10-Feb-2023

ବିନିକା(ହିମାଂଶୁ ଶେଖର ପୁଟେଲ)କିଛିଦିନ ତଳେ ଡୁଙ୍ଗୁରିପାଲି ଠାରେ ଆୟୋଜିତ କୋଶଳ ସାମ୍ବାଦିକ ସଂଘର ବାର୍ଷିକ ଉତ୍ସବରେ ବିନିକା ଅଞ୍ଚଳର କୁହିବାହାଲ ଗ୍ରାମର ଅବସରପ୍ରାପ୍ତ ଶିକ୍ଷକ ମୁରଲୀଧର ବିଶ୍ଵାଳ ପ୍ରକୃତି ବନ୍ଧୁ,ମହଦା ଗ୍ରାମର ଦଣ୍ଡ କଳାକାର ରସିକ ସାହୁ ଏବଂ ବିନିକା ସହରର ବାନ୍ଧଶିଳ୍ପୀ(ବୁଣାକାର) ଶାନ୍ତିଲତା ମେହେରଙ୍କୁ ସମ୍ବର୍ଦ୍ଧିତ କରାଯାଇଥିବାରୁ ସାରା ବିନିକା ଅଞ୍ଚଳରେ ଖୁସିର ଲହରୀ ଖେଳିଯାଇଛି ।ସୂଚନା ଯୋଗ୍ୟ ଯେ ପ୍ରକୃତି ବନ୍ଧୁ ଶ୍ରୀବିଶ୍ଵାଳ ସ୍ଥାନୀୟ ଉଚ୍ଚ ବିଦ୍ୟାଳୟରେ ଶିକ୍ଷକ ଭାବେ କାର୍ଯ୍ୟ କରୁଥିବା ବେଳେ ବୃକ୍ଷ ହିଁ ଜୀବନକୁ ଆଧାର କରି ସୌନ୍ଦର୍ଯ୍ୟ ପରିବେଶ ଗଠନ ଦିଗରେ ଗୁରୁତ୍ତ୍ଵ ଦେଇଥିଲେ ।ସେହିପରି ବିଶିଷ୍ଟ କଳାକାର ରସିକ ଉଚ୍ଚକୋଟୀର ଭାବେ ଦଣ୍ଡ ନୃତ୍ୟ ପ୍ରଦର୍ଶନ କୁ ଦେଖଣାହାରୀ ଦର୍ଶକଙ୍କୁ ବାନ୍ଧି ରଖିବାରେ ପ୍ରମୁଖ ଭୂମିକା ନିଭାଇ ଆସୁଛନ୍ତି ।ଅନ୍ୟ ପକ୍ଷରେ ବାନ୍ଧଶିଳ୍ପୀ ଶ୍ରୀମତୀ ମେହେର ସୂତା ସୂତାରେ ଭାରତ ସ୍ଵାଧିନତାର ପ୍ରମୁଖ ଭୂମିକା ନିଭାଇଥିବା ମହାତ୍ମାଗାନ୍ଧୀଙ୍କ ଦାଣ୍ଡିଯାତ୍ରା ଓ ଯୋଗ ଦିବସରେ ଯୋଗ ଶାଢ଼ୀ ବୁଣି ଚର୍ଚ୍ଚାକୁ ଆସିଥିବା ବେଳେ ସମସ୍ତଙ୍କ ମନକୁ ଛୁଇଁଲା ଭଳିଆ ଆହୁରି ଅନେକ ପ୍ରକାରର ଶାଢ଼ୀ ବୁଣି ଜଣେ ଆଦର୍ଶ ବୁଣାକାର ଭାବେ ପରିଚିତ । ଅନୁଷ୍ଟିତ ଏହି ବାର୍ଷିକ ଉତ୍ସବରେ ମାନ୍ୟଗଣ୍ୟ ବ୍ୟକ୍ତି ବିଶେଷ ଏବଂ ବହୁ ସାମ୍ବାଦିକ ଉପସ୍ଥିତ ଥିଲେ ।