19-May-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ଝରଣିପାଲି ନିକଟସ୍ଥ କରକଚିଆ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି l ଲୋଇସିଂହା, ସୂଚନାରୁ ପକାଶ ରାଜେଶ ପଟେଲ, ତୁଳସିରାମ ପଟେଲ ଓ ସୁରଞ୍ଜନ ପଟେଲ ନାମକ ୩ ଜଣ ବ୍ୟକ୍ତି ଏକ ହୋଣ୍ଡା ସାଇନ ନଂ. OD31J-0357 ବାଇକ ରେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ବୋଲୋରୋ ଗାଡି ନଂ OD03J-8958 ଉକ୍ତ ବାଇକ କୁ ଧକ୍କାଦେଇ ଗାଡିଟି ଆଗଲପୁର ଆଡକୁ ଫେରାର ମାରିଥିଲା l ଦୁର୍ଘଟଣାରେ ୩ ଜଣଙ୍କ ଅବସ୍ଥା ଗୁରୁତର ହେବାରୁ ଖବର ପାଇ ସ୍ଥାନୀୟ ଅଂଚଳର ଟିକଳୁ କଦମ, ବିଦୁତରଞ୍ଜନ ପଧାନ, ଅଶୋକ କଲେତ ଦୁର୍ଘଟଣା ଗ୍ରସ୍ଥ ଲୋକଙ୍କୁ ଲୋଇସିଂହା ଗୋଷ୍ଠୀ ସ୍ୱସ୍ଥ୍ୟକେନ୍ଦ୍ରରେ ପହଞ୍ଚାଇଲେ l 

ଚିକିତ୍ସିତ ଅବସ୍ଥାରେ ଡାକ୍ତର ୩ ଜଣଙ୍କୁ ମୃତ ଘୋଷଣା କଲେ ଓ ଶବ ବ୍ୟବଚ୍ଛେଦ ପାଇଁ ବଲାଙ୍ଗୀର ଭୀମଭୋଇ ମେଡିକାଲ କୁ ପଠାଇଲେ l ଏ ବାବଦରେ ତେନ୍ତୁଳୀଖୁଣ୍ଟି ଗ୍ରାମର ମୃତବ୍ୟକ୍ତି ଙ୍କ ସମ୍ପର୍କୀୟ କମ୍ବୁପାଣି ରାଉତ, ପି. ଭଗବାନ ରାଉତ ଲୋଇସିଂହା ଥାନାରେ ଲିଖିତ ଆକାରରେ ଜଣାଇବା ସହ ଦୋଷୀ କୁ ଶୀଘ୍ର ଧରି ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରିଛନ୍ତି। ସୂଚନାରୁ ପ୍ରକାଶ ଯେ ରୋଥ ରେ ବୋଲୋରୋ ଗାଡିକୁ ଲୋକେ କାବୁ କରିନେଇଥିବା ବେଳେ ଗାଡି ଚାଳକ ର ନାମ ବିନୋଦ ମହାକୁଡ଼ ବୋଲି ସୂଚନା ମିଳିଛି ଏଣୁ ପ୍ରକୃତ ଘଟଣା ବାବଦରେ ପୋଲିସ ତଦନ୍ତ ପରେ ହିଁ ଜଣାପଡିବ l