20-Oct-2023

ବୀରମହାରାଜପୁର ,( ବିନୋଦ ପାଣ୍ଡେ):  ଭାରତ ସ୍ୱାଧୀନ ହେବା ସମୟରେ ଏହାର ଅର୍ଥନୈତିକ ଅବସ୍ଥା ଅତ୍ୟନ୍ତ ଖରାପ ଥିଲା I ତେବେ ଭାରତୀୟ ମାନଙ୍କ କଠିନ ପରିଶ୍ରମ ଯୋଗୁଁ ଆମ ଦେଶ ଅର୍ଥନୈତିକ କ୍ଷେତ୍ରରେ ଯଥେଷ୍ଟ ପ୍ରଗତି କରିଛି I ଯେଉଁ ଦେଶ ଦିନେ ଭାତମୁଠେ ପାଇଁ ବିଶ୍ୱ ସମୁଦାୟ ପାଖରେ ହାତପତଉ ଥିଲା ସେହିଦେଶ ଆଜି ସମଗ୍ର ବିଶ୍ୱକୁ ଖାଦ୍ୟ ରପ୍ତାନି କରୁଛି I ସାମ୍ପ୍ରତି ଆମଦେଶ ଅସ୍ତ୍ରଶସ୍ତ୍ର କ୍ଷେତ୍ରରେ ଆତ୍ମନିର୍ଭରଶୀଳ ହେବା ସହିତ ଅନେକ ଦେଶକୁ ଅସ୍ତ୍ର ବିକ୍ରୟ କଲାଣି I ଆଗାମୀ ଦୁଇ ଦଶନ୍ଧି ଭିତରେ ଭାରତ ବିଶ୍ୱର ପ୍ରମୁଖ ଅସ୍ତ୍ର ଉତ୍ପାଦନକାରୀ ଦେଶ ଭାବରେ ପରିଗଣିତ ହେବ  I ଦେଶର ପ୍ରଗତିରେ ଛାତ୍ରଛାତ୍ରୀମାନଙ୍କ ଭୂମିକା ଗୁରୁତ୍ୱପୂର୍ଣ ବୋଲି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର  ମହାବିଦ୍ୟାଳୟ ଅର୍ଥନୀତି ବିଭାଗର ସ୍ୱାଗତ ଉତ୍ସବରେ ନିମନ୍ତ୍ରିତ ଅତିଥିମାନେ ମତବ୍ୟକ୍ତ କରିଛନ୍ତି I  ଏହି ଉପଲକ୍ଷେ ବିଭାଗୀୟ ମୁଖ୍ୟ    ଯଜ୍ଞେଶ୍ଵର ବିଶିଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ  ଭାରପ୍ରାପ୍ତ ଅଧ୍ୟକ୍ଷ ଡ଼. ହିମାଂଶୁ ଶେଖର ପାଢ଼ୀ ମୁଖ୍ୟ ଅତିଥି ଭାବରେ ଯୋଗଦେଇଥିବାବେଳେ ଅଧ୍ୟାପକ ବିଜୟ କୁମାର ପୁରୋହିତ ଓ ଅଧ୍ୟାପକ ସତ୍ୟନାରାୟଣ ଦାଶ ସମ୍ମାନିତ ଅତିଥିଭାବରେ ଯୋଗଦେଇ ବକ୍ତବ୍ୟ ରଖିଥିଲେ I ସଭା ସଂଯୋଜନା, ଅତିଥି ପରିଚୟ,ସ୍ୱାଗତ ଅଭିଭାଷଣ ଓ ଧନ୍ୟବାଦ ଅର୍ପଣ କରିଥିଲେ ଅଧ୍ୟାପକ ପ୍ରଭାତ ପୁରୋହିତ I ଛାତ୍ରଛାତ୍ରୀ ମାନଙ୍କ ମଧ୍ୟରୁ ଚନ୍ଦନ, ଶିବାନନ୍ଦ, ଅମ୍ବାରିଷ, ମିଲି, ରୁବି, ବିନିରାଣୀ, ସଂଘମିତ୍ରା, ପିଣ୍ଟୁ, କିନୁ,ଜନନି, ଝିଲି, ପ୍ରିୟତମ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ I ସଭାପରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା I