18-Apr-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକର ହୀରାପୁର ପଞ୍ଚାୟତରେ ହୋଇଥିବା ଦୁର୍ନୀତି ଷର ତଦନ୍ତ ନ ହେବାରୁ ପୂର୍ବତନ ସରପଞ୍ଚ ରାଧାନାଥ ବିଶ୍ଵାଳଙ୍କ ଆମରଣ ଅନଶନ। ସେ ଲୋଇସିଂହା ବ୍ଲକ୍ କାର୍ଯ୍ୟାଳୟ ଆଗରେ ଏହି ଧାରଣାରେ ବସିଛନ୍ତି l ସେ କହିଛନ୍ତି ଯେ ପଞ୍ଚାୟତରେ କିଛି କାମ ନହୋଇ ମଧ୍ୟ ବିଲ ହୋଇଛି। ଶ୍ରୀ ବିଶ୍ଵାଳ ଆହୁରି ମଧ୍ୟ ପ୍ରକାଶ କରିଛନ୍ତି ଯେ ଗୋଟିଏ କାମରେ ଦୁଇ ଦୁଇ ଥର ବିଲ ହୋଇଛି। ମନରେଗା କଥା ନ କହିବା ଭଲ l ବ୍ୟକ୍ତି ବିଶେଷ ନଥାଇ ମଧ୍ୟ ତାଙ୍କ ନାମ ରେ ଟଙ୍କା ଉଠା ଯାଇଛି, ଶ୍ରୀ ବିଶ୍ଵାଳ କହିଛନ୍ତି ଯେ ସେ ପ୍ରଥମେ ଆର୍ ଟି ଆଇ ରେ ତଥ୍ୟ ମାଗିଥିଲେ l ତଥ୍ୟରୁ ଜାଣିବାକୁ ପାଇଲେ ସେ ପାଞ୍ଚ ବର୍ଷ ମଧ୍ୟରେ ସର୍ବ ମୋଟ ୪୩ ପ୍ରକାର କାମ ଉପରେ ଦୁର୍ନୀତି ହୋଇଛି l

ତାପରେ ସେ ପ୍ରଶାସନକୁ ଲିଖିତ ଅଭିଯୋଗ କରିଥିଲେ।ହେଲେ ବର୍ଷ ବର୍ଷ ବିତି ଯାଇଥିଲେ ମଧ୍ୟ କିଛି ସୁଫଳ ମିଳିନାହିଁ l ଫଳରେ ସେ ବାଧ୍ୟ ହୋଇ ଅନଶନରେ ବସିଥିବା କହିଛନ୍ତି l ଯେ ପର୍ଯ୍ୟନ୍ତ ଜିଲ୍ଲାପାଳ ନ ଆସିବେ ସେତେଦିନ ପର୍ଯ୍ୟନ୍ତ ମୁ ଅନଶନରେ ବସିବି ବୋଲି ପ୍ରକାଶ କରିଛନ୍ତି ପୂର୍ବତନ ସରପଞ୍ଚ ରାଧାନାଥ ବିଶ୍ଵାଳ  l