29-Dec-2022

ସୁବର୍ଣ୍ଣପୁର,- ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଦିନିକିଆ ସୁବର୍ଣ୍ଣପୁର ଗସ୍ତ ଅବସରରେ ବୁଧବାର  ସୋନପୁର ସର୍କିଟ୍ ହାଉସ୍‌ଠାରେ ମହାନଦୀ ସାହିତ୍ୟ ସଂସଦ(ଏମ୍‌ଏସ୍‌ଏସ୍)ର କର୍ମକର୍ତ୍ତା ମାନେ ରାଜ୍ୟପାଳଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି । ଏହି ଅବସରରେ ସଂସଦ ତରଫରୁ ରାଜ୍ୟପାଳଙ୍କୁ ସୋନପୁରର ପ୍ରସିଦ୍ଧ ଟେରାକୋଟା ହନୁମାନ, ହସ୍ତତନ୍ତର ୱାଲହେଙ୍ଗିଂ, ସୁରେଶ୍ୱରୀ ମାଙ୍କ ଫଟୋଚିତ୍ର ଏବଂ ଉତ୍ତରୀୟ ପ୍ରଦାନ କରାଯାଇଛି । ଜାତୀୟ ପୁରସ୍କାରପ୍ରାପ୍ତ ତନ୍ତଶିଳ୍ପୀ ପ୍ରହଲ୍ଲାଦ ମେହେରଙ୍କ ଦ୍ୱାରା ପ୍ରସ୍ତୁତ ‘କଳ୍ପଦୃମ’ ୱାଲହେଙ୍ଗିଂକୁ ବାପା ଖଗେଶ୍ୱର ମେହେରଙ୍କ ସହିତ ପ୍ରହଲ୍ଲାଦ ରାଜ୍ୟପାଳଙ୍କୁ ପ୍ରଦାନ କରିଥିଲେ । ସଂସ୍କୃତି ଗବେଷକ ଡଃ ପୁରୁଷୋତ୍ତମ ମିଶ୍ର ସ୍ୱରଚିତ ‘ସୁବର୍ଣ୍ଣପୁରର ଲୋକ ସଂସ୍କୃତି’ ଏବଂ ‘ଚନ୍ଦନ ବନର ଗପ’ ପୁସ୍ତକ ପ୍ରଦାନ କରିଥିଲେ । ସଂସଦର ସଭାପତି ଶ୍ୟାମାଓଁ ମିଶ୍ରଙ୍କ ନେତୃତ୍ୱରେ ଡଃ ସୌରଭ ରଞ୍ଜନ ଖମାରୀ, ପୁରୁଷୋତ୍ତମ ମିଶ୍ର, ବିଘ୍ନରାଜ ପଣ୍ଡା, ଧରଣୀଧର ମିଶ୍ର, ବ୍ରତାନନ୍ଦ ଭୋଇ, ରାଧେଶ୍ୟାମ ପୁରୋହିତ ପ୍ରମୁଖ ରାଜ୍ୟପାଳଙ୍କୁ ଭେଟିଥିଲେ । ଫେବ୍ରୁଆରୀ ୫ ମାଘ ପୂଣ୍ଣ ର୍ିମା ଅବସରରେ ଆୟୋଜିତ ହେବାକୁ ଥିବା ‘ଲୀଳା କ୍ଷେତ୍ର ପାତାଳୀ’ ସଂପର୍କିତ ଜାତୀୟ କର୍ମଶାଳା ଏବଂ ସଙ୍ଗମ ଆଳତିରେ ମୁଖ୍ୟ ଅତିଥି ଭାବେ ଯୋଗ ଦେବା ପାଇଁ ରାଜ୍ୟପାଳଙ୍କୁ ଅନୁରୋଧ କରାଯାଇ ଥିଲା ।