04-Sep-2023

ତୁଷୁରା (ପଞ୍ଚାନନ ନାୟକ)- ତୁଷୁରା ସହର ସ୍ଥିତ ତୋଷାଳୀ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ସୋମବାର ବିଦ୍ୟାଳୟର ପ୍ରତିଷ୍ଠାତା ସୁଧାଂଶୁ ଶେଖର ପଟ୍ଟନାୟକଙ୍କ ସଭାପତିତ୍ବ ସ୍ବଭାବ କବି ଗଙ୍ଗାଧର ମେହେରଙ୍କ ୧୬୧ତମ ଜୟନ୍ତି ମହାସମାରୋହରେ ପାଳିତ ହୋଇଯାଇଛି । ତୁଷୁରା ଏନଏସିର ଅଧ୍ୟକ୍ଷ ଅଜୟ କୁମାର ଜୟଶ୍ବାଳ ମୁଖ୍ଯ ଅତିଥି ଭାବେ ଯୋଗଦେଇଥିବା ବେଳେ ସାହିତ୍ୟିକ ତୁଳସୀ ଜୈନ, ସାପ୍ତାହିକ ଖବରକାଗଜ ପ୍ରେରଣା ର ସଂପାଦକ ରଘୁନନ୍ଦନ ସିଂ, ସାମ୍ବାଦିକ ଶେଖ ମହମ୍ମଦ ୱାହିଦ ଓ ବିଦ୍ୟାଳୟ କମିଟିର ଅଧ୍ୟକ୍ଷ ସୁଧାରକର ପ୍ରଧାନ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ବିଦ୍ୟାଳୟର ପିନ୍ସପାଲ ରବିନ୍ଦ୍ର ମହାକୁର ମଞ୍ଚ ପରିଚାଳନ କରିଥିବା ବେଳେ ବିଦ୍ୟାଳୟର ପୂର୍ବତନ ପରିଚାଳନ କମିଟିର ସଂପାଦକ ବଜରଙ୍ଗ କେଡିଆ ଧନ୍ୟବାଦ ଅର୍ପଣ କରିଥିଲେ ।