25-Jun-2023

ବଲାଙ୍ଗୀର, ପଶ୍ଚିମ ଓଡ଼ିଶାର ପୂରାତନ ପୃଥ୍ୱୀରାଜ ଗୋଶାଳା ଯାହା କି ୧୯୧୯ରେ ସ୍ଥାପିତ ହୋଇଥିଲା ତାକୁ ଉଚ୍ଛେଦ କରା ନ ଯାଉ ବୋଲି ଗତ ନାଗରିକ କମିଟିର କାର୍ଯ୍ୟକାରିଣୀ ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି । କମିଟିର ସଭାପତି ଇଂ. ବେଲାରସିଂ ଭୋଇଙ୍କ ସଭାପତିତ୍ୱରେ ସ୍ଥାନୀୟ ଜେଏସ୍‌ଏମ୍ ମହାବିଦ୍ୟାଳୟ ଠାରେ ଅନୁଷ୍ଠିତ ଏକ କାର୍ଯ୍ୟକାରୀ କମିଟିର ବୈଠକରେ ବଲାଙ୍ଗୀର ସହରର ବିଭିନ୍ନ ସମସ୍ୟା ସଂପର୍କରେ ଆଲୋଚନା କରାଯାଇଥିଲା । ସାଧାରଣ ସଂପାଦକ ମନୋରଂଜନ ସାହୁ ବିଭିନ୍ନ ପ୍ରସ୍ତାବ ଆଗତ କରି ସଭା ପରିଚାଳନା କରିଥିଲେ । ବଲାଙ୍ଗୀରର ବିକାଶ ପାଇଁ କେତେକ ସ୍ଥାନରେ ଉଚ୍ଛେଦ ପ୍ରକ୍ରିୟାକୁ ନେଇ ପ୍ରଶାସନ କୋହଳ ମନୋଭାବ ପୋଷଣ କରୁଥିବା ବେଳେ ବଲାଙ୍ଗୀର ଗୋଶାଳାର ସୁରକ୍ଷା ପ୍ରତି ସରକାର ସମ୍ବେଦନଶୀଳ ହେବାକୁ ବଲାଙ୍ଗୀର ନାଗରିକ କମିଟି ଦାବି କରିଛି । ସେହିପରି ଟାଟା ପାୱାର ର ବାରମ୍ବର ଅଘୋଷିତ ବିଦ୍ୟୁତ କାଟ୍ ପ୍ରତିବାଦରେ ନାଗରିକ କମିଟି କ୍ଷୋଭ ପ୍ରକାଶ କରିଛି । କଂପାନୀର ରେଭିନ୍ୟୁ ସଂଗ୍ରହର ଟାର୍‌ଗେଟ୍ ଅନ୍ୟାନ୍ୟ ଜୋନ୍‌ରେ ୫ଠ ପ୍ରତିଶତରୁ କମ ଥିବା ବେଳେ ପଶ୍ଚିମାଞ୍ଚଳରେ ୭୫ ପ୍ରତିଶତରୁ ଅଧିକ ସଂଗ୍ରହ ହେଉଛି ଏବଂ ବଲାଙ୍ଗୀରରେ ଏହି ସଂଗ୍ରହର ପରିମାଣ ସର୍ବାଧିକ ଥିବା ଜଣାପଡିଛି । କିନ୍ତୁ ଦୁଃଖର ବିଷୟ, ଅନ୍ୟାନ୍ୟ ତିନୋଟି ଜୋନ୍ ଅପେକ୍ଷା ଏ ଅଂଚଳରେ ସର୍ବାଧିକ ବିଦ୍ୟୁତ କାଟ୍ ଓ ଅବହେଳା କରାଯାଉଛି । ଶେଷରେ ସହସଂପାଦକ ଚକ୍ରପାଣି ଦାଶ ଧନ୍ୟବାଦ ଦେଇଥିବା ବେଳେ ଆଲୋଚନାରେ ଉପସଭାପତି ନିତ୍ୟାନନ୍ଦ ମିଶ୍ର, ଗଜେନ୍ଦ୍ର ଭ୍ରମର, ମନୋରଂଜନ ପୁରୋହିତ, ଗୋପଭୂଷଣ ନାଥ, ପର୍ଶୁରାମ ନାୟକ, ଗୋପବନ୍ଧୁ ପୁରୋହିତ, ଦିବାକର ହୋତା, ବ୍ରଜରାଜ ପୁରୋହିତ ଓ ସଲିମ୍ ଖାନ୍ ଅଂଶଗ୍ରହଣ କରିଥିଲେ ।