16-May-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଏଥଲେଟିକ ଏସୋସିଏସନ ଝାରମୁଣ୍ଡା ୩୨ତମ ପ୍ରତିଷ୍ଠା ଦିବସ ସମାରୋହ ୨୦୨୩ କାର୍ଯ୍ୟକ୍ରମ ପାଳିତ ହୋଇଯାଇଛି l ଅନୁଷ୍ଠାନର ସଭାପତି ଶ୍ୟାମସୁନ୍ଦର ମେହେରଙ୍କ ସଭାପତିତିତ୍ୱରେ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମାନ୍ୟବର ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗଦେଇ ଉକ୍ତ ଅନୁଷ୍ଠାନ ସହିତ ଦୀର୍ଘ ଦିନରୁ ଜଡିତ ଥିବା ଅନୁଷ୍ଠାନର ଉନ୍ନତି ପାଇଁ ରାଜ୍ୟ ସରକାରଙ୍କ ତରଫରୁ ଯେତିକି ସମ୍ଭବ ସହଯୋଗ କରାଯିବ ବୋଲି ପ୍ରତିଶୃତି ଦେଇଥିଲେ l ସମ୍ମାନିତ ଅତିଥି ଭାବେ ରାଜ୍ୟ ପରିଷଦ ସଦସ୍ୟ ନିହାର ରଞ୍ଜନ ବେହେରା, ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଲୋଇସିଂହା ବିଜେଡି ବ୍ଲକ ସଭାପତି ହୃଦାନନ୍ଦ ବେହେରା, ମୁଖ୍ୟବକ୍ତା ଭାବେ କୋଶଲପ୍ରବାହ ସମ୍ପାଦକ ଆନନ୍ଦ ଚନ୍ଦ୍ର ସାହୁ ଯୋଗଦେଇ ଏଥଲେଟିକ ଏସୋସିଏସନ ଝାରମୁଣ୍ଡା ଦୀର୍ଘ ଦିନରୁ ସଂଗଠିତ ହୋଇ ଆସିଥିବାରୁ ଆଜି ଉନ୍ନତି ପଥରେ ଆଗେଇ ବଢ଼ି ଚାଲିଛି ଏଣୁ ସମସ୍ତଙ୍କୁ ସଂଗଠିତ ହୋଇ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ l 

ଉପସ୍ଥିତ ଜିଲ୍ଲା ପରିଷଦ ସଭ୍ୟା ଜୋନ ୩୩ ର ଲିଳିମା ବେହେରା, ଜୋନ ୩୩ର ସଂଯୁକ୍ତା ବରିହା, ବୁଢ଼ୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ, ବାଦିମୁଣ୍ଡା ସରପଞ୍ଚ କିରନ ସାହୁ, ପୂର୍ବତନ ଝାରମୁଣ୍ଡା ସରପଞ୍ଚ ସୁନିଲ ଅଗ୍ରୱାଲ, ଲୋଇସିଂହା ସାମ୍ବାଦିକ ସରୋଜ ବିଶ୍ୱାଳ କନକ ନିୟୁଜ, ବିମଳ ହୋତା ସମ୍ବାଦ, ସାରଙ୍ଗ ଭୋଇ ସମାଜ, ସୁଶାନ୍ତ ବାରିକ ଧରିତ୍ରୀ, ମହେଶ କର ମହକ ନିୟୁଜ, ବିନୋଦ ଦୀପ ପ୍ରେରଣା ନିୟୁଜ ପ୍ରମୁଖ ଉପସ୍ଥିତ ଥିଲେ l ଉପସ୍ଥିତ ସମସ୍ତ ସାମ୍ବାଦିକ ମାନଙ୍କୁ ମୁଖ୍ୟଅତିଥିଙ୍କ ଦ୍ୱାରା ସମ୍ମାନିତ କରାଯିବା ସହିତ ଅତିଥି ମାନଙ୍କୁ ସ୍ମୃତି ଉପହାର, ଅସହାୟ ବୃଦ୍ଧବୃଦ୍ଧାଙ୍କୁ ବସ୍ତ୍ର ପ୍ରଦାନ ସହ ସଫଳ ବ୍ୟକ୍ତିବିଶେଷଙ୍କୁ ସମ୍ବର୍ଦ୍ଧନା କରାଯାଇଥିଲା l