25-Jun-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ସୋନପୁର ମନମୁଣ୍ଡା ତେଲ ବ୍ରିଜ ରେ ଦୀର୍ଘ ଦିନ ରୁ  ବାଲି ରେ ପୋତି ହୋଇଥିବା ପାଣି ନିଷ୍କାସନ ଛୋଟ ଛୋଟ ଶହ ଶହ ପୋଲ ସବୁ କୁ ଆଜି ସଫା କଲେ ଓ ପାଣି ନିଷ୍କାସନ କଲେ ସ୍ୱଚ୍ଛ ଭାରତ ସଂଗଠନ ସୋନପୁର ମନମୁଣ୍ଡା ର କିଛି ସ୍ବେଛାସେବୀ l ବ୍ରିଜ ରେ ଜମି ଥିବା  ପ୍ରଥମ ବର୍ଷା ପାଣି, ବାଲି,  ଖାଲ ନାଳ ଓ  ଲୁହl ଛଡ଼

ଯୋଗୁଁ ପ୍ରତ୍ୟହଃ ଯିବା ଆସିବା କରୁଥିବା ହଜାର ହଜାର ଗାଡି ଚାଳକ ଓ ଯାତ୍ରୀ ଅସୁରକ୍ଷିତ ମନେ କରୁଥିବା ଅଭିଯୋଗ ହୋଇଛି l ଓ ଛୋଟ ବଡ଼ ଦୁର୍ଘଟଣା ମଧ୍ୟ ଘଟୁଥିବା ଦେଖାଯାଉଛି l  ୧୯୭୩ ମସିହା ରେ ଓଡିଶା ର ରାଜ୍ୟପାଳ ବି ଡି ଜଟ୍ଟୀ ଙ୍କ ଦ୍ୱାରା ଶୁଭାରମ୍ଭ ହୋଇ ବାଲାଙ୍ଗୀର ସୋନପୁର ରୁ ବୌଦ୍ଧ ଜ଼ିଲ୍ଲା ଓ  ରାଜଧାନୀ ଭୁବନେଶ୍ୱରକୁ ସଂଯୋଗ କରୁଥିବା ଏହି ପୁରାତନ ତେଲ ବ୍ରିଜ ଦୀର୍ଘ ଦିନରୁ  ରୁଗ୍ଣ ଓ ଜରାଜୀର୍ଣ ଅବସ୍ଥା ରେ ରହିଛି l କିନ୍ତୁ ଏହାର ଯତ୍ନ ଓ ରକ୍ଷଣା ବେକ୍ଷଣ ଦିଗରେ ଏନ ଏଚ ବିଭାଗ ଓ ରାଜ୍ୟ ପ୍ରଶାସନ ର ଅଣଦେଖା ଯୋଗୁଁ ଆଜି ଆଉ ଏକ ଦ୍ଵିତୀୟ ନୂତନ ପୋଲ ର ଆବଶ୍ୟକ ଜରୁରୀ ହୋଇ ପଡିଛି l ଯଦି ପବ୍ଲିକ କିମ୍ବା ସାମ୍ବାଦିକ ଙ୍କ କେବେ କିଛି  ଅଭିଯୋଗ ହୁଏ  ତାହେଲେ  କେବେ କେବେ ରଙ୍ଗ ଓ ସିମେଣ୍ଟ ପିଚୁ ଟିକିଏ ବୋଳି ଦେଇ ଏନଏଚ ବିଭାଗ ଚତୁରତା ର ସହ ଦୋଷ ମୁକ୍ତ ହେବାର ଓ ଲୋକ ଙ୍କ ଆକ୍ରୋଶ ଯୋଗୁଁ ସ୍ପଟ ରୁ ଖସି ଯିବାର ଦେଖା ଯାଇଥାଏ l ଆଜିର ଏହି ସଫେଇ ଓ ପାଣି ଡ୍ରେନାଇଜ  ରେ ସ୍ୱଚ୍ଛ ଭାରତ ସଂଗଠନ ର ଉଦ୍ୟୋକ୍ତା ସୟଦ ଅଲିମୁଲ ଇସଲାମ, ବୈକୁଣ୍ଠ ଶତପଥୀ, ମନୋରଞ୍ଜନ ତ୍ରିପାଠୀ, ତରଣୀ ମେହେର, ସିମାଞ୍ଚଳ ହୋତା, ଡା. ସରୋଜ ପଟେଲ, ବିକ୍ରମ ବାବୁ, ମିଲୁ ବାବୁ ପ୍ରମୁଖ ଅନେକ ସଭ୍ୟ ଯୋଗ ଦେଇଥିଲେ l  ପ୍ରକାଶ ଥାଉ କି ଯେ  2014 ମସିହାରୁ ଏହି ସଂଗଠନ ତେଲ

ବ୍ରିଜ ର ରକ୍ଷଣାବେକ୍ଷଣ ପାଇଁ ବାଲି ସଫେଇ,  ଓ ଉଭୟ ପଟ ର ଖାଲ ପୋତିବା ସହିତ ସୁପ୍ତ ହୋଇ ରହି ଥିବା ବୌଦ୍ଧ ବାଲାଙ୍ଗୀର ଏନ ଏଚ ବିଭାଗକୁ ଜାଗ୍ରତ କରିଆସୁଥିବା ଅନେକ ନଜିର ଅଛି l ଏବଂ ଏହାର ଯତ୍ନ ଲାଗି ସୁବର୍ଣ୍ଣପୁର ପ୍ରାକ୍ତନ କଲେକ୍ଟରଙ୍କୁ ଲିଖିତ ଆକାରରେ ଅଭିଯୋଗ କରାଯାଇଥିବା ଓ ଜ଼ିଲ୍ଲାପାଳ ଶ୍ରୀମତୀ ନର୍ଭଣେ ବିଭିନ୍ନ କମ୍ପାନୀ ସହ ଯୋଗାଯୋଗରେ ଥିବା ବିଷୟ ମେସେଜ ରେ ଜଣାଇଥିଲେ l