29-Dec-2022

ବୌଦ୍ଧ ଜିଲ୍ଲା ଅଙ୍ଗନୱାଡି ସଙ୍ଘପକ୍ଷରୁ ଆଠ ଦଫା ଦାବି ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ  ସମ୍ମୁଖ ରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏଥିରେ ସଙ୍ଘର ସଭାନେତ୍ରୀ ଶ୍ରୀମତୀ ଉର୍ମିଳା ମହାପାତ୍ର ତଥା ସମ୍ପାଦିକା ସତ୍ୟବତୀ ସାହୁଙ୍କ ନେତୃତ୍ବରେ ସଙ୍ଘର ସମସ୍ତ ସଦସ୍ୟା ଦାବୀ ସମ୍ବନ୍ଧୀୟ ବିଭିନ୍ନ ସ୍ଲୋଗାନ୍ ଦେଇଥିଲେ। (୧) ୨୦୧୮ ଆନ୍ଦୋଳନ କାଳରେ ବହିଷ୍କୃତ ୬ ଅଙ୍ଗନୱାଡି କର୍ମୀଙ୍କ ପୁନଃ ନିଯୁକ୍ତି, (୨) ଅଙ୍ଗନୱାଡି କର୍ମୀଙ୍କୁ ସରକାରୀ ମାନ୍ୟତା ପ୍ରଦାନ, (୩)ସରକାରୀ ମାନ୍ୟତା ପ୍ରଦାନ ପର୍ଯ୍ୟନ୍ତ କର୍ମୀଙ୍କୁ ୧୮ ହଜାର

ତଥା ସହାୟିକାଙ୍କୁ ୯ ହଜାର ଟଙ୍କା ପାଉଣା, (୪) ମିନି ଅଙ୍ଗନୱାଡି ଉଚ୍ଛେଦ କରି ପ୍ରକୃତ ଅଙ୍ଗନୱାଡି କର୍ମୀ ମାନ୍ୟତା ,(୫) ଅବସର କାଳୀନ ଭାବେ ୫ ଲକ୍ଷ ଟଙ୍କା  ସହିତ ୫ ହଜାର ଟଙ୍କା ପେନସନ୍ ପ୍ରଦାନ, (୬) ଚାକିରୀ ସମୟରେ ମ୍ରୃତ୍ୟୁ ହେଲେ ପରିବାର ସଦସ୍ଯଙ୍କୁ ଚାକିରୀ, (୭) ଗାଁ କଲ୍ୟାଣ ସମିତିରୁ ଅଙ୍ଗନୱାଡି କର୍ମୀଙ୍କୁ ବାଦ୍ ,(୮) ଇ-ପ୍ରାଇମେରୀ ଶିକ୍ଷୟିତ୍ରୀ  ମାନ୍ୟତା ଓ ବରିଷ୍ଠ କର୍ମୀଙ୍କୁ ସୁପର୍ଭାଇଜର୍ ପଦୋନ୍ନତି ଆଦି ଦାବି କରି ମାନନୀୟ ଜିଲ୍ଲାପାଳଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କ ନିମିତ୍ତ ଏକ ଦାବିପତ୍ର ପ୍ରଦାନ କରିଥିଲେ।

(ଜୟାନନ୍ଦ ମିଶ୍ର ଙ୍କ ରିପୋର୍ଟ)