08-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ଆଜି କୃଷକ ସଂଗଠନ ଗୁଡ଼ିକ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି। ଜ଼ିଲ୍ଲା ବିଭିନ୍ନ ସ୍ଥାନରେ ଆଜି ସକାଳୁ ’ଭାରତ ବନ୍ଦ’ର ପ୍ରଭାବ ପଡିଥିବା ଦେଖିବାକୁ ମିଳିଛି। ଜ଼ିଲ୍ଲା ର ବିଭିନ୍ନ ସ୍ଥାନ ଯଥା ଗୋଶାଳା ବାବୁବନ୍ଦ, ତାଲାବ ଛକ ରାସ୍ତା, ବାମରା ତହସିଲଦାର କାର୍ଯ୍ୟାଳୟ ରାସ୍ତା, କୁଚିଣ୍ଡା ଉପ ଜ଼ିଲ୍ଲାପାଳ କାର୍ଯ୍ୟାଳୟ ରାସ୍ତା, ଜମନକିରା ବ୍ଲକ ଛକ ଆଦି ସ୍ଥାନରେ ରାସ୍ତା ଅବରୋଧ କରାଯାଇଛି l ଏଥିସହିତ ସମ୍ବଲପୁର ସହର ର ବିଭିନ୍ନ ଶ୍ରମିକ ସଙ୍ଗଠନ ପକ୍ଷରୁ ସ୍ଥାନୀୟ କଚେରୀ ଛକ ରେ ବିକ୍ଷୋଭ ପ୍ରଦର୍ଶନ, ସମ୍ବଲପୁର ନାଗରିକ ସମିତି ପକ୍ଷରୁ ଜିଏମ କଲେଜ ଛକ ରେ ବିକ୍ଷୋଭ ପ୍ରଦର୍ଶନ  ପିକେଟିଂ ସହ ରାସ୍ତାରୋକ ଜାରି ରହିଥିବା ଦେଖିବାକୁ ମିଳିଛି l ସମ୍ବଲପୁର ଜିଲ୍ଲା କଂଗ୍ରେସ କମିଟି ପକ୍ଷରୁ ଭାରତ ବନ୍ଦ କରାଯାଇଛି l ସ୍ଥାନୀୟ ଲଷ୍ମୀଟକିଜ ଛକ ରେ ପୂର୍ବତନ ବିଧାୟକ ତଥା ଜ଼ିଲ୍ଲା ସଭାପତି ଅଶ୍ବିନୀ ଗୁରୁ ଙ୍କ ନେତୃତ୍ୱ ରେ  ରାସ୍ତାକୁ ଓଲ୍ହାଇଛନ୍ତି ଜ଼ିଲ୍ଲା କଂଗ୍ରେସ ନେତା ଓ କର୍ମୀ l
           କୃଷକ ଆନ୍ଦୋଳନକୁ ସମର୍ଥନ କରି ସମ୍ବଲପୁର ନାଗରିକ ସମିତି ପକ୍ଷରୁ ସ୍ଥାନୀୟ ଜିଏମ କଲେଜ ଛକ ରେ ଅନୁଷ୍ଠିତ ବିକ୍ଷୋଭ କାର୍ଯ୍ୟକ୍ରମରେ ବିଭିନ୍ନ ସାମାଜିକ ସଙ୍ଗଠନ ଏବଂ ରାଜନୈତିକ ଦଳ ର କର୍ମକର୍ତ୍ତା ଭାଗ ନେଇ କେନ୍ଦ୍ର କୃଷି ଆଇନ କୁ ବିରୋଧ କରିଥିଲେ I  ଏଥିରେ ପୂର୍ବତନ ସାଂସଦ ଭବାନୀ ଶଙ୍କର  ହୋତା,  ସୁଧୀର ପଣ୍ଡା, ମହେଶ ସାଇତା, ଏମଡି ଜୁଲ ଫିକର ଅଲ୍ଲୀ ଭୁଟ୍ଟୋ, ଅନିଲ କୁମାର ପାଣ୍ଡେ, ଅର୍ଣ୍ଣବ ବାବୁ, ବିଜୟ ଭୂୟାଁ, ଏମଡି ଜୁବେଦ, ଓକିଲ ଖାନ, ଅଶୋକ ପାଣିଗ୍ରାହୀ ଠାକୁର ବାଗ ପ୍ରମୁଖ ଉପସ୍ଥିତ ଥିଲେ I