19-Apr-2023

ବିନିକା(ହିମାଂଶୁ ଶେଖର ପୁଟେଲ) ସମ୍ବଲପୁର ଠାରେ ଅନୁଷ୍ଠିତ ପବିତ୍ର ହନୁମାନ ଜୟନ୍ତୀ ଶୋଭାଯାତ୍ରା ଉପରକୁ ଅମାନୁଷିକ ଓ କ୍ରୁରତାପୂର୍ଣ୍ଣ ଭାବରେ ଜିହାଦୀଙ୍କ ଦ୍ଵାରା ପଥର ମାଡ଼ ଏବଂ ୧୪ତାରିଖରେ ଜଣେ ହିନ୍ଦୁ ଭାଇଙ୍କୁ ହତ୍ୟା କରାଗଲା ତାର ପ୍ରତିବାଦରେ ଆଜି ସକାଳ ୬ଘଣ୍ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବିନିକା ବନ୍ଦ ପାଳନ ସଂପୂର୍ଣ୍ଣ ସଫଳ ହୋଇଛି । ବିଶ୍ଵ ହିନ୍ଦୁ ପରିଷଦ,ବଜରଙ୍ଗଦଳର କର୍ମକର୍ତ୍ତାଙ୍କ ସହ ବିଭିନ୍ନ ଅନୁଷ୍ଠାନର ସଦସ୍ୟ ମାନେ ଏଥିରେ ସାମିଲ ହୋଇ ସ୍ଥାନୀୟ କଲେଜ ଛକ ଠାରେ ପିକେଟିଂ କରିଥିଲେ । ଭକ୍ତମାନଙ୍କ ଉପରେ ହୋଇଥିବା ସୁନୀୟୋଜିତ ଆକ୍ରମଣ ପ୍ରଶାସନିକ ଅପାରଗତାକୁ ଦର୍ଶାଉଛି ବୋଲି ସେମାନେ ଅଭିଯୋଗ କରିଥିଲେ ।ଯାହାକି ହିନ୍ଦୁ ମାନଙ୍କର ଧାର୍ମିକ ଆସ୍ଥା,ବିଶ୍ୱାସ ଓ ସ୍ୱତନ୍ତ୍ରତା ଉପରେ କୁଠାରାଘାତ ବୋଲି କହିଛନ୍ତି ।ତେଣୁ ଦୋଷୀ ମାନଙ୍କୁ ତୁରନ୍ତ ଗିରଫ କରାଯାଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେମାନେ ଦାବୀ କରିଛନ୍ତି ।ମୋଟାମୋଟି ଆକାରରେ ବିନିକା ବନ୍ଦ ଶାନ୍ତିପୂର୍ଣ୍ଣ ରହିଥିଲା । ବନ୍ଦକୁ ଲୋକେ ଓତୋପ୍ରୋତ ଭାବରେ ସମର୍ଥନ ଦେଇଥିଲେ ।ଦୋକାନ ବଜାର ସମ୍ପୂର୍ଣ୍ଣ ବନ୍ଦ ରହିଥିବା ବେଳେ କେବଳ ଜରୁରୀ କାଳୀନ ସେବାକୁ ଛାଡ଼ିଦେଲେ ଅନ୍ୟ ସବୁ ଗାଡିମଟର ଚଳାଚଳ ଠପ ହୋଇପଡ଼ିଥିଲା ।ସେହିପରି ବିନିକା ରୁ ରାମପୁର ଓ ବିନିକା ରୁ ସୋନପୁର ମୁଖ୍ୟ ରାସ୍ତାରେ ଥିବା ଗାଁ ଗୁଡିକରେ ମଧ୍ୟ ବନ୍ଦର ପ୍ରଭାବ ପଡ଼ିଥିବା ବେଳେ ରାସ୍ତା ପାର୍ଶ୍ବରେ ଥିବା ଗୁରୁତ୍ତ୍ୱପୂର୍ଣ୍ଣ ଛକ ଗୁଡିକ ଶୂନଶାନ ହୋଇପଡିଥିଲା ।ଅନ୍ୟ ପକ୍ଷରେ ବିନିକା ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଥିଲା ।