର ପଞ୍ଚାୟତ ରେ ଆମ ଓଡ଼ିଶା ନବୀନ ଓଡ଼ିଶା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର ଯୋଗଦେଇଥିଲେ। ସମ୍ମାନୀତ ଅତିଥି ଭାବେ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ବିଡ଼ିଓ ରାଜେଶ କୁମାର ମେହେର, ଏବିଡିଓ ସାରଥି ସାହୁ,ଏଇଇ ଭୁବନ ସିଂ ସାହୁ, ଜିପିଇଓ ଦେବେନ୍ଦ୍ର ସାହୁ,ଆମ ଓଡ଼ିଶା ନବୀନ ଓଡ଼ିଶା ର ବ୍ଳକ ନୋଡାଲ ଅଫିସର୍ ପାଣ୍ଡବ ମଲ୍ଳିକ, ସରପଞ୍ଚ ଚିନ୍ମୟୀ ପ୍ରଧାନ,ପିଇଓ ଅନୁରାଧା ବେହେରା, ଏମ୍ ବି କେ ଏଲିନା ଧରୁଆ ପ୍ରମୁଖ ମଞ୍ଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ନୋଡାଲ ଅଫିସର୍ ପାଣ୍ଡବ ମଲ୍ଳିକ ମଞ୍ଚ ପରିଚାଳନା କରିଥିଲେ।ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ବିଷୟରେ ଲୋକମାନଙ୍କୁ ସଚେତନ କରାଯାଇଥିଲା ଏବଂ ସେଥିରେ ଉପକୃତ ହୋଇଥିବା କିଛି ଜଣଙ୍କ ଉଦାହରଣ ଦିଆଯାଇଛି।ଯାହାକି ବାଲିଖମାର ପଞ୍ଚାୟତ ରେ ଆମ ଓଡ଼ିଶା ନବୀନ ଓଡ଼ିଶା ରୁ ୧୧ ଟି ପ୍ରକଳ୍ପ ପାଇଁ ୫୦ ଲକ୍ଷ ଟଙ୍କା ଅନୁଦାନ ଆସିଥିଲା ଓ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ରେ ୬୮୦ ପରିବାର କୁ ଅନ୍ତର୍ଭୁକ୍ତ କରାଯାଇଥିବା ବେଳେ ୧୦୦ ଜଣ ହିତାଧିକାରୀ ଉପକୃତ ହୋଇଛନ୍ତି। ମୁଖ୍ୟମନ୍ତ୍ରୀ ସ୍ବତନ୍ତ୍ର ସହାୟତା ଯୋଜନାରେ ୩ ଟି ପ୍ରକଳ୍ପ ପାଇଁ ୧୭ ଲକ୍ଷ ଟଙ୍କା ଅନୁଦାନ ଆସିଥିଲା ଏବଂ ୩୮୫ ପରିବାର କୁ କାଳିଆ ଯୋଜନାରେ ଅନ୍ତର୍ଭୁକ୍ତ କରିଛନ୍ତି । ସାମାଜିକ ସୁରକ୍ଷା ଯୋଜନା ରେ ୧୨୫ ହିତାଧିକାରୀଙ୍କୁ ଭତ୍ତା ପ୍ରଦାନ କରାଯାଇଛି ଓ ମିଶନ ଶକ୍ତି ମାଧ୍ୟମରେ ୧୯ ଟି ସ୍ବୟଂ ସହାୟକ ଗୋଷ୍ଠୀକୁ ୪୨.୮ ଲକ୍ଷ ଟଙ୍କା ବିନା ସୁଧରେ ଋଣ ପ୍ରଦାନ କରାଯାଇଛି।୬୮୦ ପରିବାର ଙ୍କୁ ରାସନ୍ କାର୍ଡ ଯୋଗାଇ ଦିଆଯାଇଛି ଏବଂ ମମତା ଯୋଜନା ରେ ୨୫ ଜଣ ଗର୍ଭବତୀ ମହିଳାଙ୍କୁ ମମତା ସହାୟତା ରାଶି ପ୍ରଦାନ କରାଯାଇଛି। ବାଲିଖମାର ପଞ୍ଚାୟତ ପରିଆମୁଣ୍ଡା ଗାଁ ର ଋଷି ନାଗ ବିଜୁ ସ୍ବାସ୍ଥ୍ୟ କାର୍ଡ ର ଫାଇଦା ଉଠାଉଛନ୍ତି। ହରିଶ ଚନ୍ଦ୍ର ଯୋଜନାରେ ଅନେକ ଗୁଡ଼ିଏ ହିତାଧିକାରୀଙ୍କୁ ସରପଞ୍ଚ ସହାୟତା ରାଶି ପ୍ରଦାନ କରିଛନ୍ତି। ଦ୍ଵିତୀୟ ପର୍ଯ୍ୟାୟରେ କପାଣି ପଞ୍ଚାୟତ ରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ବେଲପଡା ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର ସମ୍ମାନୀତ ଅତିଥି ଭାବେ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ନୋଡାଲ ଅଫିସର୍ ପାଣ୍ଡବ ମଲ୍ଳିକ, ସରପଞ୍ଚ ଭୂମିସୂତା ଧରୁଆ, ସମିତି ସଭ୍ୟା ତୁଲସା ଧରୁଆ,ପିଇଓ ରୂପଧର ବାଗ, ଯୋଗାଣ ସହାୟିକା ନିୟନ୍ତିନୀ ବେହେରା, ଏମ୍ ବି କେ ଋକ୍ମଣୀ ବେହେରା ପ୍ରମୁଖ ମଞ୍ଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ନୋଡାଲ ଅଫିସର୍ ପାଣ୍ଡବ ମଲ୍ଳିକ ମଞ୍ଚ ପରିଚାଳନା କରିଥିଲେ।କପାଣି ପଞ୍ଚାୟତ ରେ ହୋଇଥିବା ବିକାଶ ର କିଛି ଉଦାହରଣ ହେଉଛି ୮ ଟି ପ୍ରକଳ୍ପ ପାଇଁ ୫୦ ଲକ୍ଷ ଟଙ୍କା ର ଅନୁଦାନ ରାଶି ପ୍ରଦାନ କରାଯାଇଛି। ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ରେ ୧୩୬୫ ପରିବାର କୁ ଅନ୍ତର୍ଭୁକ୍ତ କରାଯାଇଥିବା ବେଳେ ୧୦୦ ହିତାଧିକାରୀ ଉପକୃତ ହୋଇଛନ୍ତି। ମୁଖ୍ୟମନ୍ତ୍ରୀ ସ୍ବତନ୍ତ୍ର ସହାୟତା ଯୋଜନାରେ ଗୋଟିଏ ପ୍ରକଳ୍ପ ପାଇଁ ୪ ଲକ୍ଷ ଟଙ୍କା ଓ କାଳିଆ ଯୋଜନାରେ ୮୮୮ ପରିବାର କୁ ଅନ୍ତର୍ଭୁକ୍ତ କରାଯାଇଥିବା ବେଳେ ୪୬୨ ଜଣ ହିତାଧିକାରୀଙ୍କୁ ଭତ୍ତା ପ୍ରଦାନ କରାଯାଇଛି।୨୬ ଟି ମିଶନ ଶକ୍ତି ଗୋଷ୍ଠୀ ଙ୍କୁ ୬୬.୨୦ ଲକ୍ଷ ଟଙ୍କା ବିନା ସୁଧରେ ଋଣ ପ୍ରଦାନ କରାଯାଇଛି ଏବଂ ୧୩୬୫ ପରିବାର କୁ ରାସନ୍ କାର୍ଡ ଦିଆଯାଇଥିବା ବେଳେ ୬୩ ଜଣ ଗର୍ଭବତୀ ମହିଳାଙ୍କୁ ମମତା ସହାୟତା ରାଶି ପ୍ରଦାନ କରାଯାଇଛି। ଉକ୍ତ ପଞ୍ଚାୟତ ରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ରେ କପାଣି ଗାଁ ର ରାସେଶ୍ୱରୀ ବେହେରା ଉପକୃତ ହୋଇଥିବା ବେଳେ କାଳିଆ ଯୋଜନାରେ କପାଣି ଗାଁ ର ମନ ଯୁଏଡ ଉପକୃତ ହୋଇଛନ୍ତି। କପାଣି ପଞ୍ଚାୟତ ର ନୃତ୍ୟ ପରିବେଷଣ କରି ଉତ୍ତୀର୍ଣ୍ଣ ହୋଇଥିବା ୪୫ ଜଣ ଛାତ୍ରୀଙ୍କୁ ଟ୍ରଫି ପ୍ରଦାନ କରାଯାଇଥିଲା। ପରିଶେଷରେ ଦୁଇ ଟି ସ୍ଥାନରେ ନୋଡାଲ ଅଫିସର୍ ପାଣ୍ଡବ ମଲ୍ଳିକ ଧନ୍ୟବାଦ ଅର୍ପଣ କରି ସଭାସ୍ବାଙ୍ଗ କରିଥିଲେ।