24-May-2023

 ପାଟଣାଗଡ - ( ଦୀଲିପ ପଣ୍ଡା ) ପାଟଣାଗଡ଼ ବ୍ଲକ ଲରମ୍ଭା ଥାନା ଇନ୍ଦପୁର ଗାଁର ଜଣେ ଜଣାଶୁଣା ମୃର୍ତ୍ତୀ କାରିଗର ତାଙ୍କ ବଡ଼ମାଆଙ୍କ ସ୍ବାସ୍ଥ୍ୟ ଅବସ୍ଥା ସଙ୍କଟାପନ୍ନ ଥିବାରୁ  ପାଟଣଗଡରୁ ଟଙ୍କା ପଠାଇବାକୁ ଆସୁଥିଲେ । ରାସ୍ତରେ ରାଜ୍ୟସଭା ସାଂସଦ ନିରଞ୍ଜନ ବିଶି ଙ୍କ ଗାଡି ଧକ୍କାରେ ମୃତୁ ବରଣ କରିଛନ୍ତି । ମୃତକ ଜଣକ ହେଲେ ଇନ୍ଦପୁର ଗାଁର ଟଙ୍କଧର ବିଶ୍ଵାଳ (୩୦) ଟଙ୍କଧର ଙ୍କ ମୃତ୍ୟୁ ପରେ ସାଂସଦ ଙ୍କ ଗାଡି ଓ ଡ଼୍ରାଇଭର

ଲରମ୍ଭା ଥାନାର ଆତ୍ମସମର୍ପଣ କରିଥିବା ପୁଲିସ ସୁତ୍ରରୁ ଜଣାପଡିଛି । ସୂଚନା ଅନୁସାରେ ପୂର୍ବନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ଖୁଲାଗଡରେ ଚାଲିଥିବା ଶୀତଳଷଷ୍ଠୀ ଯାତ୍ରା ମହୋତ୍ସବରେ ଯୋଗଦେବାପାଇଁ ରାଜ୍ୟସାଂସଦ ନିରଞ୍ଜନ ବିଶି ତାଙ୍କ ଓଡି-୦୩-ଏକ୍ସ-୪୬୧୩ କାର ଯୋଗେ ନିଜ ଡ଼୍ରାଇଭର ଙ୍କ ସହ ପାଟଣଗଡରୁ ବାହାରି ତମିଆଁ ଛକ ଦେଇ ଖୁଲାଗଡରେ ୧୧ରୁ ୧୨ ଟା ଭିତରେ ପହଞ୍ଚିବାର କାର୍ଯ୍ୟକ୍ରମ ଥିଲାବୋଲି ଶୀତଳଷଷ୍ଠୀ ଯାତ୍ରା ମହୋତ୍ସବର କମିଟିର ସଭାପତି ଶ୍ୟାମସୁନ୍ଦର ବାରିକ ଙ୍କ ଠାରୁ ଜଣାପଡିଛି । ସାଂସଦ ଙ୍କ ଗାଡି ଘସିଏନ ଲରମ୍ଭା ରାସ୍ତ ଦେଇ ଯାଉଥିବା ସମୟରେ ବିପରିତ ଦିଗରୁ ମୂର୍ତ୍ତି କାରିଗର ଟଙ୍କଧର ଦଇତାରୀମୁଣ୍ଡା ଗ୍ରାମ୍ୟ କମିଟରୁ  ତାଙ୍କ ସ୍କୁଟି ଜୋଗେ ୨୯ ହଜାର ଟଙ୍କା ନେଇ ବୁଲ୍ଲାରେ ଚିକିତ୍ସିତ ହେଉଥିବା ବଡ଼ମାଆଙ୍କୁ ପଠାଇ ଦେବାପାଇଁ ପାଟଣାଗଡ଼ ଅଭିମୁଖେ ଆସୁଥିଲେ । ସୁନାମୁଦି ଓ ତମିଆଁ ଛକ ନିକଟରେ ଥିବା ଏକ କପା ବିଳ ସମ୍ମୁଖରେ ପାଟଣାଗଡ଼ ପଟୁ ଦୃତଗତିରେ ଆସୁଥିବା ରାଜ୍ୟସଭା ସାଂସଦ ଙ୍କ ଗାଡି ଟଙ୍କଧର ଙ୍କୁ ଜୋରରେ ଧକ୍କା ଦେଇ ସ୍କୁଟି ସହ ଟଙ୍କଧର ଙ୍କୁ କପାବିଲ  ଭିତରକୁ ଘୋସାଡି ନେଇଥିଲା । ସେହି ରାସ୍ତା ଦେଇ ଯାଉଥିବା ଇନ୍ଦପୁର ଗାଁର ଜଣେ ବାଇକ ଆରୋହୀ ଙ୍କସହ ଅନ୍ୟାନ୍ୟ ବାଇକ ଆରୋହି ମାନେ  ଏହା ଦେଖି ଚକିତ ହେବାସହ ନିଜ ମୋବାଇଲରେ ଫଟୋମାନ ଉତ୍ତୋଳନ କରିବାକୁ ଲାଗିଥିଲେ । ଏହା ଦେଖି ରାଜ୍ୟ ସଭା ସାଂସଦ ଓ ତାଙ୍କ ଡ଼୍ରାଇଭର ଘଟଣାସ୍ଥଳରୁ ସଙ୍ଗେସଙ୍ଗେ ଲରମ୍ଭା ପଟକୁ ଫେରାର ମାରିଥିବା ଅଭିଯୋଗ ହେଉଛି ।  ଡ଼୍ରାଇଭର  ସାଂସଦ ଙ୍କ ଗାଡିକୁ ନେଇ ଲରମ୍ଭା ଥାନାରେ ଆତ୍ମସମର୍ପଣ କରିଥିଲା । ଦୁର୍ଘଟଣା ସ୍ଥଳଟି ପାଟଣାଗଡ ଥାନା ଅଧିନରେ ଯାଉଥୁବାରୁ ମୃତ ଟଙ୍କଧରଙ୍କ ବାପା ବିଶିକେସନ ପାଟଣାଗଡ଼ ଥାନାରେ ଲିଖିତ ଅଭିଯୋଗ ପରେ ପୁଲିସ ଏକ ମାମଲା ରୁଜୁ କରି ଏହାର ତଦନ୍ତ ଜାରି ରଖିଥିବା ଜଣାପଡିଛି । ଦୁର୍ଘଟଣା ସ୍ଥଳରୁ ସାଂସଦ ନିରଞ୍ଜନ ବିଶି ତାଙ୍କ ଡ଼୍ରାଇଭର ସହ ଲରମ୍ଭା ପଟକୁ ଜାଉଥୁବା ନେଇ ତମିଆଁ ଛକରେ ଥିବା ହୋଟେଲ ଓ ଗେରଜ ସମ୍ମୁଖରେ ଥିବା କିଛି ଜୁବକ ଦେଖିଥିବା ନେଇ କହାକୁହି ହେଉଥିବାବେଲେ ସାଂସଦ ଶ୍ରୀ ବିଶି କିନ୍ତୁ ଦୁର୍ଘଟଣା ସମୟରେ ଗାଡିରେ ମୁଁ ଉପସ୍ଥିତ ନଥିଲିବୋଲି ତାଙ୍କ ପ୍ରତିକ୍ରିୟା ଦେଇଛନ୍ତି । ଅପରପକ୍ଷରେ ଡାକ୍ତରଖାନା ପରିସରରେ ଶବବ୍ୟଵଛେଦ କୁନେଇ ମୃତକଙ୍କ ପରିବାର ଓ ସାଂସଦଙ୍କ ସହଯୋଗୀ ଙ୍କ ସହ

ଦୀର୍ଘ ସମୟ ପର୍ଯ୍ୟନ୍ତ କଥାକଟାଟି ହୋଇଥିଲା । ପରେ ଏସଡିପିଓ ଜ୍ୟୋତିର୍ମୟ ଭୁକ୍ତା ଙ୍କ ହସ୍ତକ୍ଷେପ ପରେ ପରିବାର ବର୍ଗ ଶବବ୍ୟଵଛେଦ ପାଇଁ ରାଜି ହୋଇଥିବାସହ ତହସିଲଦାର ଲକ୍ଷ୍ମଣ ମାଝିଙ୍କ ଉପସ୍ଥିତିରେ ରେଡ଼କ୍ରସ ପାଣ୍ଠିରୁ ୩୦ ହଜାର ଟଙ୍କାର ଆର୍ଥିକ ସହାୟତା ମୃତକଙ୍କ ବାପା ପାଇଥିବା ଜଣାପଡିଛି । ସନ୍ଧ୍ୟା ୬ ଟା ସମୟରେ ଗ୍ରାମବାସୀ ଓ ଶୋକାକୁଳ ପରିବାର ମିସି  ମୂର୍ତ୍ତି କାରିଗରଙ୍କ ଶବ ସତ୍କାର କରିଥିବା ଜଣାପଡିଛି ।