30-Sep-2023

 ସମ୍ବଲପୁର-(ସଂଜୀବକୁମାରପାଣିଗ୍ରାହୀ) .ବ୍ଲକ. ମାନେଶ୍ଵର -ଧମା-ଆଜି ମା’ ଝାଡେଶ୍ବରୀ ମହାବିଦ୍ୟାଳୟରେ ସ୍ୱାବଲମ୍ବୀ ଭାରତ ଅଭିଯାନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ମହାବିଦ୍ୟାଳୟ ଯୁକ୍ତ ଦୁଇ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଅଭିଯାନର ସଂଯୋଜକ ପ୍ରଭାସ ଦେବତାଙ୍କ ସମେତ ସ୍ୱଦେଶୀ ଜାଗରଣ ମଞ୍ଚର ସଂଯୋଜକ ଈଶ୍ୱର ପାଣିଗ୍ରାହୀ ତଥା ରାମ ନାୟକ ଓ ସୁବୋଧ ଧର ପ୍ରମୁଖ ଯୋଗଦେଇ ଶିକ୍ଷାର୍ଥୀମାନଙ୍କୁ ସ୍ୱାବଲମ୍ବୀ ହେବାକୁ ପରାମର୍ଶ ଦେବାସହ ବିଭିନ୍ନ ଦିଗରୁ ଦୃଷ୍ଟାନ୍ତମାନ ଉପସ୍ଥାପନ କରି କହିଥିଲେ ଯେ,ଏହା ଦ୍ୱାରା କୌଣସି ବ୍ୟକ୍ତି ନିଜକୁ ଜଣେ ସଫଳ ନାଗରିକ ଭାବରେ ଗଢିବା ସହ ଦେଶକୁ ଏକ ସ୍ୱାବଲମ୍ବୀ ତଥା ଆତ୍ମନିର୍ଭରଶୀଳ ରାଷ୍ଟ୍ର ଭାବରେ ଗଢିବାରେ ସହାୟକ ହୋଇ ପାରିବେ। ରୋଜଗାରର ମାଧ୍ୟମ କେବଳ ଡିଗ୍ରୀ ପାଇବା ନୁହେଁ, ଆଜିର ଯୁବସମାଜ ଅନ୍ୟ ମାର୍ଗରେ ମଧ୍ୟ  ନିଜକୁ ସ୍ୱାବଲମ୍ବୀ କରିବା ଆଜି ସମୟର ଦାବି ତଥା ଆହ୍ୱାନ ଅଟେ ବୋଲି ସଭାରେ ଆଲୋଚକମାନେ ମତବ୍ୟକ୍ତ କରିଥିଲେ।ଶେଷରେ ଯୁକ୍ତ ତିନ ସ୍ରୋତର ଅଧ୍ୟକ୍ଷ ଅନିଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ଅଧ୍ଯାପକ ରବିନ୍ଦ୍ରନାରାୟଣ ଠାକୁର,ପଣ୍ଡିତ ବ୍ୟାସଦେବ ପଣ୍ଡା,ଅଧ୍ୟାପିକା ଅଲିନା ମୁଣ୍ଡା ପ୍ରମୁଖ କାର୍ଯକ୍ରମରେ ସହଯୋଗ କରିଥିଲେ।