26-Jun-2023

(ପ୍ରେରଣା ଖବର)ପଦ୍ମପୁର ବ୍ଲକ କ୍ୟାମ୍ପସ ପରିସରରେ ଏକ ମିଶନ ଶକ୍ତି କ୍ୟାଫେ ଉଦ୍ଘାଟିତ ହୋଇଯାଇଛି। ଏହାକୁ ମୁଖ୍ୟ ଅତିଥି ଭାବରେ ମାନ୍ୟବର ପଦ୍ମପୁର ବିଧାୟିକା ଶ୍ରୀମତୀ ବର୍ଷାରାଣୀ ସିଂ ବରିହା ଉଦ୍ଘାଟନ କରିଛନ୍ତି। ଏହି ଅବସରରେ ସମ୍ମାନୀତ ଅତିଥି ରୂପେ ପଦ୍ମପୁର ଭାରପ୍ରାପ୍ତ ଉପଜିଲ୍ଲାପାଳ ସଦାକର କୁମ୍ଭାର ଯୋଗ ଦେଇଥିଲେ। ପଦ୍ମପୁରରେ ଏକ ଯୁଗାନ୍ତକାରୀ ପଦକ୍ଷେପ ରୂପେ ଏକ ମିଶନ ଶକ୍ତି କ୍ୟାଫେ ଆରମ୍ଭ ହୋଇଛି। ରାଜବୋଡାସମ୍ବର ବ୍ଲକସ୍ତରୀୟ ଏସ୍  ଏଚ୍ ଜି ମହାସଂଘର ମହିଳା ମାନଙ୍କ ଉଦ୍ୟମରେ ଏହି କ୍ୟାଫେର ଶୁଭାରମ୍ଭ ହୋଇଛି। ଏହାକୁ ମୁଖ୍ୟ ଅତିଥି ଭାବରେ ମାନ୍ୟବର ପଦ୍ମପୁର ବିଧାୟିକା ଶ୍ରୀମତୀ ବର୍ଷାରାଣୀ ସିଂ ବରିହା ଉଦ୍ଘାଟନ କରିଛନ୍ତି। ସମ୍ମାନୀତ ଅତିଥି ରୂପେ ପଦ୍ମପୁର ଭାରପ୍ରାପ୍ତ ଉପଜିଲ୍ଲାପାଳ ସଦାକର କୁମ୍ଭାର ଯୋଗ ଦେଇଥିଲେ। ଏଥିରେ ବିଡ଼ିଓ, ସିଡିପିଓ, ଏସଡିଆଇପିଆରଓ ଓ ଅନ୍ୟାନ୍ୟ ଅତିଥି ମାନେ ଯୋଗ ଦେଇଥିଲେ।

ରାଜବୋଡାସମ୍ବରର ପ୍ରାୟ ୧୭୦୦ ଏସ୍ ଏଚ୍ ଜିଙ୍କୁ ନେଇ ବ୍ଲକ ସ୍ତରୀୟ ମହାସଂଘ ଗଠିତ। ସେମାନେ ଏହି କ୍ୟାଫେରେ ପିଠା, ମଣ୍ଡା, ଇଟିଲି ଆଦି ଖାଦ୍ୟ ଘରୋଇ ମାନରେ ପ୍ରସ୍ତୁତ କରି ଲୋକଙ୍କୁ ଖାଇବାକୁ ଦେବେ ବୋଲି ସଂକଳ୍ପବଦ୍ଧ ଅଛନ୍ତି। ସକାଳ ୯ଟାରୁ ରାତି ୯ଟା ଯାଏଁ ଏହି କ୍ୟାଫେ ଖୋଲା ରହିବ।  ଏଭଳି ଉଦ୍ୟମକୁ ମାନ୍ୟବର ବିଧାୟିକା ପ୍ରଶଂସା କରିବା ସହ ଏହି ଅଞ୍ଚଳରେ ଏହା ଏକ ବଡ ସାମାଜିକ ଓ ଅର୍ଥନୈତିକ ପରିବର୍ତ୍ତନ ଆଣିବ ବୋଲି ଆଶା ପ୍ରକାଶ କରିଛନ୍ତି। ମହିଳା ସଶକ୍ତିକରଣର ଏହି ନୂତନ ପ୍ରୟାସକୁ ଉପଜିଲ୍ଲାପାଳ ମଧ୍ୟ ପ୍ରଶଂସା କରିବା ସହ ଏହି କ୍ୟାଫେର ବିସ୍ତାର ପାଇଁ ସମସ୍ତ ପ୍ରକାରର ପ୍ରଶାସନିକ ସାହାଯ୍ୟ ସହଯୋଗ ଯୋଗାଇ ଦିଆଯିବ ବୋଲି କହିଛନ୍ତି।  ପ୍ରସ୍ତୁତିଠୁ ଆରମ୍ଭ କରି ଖାଦ୍ୟ ଯୋଗାଇବା, ପରିଚ୍ଛନ୍ନତା, ଜଳସେବା ଓ ବିଲିଂ ଆଦି ସମସ୍ତ କାର୍ଯ୍ୟ ମିଶନ ଶକ୍ତିର ମହିଳା ମାନେ ହିଁ କରୁଛନ୍ତି। ତେଣୁ  ରୋଜଗାର ସହ ଏହା ଏହି ଅଞ୍ଚଳରେ ମହିଳା ସଶକ୍ତିକରଣର ଏକ ବଡ଼ ଉଦାହରଣ ହୋଇପାରିବାର ଆଶା କରାଯାଉଛି।