08-Dec-2020

କେନ୍ଦୁଝର, (ପ୍ରେରଣା ଖବର)- କେନ୍ଦୁଝର ଜିଲ୍ଲା  ହାଟଡିହୀ  ତହସିଲ ଅଧୀନ ବୈତରଣୀ ନଦୀ ପଠା ରୁ ବେଆଇନ ବାଲି ଉଠାଣ ହେଉଛି l ପ୍ରତିଦିନ ସହ ସହ ହାଇୱା,ଟ୍ରକ ଦ୍ୱାରା ବାଲି ପରିବହନ ହେଉଛି l ଏପରିକି ସନ୍ଧ୍ୟା ରୁ ବିଳମ୍ବିତ ରାତି ପର୍ଯ୍ୟନ୍ତ ବି ବାଲି ଉଠାଣ ଓ ପରିବହନ ହେଉଛି l ଫଳରେ ସରକାର କୋଟି କୋଟି ଟଙ୍କା ର ରାଜସ୍ବ ହରାଉଛନ୍ତି l ତହସିଲ ତରଫରୁ ପୂର୍ବରୁ ପାଞ୍ଚୋଟି ବାଲି ଘାଟ କୁ ଲିଜ ଦିଆଯାଇଥିଲା lଏଥି ମଧ୍ୟରୁ ଚଳିତ ବର୍ଷ ଡ଼ିମିରିଆ ଓ ହାବଳେସ୍ୱର ବାଲି ଘାଟ ର ଲିଜ ଅବଧି ପୁରି ସାରିଛି l ଆମ୍ବ-କରୋଗଳା ଘାଟ ର ଲିଜ ଅବଧି ସରି ନ ଥିବା ବେଳେ ବଂଚ ଘାଟ କୁ ନେଇ କୋର୍ଟ ରେ ମାମଲା ବିଚାରଧୀନ ରହିଛି l କିନ୍ତୁ ମୁଖ୍ୟ କଥା ହେଉଛି ଲିଜ ଘାଟ କୁ ଛାଡି ଅନ୍ୟ ସ୍ଥାନ ରୁ ବାଲି ଉଠାଣ ହେଉଛି l ନଦୀ ବନ୍ଧ ରୁ ନଦୀ କୁ କୁତ୍ରିମ ରାସ୍ତା ତିଆରି କରାଯାଇଛି lଭରିଯାନ ଯାତାୟାତ ଦ୍ୱାରା ନଦୀ ବନ୍ଧ ଦୁର୍ବଳ ହେବା ସ୍ୱାଭାବିକ l  ନଦୀ ରେ ପାଣି ଥିବାରୁ ନଦୀ ମଝିରେ ବାଲି ଛଣା ମେସିନ ବ୍ୟବହାର କରି ବାଲି ଛାଣି ଆଡି ରେ ଗଛିତ କରାଯାଉଛି l ଆଡି ରେ ମହଜୁଦ ବାଲିକୁ ଜେସିବି ଦ୍ୱାରା ଗାଡି ଗୁଡିକୁ ଲୋଡ଼ ଦିଆଯାଉଛି l ଏପରି ହେଲେ ଆସନ୍ତା ଦିନରେ ନଦୀ ର ଗତିପଥ ବଦଳିବା ନିଶ୍ଚିନ୍ତ ଅଟେ l ନଦୀ ଗତିପଥ ବଦଳିଲେ ପ୍ରାୟ ତିରିଶ ରୁ ଉର୍ଦ୍ଧ ଗ୍ରାମ ନଦୀ ସ୍ରୋତ ରେ ନଷ୍ଟ ଭ୍ରଷ୍ଟ ହେବ l ଏଥିପ୍ରତି ପ୍ରଶାସନିକ ପଦକ୍ଷେପ ଜରୁରୀ ହୋଇପଡିଛି l ତହସିଲ ଅଧୀନ ନଅଟି ପଞ୍ଚାୟତ ବନ୍ୟା ପ୍ରଭାବିତ ଭାବେ ଜଣାଶୁଣା l ତେବେ କାହା ସ୍ୱାର୍ଥ ପାଇଁ ଏପରି ବାଲି ଉଠାଣ ଓ ପରିବହନ ହେଉଛି ଏବଂ ଏଥିପାଇଁ କିଏ ଉତ୍ତରଦାୟୀ ସେ ଦିଗରେ ବି ତଦନ୍ତ ର ଆବଶ୍ୟକତା ରହିଛି l ନଚେତ ଆସନ୍ତା ଦିନରେ ସାଧାରଣ ଲୋକ ଦୁର୍ଦ୍ଦଶା ଭୋଗିବେ l ଯାହାକୁ ନେଇ ଆନନ୍ଦପୁର ବିଜେପି ନେତା ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଆଲୋକ ସେଠି ମତ ପ୍ରକାଶ କରିଛନ୍ତି l ଏପରିକି ବ୍ଲକ ସ୍ତରରୁ ଜିଲା ସ୍ତର ପର୍ଯ୍ୟନ୍ତ ପ୍ରଶାସନିକ ଅଧିକାରୀ ମାନେ ପିସି ନେଇ ବେଆଇନ ବାଲି ଉଠାଣ ଓ ପରିବହନ କୁ ସହଯୋଗ କରୁଥିବା ମଧ୍ୟ କହିଛନ୍ତି l  ସମଣା ଏଆରଆଇ ସଞ୍ଜୟ ପେରେଇ ଙ୍କ କହିବା ଅନୁସାରେ ମୁଁ ନୂଆ ଭାବେ ଏଠାରେ ଯୋଗ ଦେଇଛି l କୋଉଠି କଣ ହେଉଛି ମୁଁ ଜାଣିନି lଆରଆଇ ସେ ବାବଦରେ କହିପାରିବେ l ଆରଆଇ  ସୁଶାନ୍ତ ସାମଲ ଙ୍କୁ ଏ ବାବଦରେ ପଚାରିବାରୁ ସେ କହିଛନ୍ତି ଯେ ମୁଁ ତିନୋଟି ଆରଆଇ ସର୍କଲ ଦାୟିତ୍ୱ ରେ ରହି ସବୁ କାର୍ଯ୍ୟ ଠିକ ଭାବେ କରି ହେଉନି lତେଣୁ  ସେଠାକାର ଏଆରଆଇ ଓ ଅମିନ ସବୁ କଥା ବୁଝନ୍ତି ଏବଂ ସେଠାରେ କାର୍ଯ୍ୟରତ ଏଆରଆଇ  ଏକ ବର୍ଷ ରୁ ଉର୍ଦ୍ଧ ହେବ ସେଠାରେ କାର୍ଯ୍ୟ କରି ଆସୁଛନ୍ତି l ଅତିରିକ୍ତ ତହସିଲଦାର ରଶ୍ମି ରଞ୍ଜନ ଦାସ କହିଛନ୍ତି ଯେ କେଉଁଠୁ ବେଆଇନ ବାଲି ଉଠାଣ ଓ ପରିବହନ ହେଉଛି ମତେ ଜଣା ନାହିଁ l ମତେ ତଥ୍ୟ ପ୍ରଦାନ କଲେ ମୁଁ ଚଢ଼ାଉ କରିବି।