10-Feb-2023

-ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ)

 ସୋନପୁର ମହାରାଜା ହାଇସ୍କୁଲ ର ବାର୍ଷିକ ଉତ୍ସବ ଧୁମ ଧାମ ରେ ପାଳିତ ହୋଇ ଯାଇଛି l ସୁବର୍ଣ୍ଣପୁର ଜ଼ିଲ୍ଲାପାଳ ଅବୋଲି ସୁନୀଲ ନରୱାଣେ ମୁଖ୍ୟ ଅତିଥି ରୂପେ ଯୋଗ ଦେଇ ଏହି ଉତ୍ସବ କୁ ଉଦଘାଟନ କରି ପିଲା ମାନଙ୍କୁ କଠିନ ପରିଶ୍ରମ କରିବା କୁ ଓ  ଭଲ ମଣିଷ ହେବାକୁ ପରାମର୍ଶ କରିଥିଲେ l ସମ୍ମାନିତ ଅତିଥି ରୂପେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ଯୋଗ ଦେଇ ଖେଳ କୁଦ ଓ ଯୋଗ ମାଧ୍ୟମ ରେ ଶରୀର କୁ ପ୍ରଥମେ ଫିଟ ରଖିଲେ ସବୁ କ୍ଷେତ୍ରରେ ସଫଳତା ମିଳିବ ବୋଲି ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟତ୍ରୀ, ଅଭିଭାବକ ଓ ଉପସ୍ଥିତ ସମସ୍ତ ବୁଦ୍ଧିଜୀବୀ ଙ୍କୁ ପରାମର୍ଶ କରିଥିଲେ l  ବରିଷ୍ଠ ସାମ୍ବାଦିକ ତଥା ମୋ ସ୍କୁଲ ଅଭିଯାନ ର ସଭାପତି ଗୋରେଖ ନାଥ ସାହୁ ମୁଖ୍ୟ ବକ୍ତା ଭାବେ ଯୋଗ ଦେଇଥିବା ବେଳେ ଏସ ଏମ ସି ସଭାପତି ୱାହିତ ଅଲ୍ଲୀ ଅତିଥି ଭାବେ ଯୋଗ ଦେଇଥିଲେ l ସମସ୍ତ କୃତି ଛାତ୍ର  ସମେତ  ବିଭିନ୍ନ କ୍ଷେତ୍ରରେ ରାଜ୍ୟ ରେ ସୁନାମ ଅର୍ଜନ କରିଥିବା ସି ଡ଼ବ୍ଲୁ ଏସ ଏମ ର ପୁରାତନ ଛାତ୍ର ଶିବାନନ୍ଦ ଚାନ୍ଦଙ୍କୁ ଜ଼ିଲ୍ଲାପାଳ ଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା l ପ୍ରାଧାନ ଶିକ୍ଷକ  ଆଶିଷ କୁମାର ରଥ ଙ୍କ ସଭାପତିତ୍ୱ ରେ ସଭା କାର୍ଯ୍ୟ ଅନୁଷ୍ଠିତ ହୋଇ ଥିବା ବେଳେ ଶିକ୍ଷୟତ୍ରୀ ଅନୁଲିତା ମିଶ୍ର ସଭା ସଂଯୋଜନା କରିଥିଲେ l  ଶିକ୍ଷୟତ୍ରୀ ଜୟନ୍ତୀ ମେହେର ପୁରସ୍କାର ବିତରଣି ଉତ୍ସବ କୁ ପରିଚାଳନା କରିଥିବା ବେଳେ ସମସ୍ତ ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିଲେ l  ଶେଷ ରେ ଶିକ୍ଷୟତ୍ରୀ ଜୁଲିତା ମିଶ୍ର ଧନ୍ୟବାଦ ଅର୍ପଣ କରିଥିଲେ l ଛାତ୍ର ଛାତ୍ରୀ ଙ୍କ ମଧ୍ୟରେ ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l