04-Sep-2023

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ସରକାର କୋଟି କୋଟି ଟଙ୍କା ଖର୍ଚ୍ଚ କରି ଲୋକଙ୍କୁ ବାସନକୁସନ ମାଜିବା ଲାଗି ମନରେଗା ଯୋଜନାରେ ସକ୍ପିଟ ନିର୍ମାଣ କରୁଥିବା ବେଳେ ଏଠି ଠିକାଦାର ଓ ଅଧିକାରୀ ମିଶି ନିମ୍ନ ମାନର ନିର୍ମାଣ କରୁଥିବା ସହ ବାହାର ରାଜ୍ୟର ଶ୍ରମିକ ଲଗାଇ କାର୍ଯ୍ୟ କରୁଥିବା ଦେଖିବାକୁ ମିଳୁଛି। ସୂଚନାଯୋଗ୍ୟ ଯେ ବଲାଙ୍ଗିର ଜିଲ୍ଲା ବେଲପଡା ବ୍ଲକ ସରମୁହାଣ ପଞ୍ଚାୟତ ସରମୁହାଣ ଗାଁ ରେ ଶତାଧିକ ଲୋକ ଙ୍କ ପାଇଁ ସକ୍ପିଟ ଆସିଥିବା ବେଳେ ଅତ୍ୟନ୍ତ ନିମ୍ନ ମାନର ନିର୍ମାଣ କାର୍ଯ୍ୟ ଚାଲୁରହିଛି। ଗୋଟିଏ ସକ୍ପିଟ ପିଛା ୭୫୦୦ ଟଙ୍କା ଖର୍ଚ୍ଚ କରିବାକୁ ଦିଆଯାଇଥିବା ବେଳେ କମ୍ ପରିମାଣରେ ନିର୍ମାଣ କରି ଅଳ୍ପ ମୂଲ୍ୟରେ ସାରିଦେଉଥିବା ଦେଖିବାକୁ ମିଳୁଛି। ଗାଁ ସାରା ଯେତେ ବି ନିର୍ମାଣ କରାଯାଉଛି ଗୋଟିଏ ମଧ୍ୟ ସୁଚାରୁରୂପେ କାର୍ଯ୍ୟ କରାଯାଉନାହିଁ।ଯାହା ଫଳରେ ଅଳ୍ପ ଦିନ ମଧ୍ୟରେ ଭାଙ୍ଗିରୁଜି ଚୁରମାର ହୋଇ ବ୍ୟବହାର ପାଇଁ ଅନୁପଯୋଗୀ ହୋଇଯିବ।ସରକାର ଙ୍କ ସ୍ବଚ୍ଛ ଭାରତ ମିଶନ ଠିକାଦାର ଓ ଅଧିକାରୀ ଙ୍କ ପାଇଁ ବର୍ବାଦ ହୋଇଯିବ ଏଥିରେ ତିଳେ ମାତ୍ର ସନ୍ଦେହ ନାହିଁ।ଏ ବିଷୟରେ ଆମେ କନିଷ୍ଠ ଯନ୍ତ୍ରୀ ଅମୃତା ଜେନା ଙ୍କୁ ପଚାରିବାରୁ ସେ କହିଲେ କି ଘଟଣା ସ୍ଥଳକୁ ଯାଇ ଦେଖିବି ଓ କହିପାରିବି । ତାହେଲେ ନିର୍ମାଣ କାର୍ଯ୍ୟ ଶେଷ ହେବା ପରେ କନିଷ୍ଠ ଯନ୍ତ୍ରୀ ତଦାରଖ କରିବେ ଓ ବିଲ୍ କରିବେ ବେଳେ ଏଥରୁ ଅନୁମାନ କରାଯାଉ ଯେ ସକ୍ପିଟ ଦୁର୍ନୀତି କେମିତି ଚାଲିଛି।ଏଥିପ୍ରତି ଜିଲ୍ଲା ପ୍ରଶାସନ ଧ୍ୟାନ ଦେଇ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅଞ୍ଚଳବାସୀ ଦାବି କରିଛନ୍ତି।