15-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ରବିବାର ଅନୁଷ୍ଟିତ ଷଷ୍ଠ ରାଉଣ୍ଡର ତୃତୀୟ ମ୍ୟାଚରେ ସାଗର-୧୧କୁ ହରାଇ ତ୍ରିରଙ୍ଗା ୟୁଥ କ୍ଲବ ବିଜୟୀ ହୋଇଛି ।ଟଚ ଜିଣି ତ୍ରିରଙ୍ଗା  ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୬୧ରନ କରିଥିଲା ତାର ଜବାବରେ ସାଗର-୧୧ ୮ୱିକେଟ ହରାଇ ମାତ୍ର ୪୩ରନ କରିବାକୁ ସକ୍ଷମ ହୋଇଥିଲା ମ୍ୟାଚକୁ ମଣ୍ଟୁ ମୁଦୁଲି ଓ ଦାଶରଥି ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ଶ୍ରୀତମ ଦାସ,ଆଲୋକ ସେଠୀ ଏବଂ ମ୍ୟାଚର ଧାରାବିବରଣୀ ବୈରାଗୀ ପ୍ରଧାନ,ଶଶାଙ୍କ ଶେଖର ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖର ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ବିନିକା ଓକିଲ ସଂଘ ସଭାପତି ତଥା ଭବିଷ୍ୟ ଚାରିଟେବୁଲ ଟ୍ରଷ୍ଟ ମେନେଜିଂ ଡାଇରେକ୍ଟର ଶୁଧାଂଶୁ ଶେଖର ଦାଶ,ସ୍ଵତନ୍ତ୍ର ଅତିଥି ଭାବେ ଭବିଷ୍ୟ ଚାରିଟେବୁଲ ଟ୍ରଷ୍ଟ ଏକାଡେମୀ ମୁଖ୍ୟ ଡାକ୍ତର ଭବାନୀ ଶଙ୍କର ମେହେର, ବିନିକା ସ୍ପୋର୍ଟସ କ୍ଲବ ପୂର୍ବତନ କ୍ରିକେଟିୟର ତଥା ଡିସିବି ବ୍ୟାଙ୍କ ଡୁଙ୍ଗୁରିପାଲି ଶାଖା ପରିଚାଳକ ଅନିଲ କୁମାର ନାଏକ,ସମ୍ମାନିତ ଅତିଥି ଭବିଷ୍ୟ ଚାରିଟେବୁଲ ଟ୍ରଷ୍ଟ ଏସିଷ୍ଟାଣ୍ଟ

ମେନେଜିଂ ଡାଇରେକ୍ଟର ସୁନିଲ ମେହେର ପ୍ରମୁଖ ଯୋଗଦେଇ ବିଜେତା/ଉପବିଜେତା ଦଳ,ମ୍ୟାନ ଅଫ ଦି ମ୍ୟାଚ ସୁରେଶ ଜଗଦଲା, ବେଷ୍ଟ ବୋଲର ଆଲ୍ଲା ନାଗାର୍ଜୁନଙ୍କୁ ପୁରସ୍କାର ପ୍ରଦାନ କରାଯାଇଥିଲା ସୋମବାର ଆନ୍ୟା ସ୍ପୋର୍ଟିଙ୍ଗ ବନାମ ସିଦ୍ଧିକ୍ଷା ରେବେଲସ ମଧ୍ୟରେ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଓକିଲ ସଂଘ ସଭାପତି ବିଧାନ ଚନ୍ଦ୍ର ପାଣିଗ୍ରାହୀ,ସ୍ଵତନ୍ତ୍ର ଅତିଥି ଭାବେ ଆଇନଜୀବୀ ତଥା ବିନିକା ପୁରୁଣା ବସଷ୍ଟାଣ୍ଡ ଦୁର୍ଗାପୂଜା କମିଟି ସଭାପତି ସନ୍ତୋଷ ପଣ୍ଡା,ସାମାଜିକ କର୍ମୀ ତଥା ଆଇନଜୀବୀ ସୁଜିତ କୁମାର ମିଶ୍ର,ସମ୍ମାନିତ ଅତିଥି ଭାବେ ଆସାମ ରାଇଫଲରେ କାର୍ଯ୍ୟରତ ସୈନିକ ସତ୍ୟ ନାରାୟଣ ଥାଟ୍ଟି,ସାମ୍ବାଦିକ ଅଶୋକ କୁମାର ପଣ୍ଡା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।