24-May-2023

ଖପ୍ରାଖୋଲ (ପୂର୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲାର ପ୍ରସିଦ୍ଧ ତୀର୍ଥ ପୀଠ ହରିଶଙ୍କର ଠାରେ ସର୍ବଭାରତୀୟ ସ୍ବଲାଖ ବିଞ୍ଜାଲ ସମାଜ ପକ୍ଷରୁ ମାଁ ବିନ୍ଧ୍ୟବାସିନୀ ମନ୍ଦିର ପ୍ରାଙ୍ଗଣରେ ଶୀତଳଷଷ୍ଠୀ ମହୋତ୍ସବ ତିନିଦିନ ଧରି ଅନୁଷ୍ଠିତ ହୋଇଯାଇଛି  

ଏହି  ଉପଲକ୍ଷେ ଆଜି ଶିବ ପାର୍ବତୀଙ୍କ ବିବାହ କାର୍ଯ୍ୟ ସମାପନ ହୋଇଯାଇଛି। ଜୈଷ୍ଠ  ମାସର ଶୁକ୍ଳପକ୍ଷ ଚର୍ତୁଥି ତିଥି ୨୩ /୦୬/୨୩ ବୁଧବାର ଦିନ ସକାଳ ସମୟରେ ମାଁ ବିନ୍ଦ୍ୟବାସିନୀ ମନ୍ଦିର ରୁ ବିଞ୍ଜାଲ ସମାଜ ର ହଜାର ହଜାର ପୁରୁଷ ଓ ମହିଳା ଏକତ୍ରିତ ହୋଇ ହରିଶଙ୍କର ରେ ବହୁଥିବା ପାପ ନାଶିନୀ ଝରଣା ରୁ ପୂର୍ଣ୍ଣ 

କଳସରେ ପାଣି ଆଣି ପୂଜାର୍ଚ୍ଚନା ବିବାହ ମଣ୍ଡପ   କଳସସ୍ଥାପନ କରିଯାଇଥିଲା । ଆଜି ପରମ୍ପରା ଅନୁସାରେ  ପୂଜା ବିଧି ସହ ଗୁଆ ଚୁପା ଓ ନଡିଆ ଧରା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।   ସନ୍ଧ୍ୟା ସମୟ  ରେ ଦଳ ସମାଜ ତଥା ପିତା ପକ୍ଷରୁସ ନାନ୍ଦୁପଲା ଗ୍ରାମରୁ ଏକ ବିରାଟ ଶୋଭାଯାତ୍ରା ବରଯାତ୍ରି  ବାହାରି ମୁଖ୍ୟ ଶିବ ମନ୍ଦିର ରୁ ମାଁ ବିନ୍ଦ୍ୟବାସିନୀ ମନ୍ଦିର କୁ ବର ଆଗମନ କରିଥିଲେ। ବୈଦିକ  ନୀତି ଅନୁସାରେ ଶିବ ଓ

ପାର୍ବତୀଙ୍କ  ବିବାହ କାର୍ଯ୍ୟ କରାଯାଇଛି। ବରଯାତ୍ରୀ ଆସିଥିବା ଶ୍ରଦ୍ଧାଳୁମାନେ ମାଁ ଙ୍କ ଘରେ ପ୍ରସାଦ ସେବନ କରି ଉଲ୍ଳାସିତ ହୋଇଛନ୍ତି। ଏଥିରେ ମାଁ ପାର୍ବତୀଙ୍କ ପିତା ହିସାବରେ ମୀନକେତନ ବରିହା ଓ ମାତା ହିସାବରେ ବିନୋଦିନୀ ବରିହା ଦାୟିତ୍ଵ ତୁଲାଇ ଥିବା ବେଳେ ବର ପିତା ହିସାବରେ ତ୍ରୀନାଥ ପୁଝାରୀ ଓ ମାତା ହିସାବରେ ସତ୍ୟବତୀ ପୁଝାରୀ  ଦାୟିତ୍ଵ ତୁଲାଇଛନ୍ତି। ଆସନ୍ତାକାଲି କନ୍ୟା ବିଦାୟ ଥିବା ବେଳେ ବରଯାତ୍ରୀ ରେ ଆସିଥିବା ଭକ୍ତ ଙ୍କ ରାତିରେ ଦଣ୍ଡ ନୃତ୍ୟ ର କାର୍ଯ୍ୟକ୍ରମ କରାଯାଉଥିବା ଖପ୍ରାଖୋଲ ବ୍ଳକ ବିଞ୍ଝାଲ ସମାଜ ର ସଭାପତି ଚନ୍ଦ୍ର ଶେଖର ବରିହା ସୂଚନା ଦେଇଛନ୍ତି। ଏହି କାର୍ଯ୍ୟକ୍ରମକୁ ଉଭୟ ବିଞ୍ଜାଲ ସମାଜ ଓ ଦଳ ସମାଜର ସମ୍ପୂର୍ଣ୍ଣ ସହଯୋଗ କରୁଥିବା ଜଣାପଡିଛି।