10-Dec-2023

ଇଲାଙ୍ଗିର(ଚିତ୍ରସେନ ବେହେରା)ସ୍ଥାନୀୟ ସଦାଇପାଲି ପଲ୍ଲିଶ୍ରୀ ଷ୍ଟଡିୟମ ଠାରେ ଆଜି ୫୬ ତମ ସର୍ବଭାରତୀୟ ଇଂଜିନିୟରସ୍ କପ୍ ଓ ନର୍ସିଂ ଟ୍ରଫି ଫୁଟବଲ ଟୁର୍ଣ୍ଣାମେଣ୍ଟ ଜିଲ୍ଲାପାଳ ଚଂଚଳ ରାଣା ଙ୍କ ଦ୍ୱାରା ଉଦ୍‌ଘାଟିତ ହୋଇଯାଇଛି । ଉଦ୍‌ଘାଟନୀ ଖେଳ ସାଇଟ୍ ସଦାଇପାଲି ଓ ରକ୍ ଡାଇମଣ୍ଡ ବାଲାଘାଟ ମଧ୍ୟରେ ଅନୁଷ୍ଠିତ ହୋଇଥିଲା । ସଦାଇପାଲି ସାଇଟ ଦଳ ୧-୦ ଗୋଲ ରେ ବିଜୟୀ ହୋଇଥିଲା  । ଖେଳଟି ଚିତ୍ତାକର୍ଷକ ହୋଇ ହଜାର ହଜାର ଦର୍ଶକ ଙ୍କୁ ଆନନ୍ଦ ଆଣି ଦେଇଥିଲା । ଖେଳ ପଡିଆ କୁ ସୁସଜ୍ଜିତ କରି ଦର୍ଶକ ଙ୍କ ପାଇଁ ଆକର୍ଷଣିୟ କରାଯାଇଛି । ଉଦ୍‌ଘାଟନୀ ସମାରୋହରେ ମୁଖ୍ୟ ଅତିଥି ଜିଲ୍ଲାପାଳ ଶ୍ରୀ ରାଣା ରାମଜୀ ଯୁବକ ସଂଘ ର କାର୍ଯ୍ୟକର୍ତ୍ତା ମାନଙ୍କୁ ସେମାନେ ଦୀର୍ଘ ୫୦ ବର୍ଷ ରୁ ଉର୍ଦ୍ଦ ଫୁଟବଲ ପ୍ରତିଯୋଗୀତା କରି ଜିଲ୍ଲା ଗୌରବ ବଢାଉଛନ୍ତି ବୋଲି ପ୍ରଶଂସା କରିଥିଲେ । ସୂଚନା କ୍ରମେ ଜିଲ୍ଲା ସ୍ତରରେ ଏହି ଟୁର୍ଣ୍ଣାମେଣ୍ଟ  ଟି ୧୯୬୭ ମସିହାରୁ ଆରମ୍ଭ ହୋଇଥିଲା ।

୧୯୭୮ ମସିହାରୁ ରାଜ୍ୟ ତଥା ୧୯୮୭ ମସିହାରୁ ସର୍ବଭାରତୀୟ ସ୍ତର ରେ ରାମଜୀ ଯୁବକ ସଂଘ ଦ୍ୱାରା ଟୁର୍ଣ୍ଣାମେଣ୍ଟ  ଟି ହୋଇ ଆସୁଛି । ଆସନ୍ତା କାଲି ଭାଇଜାକ ସିଟି ଫୁଟବଲ କ୍ଲବ ବିଶାଖାପାଟନମ୍ ସହ ସମ୍ବଲପୁର ଏଫ୍‌.ସି ସହିତ ଖେଳ ହେବ ବୋଲି ଟୁର୍ଣ୍ଣାମେଣ୍ଟ  କମିଟୀ ର ଆବାହକ     ଡ. ନାରାୟଣ ପ୍ରସାଦ ମିଶ୍ର ଜଣାଇଛନ୍ତି । ଟୁର୍ଣ୍ଣାମେଣ୍ଟ ର ସୁପରିଚାଳନା ପାଇଁ ଲୋକନାଥ ସିଂହ, ଇଂ. ସନ୍ତୋଷ କୁମାର ବହ୍ମା, ଆଦିତ୍ୟ ପଟ୍ଟନାୟକ, ପ୍ରଫୁଲ୍ଲ ମିଶ୍ର, ସୁନୀଲ ଚନ୍ଦ୍ର ବିଶ୍ୱାଳ, ନିଶାରକାନ୍ତ ନାଗ, ଅଶୋକ ପଧାନ ଆଦି ସହଯୋଗ କରୁଛନ୍ତି । ଖେଳ ସୁରେଶ ଦାସ, ସୁବ୍ରତ ପୁରୋହିତ, ଦେବାଶିଶ ବାଗ ଓ ସୁଧାଂଶୁ ସେଠ ରେଫରୀ ଭାବରେ ଖେଳ ପରିଚାଳନା କରିଥିଲେ । ସୁନୀଲ ଚନ୍ଦ୍ର ବିଶ୍ୱାଳ ମ୍ୟାଚ କମିଶନର ର ଦାୟିତ୍ୱ ବହନ କରିଥିଲେ ।