-+91-9937148622 |
prerana_bgr@rediffmail.com |
Friday 19th April 2024 |
R.N.I. Regd No. ODIODI/2010/46693
Breaking News
27-Dec-2022
ବିନିକା(ହିମାଂଶୁ ଶେଖର ପୁଟେଲ)ବୃଦ୍ଧା ସମୟରେ ପୁଅର ସେବା ପାଇ ଜୀବନ ସାର୍ଥକ ହେବ ଭାବୁଥିବା ମାଁ ସନ୍ଧ୍ୟାରାଣୀ ସେବକ(୬୦) ସବୁଦିନ ପାଇଁ ପୁଅକୁ ହରାଇଲା,କାଣାଟେ ଭୁଲ କଳା ଜେ ମୋର ପୁଅକୁ ପିଟି ପିଟି ମାରି ଦେଲେ ବୋଲି ଆଖିରୁ ଲୁହ ନିଗାଡି କୋହଭରା ବୟସାଧ୍ୟ ମା ବିନିକା ଥାନାରେ ଲିଖିତ ଅଭିଯୋଗ କରିଛନ୍ତି ।ଘଟଣା ପରେ ପୋଲିସ ଅଭିଯୁକ୍ତ କୁ ଗିରଫ କରି ଥାନାରେ ଅଟକ ରଖି ଟିକି ନିଖି ଭାବରେ ପଚରା ଉଚୁରା ଜାରି ରଖିଛି । ଦେଇଥିବା ଲିଖିତ ଅଭିଯୋଗ ପତ୍ରରୁ ଜଣା ଯାଇଛି ଯେ ବିନିକା ଏନଏସି ଅନ୍ତର୍ଗତ ୩ନଂ ୱାର୍ଡ ଗୁଲାପଡା ଗ୍ରାମର ପଣ୍ଡୁ ବେହେରା ରବିବାର ସକାଳେ ଘରକୁ ଆସି ତୋ ପୁଅକୁ ଜୀବନରେ ମାରି ଦେବାକୁ କହି ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲା ପରେ ମୋ ପୁଅ ପ୍ରକାଶ ସେବକ ନଦୀକୁ ଗାଧୋଇ ଯାଇଥିବା ବେଳେ ସେଠାରେ ଇଟା ଓ ପଥରରେ ମୁହଁ,ମୁଣ୍ଡରେ ଆଘାତ କରି ରକ୍ତ ଜୁଡୁ ଜୁଡୁ ଅବସ୍ଥାରେ ସ୍କୁଟିରେ ବସାଇ ଘରକୁ ଆଣି କଚାଡି ଦେବାରୁ ସେ ଚେତାସୁଣ୍ୟ ହୋଇ ପଡ଼ିଥିଲା ।ସଙ୍ଗେ ସଙ୍ଗେ ସ୍ଥାନୀୟ ଲୋକେ ଅଟୋ ସହାୟତାରେ ଚିକିତ୍ସା ପାଇଁ ବିନିକା ଡାକ୍ତରଖାନାରେ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଦେଖି ଡାକ୍ତର ବୁର୍ଲା ସ୍ଥାନାନ୍ତରିତ କରିଥିଲେ ।ସେଠାରେ ଚିକିତ୍ସାଧୀନ ଥିବାବେଳେ ପ୍ରକାଶ ର ମୃତ୍ୟୁ ଘଟିଥିଲା । ଶବ ବ୍ୟବଚ୍ଛେଦ ପରେ ପ୍ରକାଶ ର ମୃତ ଶରୀର ସୋମବାର ଗ୍ରାମକୁ ଆସିବା ପରେ ଶୋକାକୁଳ ପରିବେଶ ସୃଷ୍ଟି କରିଥିଲା ।ଘଟଣା ପରେ ବଲାଙ୍ଗୀର ରୁ ସାଇଣ୍ଟିଫିକ ଟିମ ଆସି ତଦନ୍ତ କରି ଫେରି ଯାଇଥିବା ବେଳେ ବିନିକା ପୋଲିସ ଥାନାଧିକାରୀ ପବିତ୍ର ସାହୁଙ୍କ ନେତୃତ୍ୱରେ ଷ୍ଟାଫ ଅଭିଯୁକ୍ତ ପଣ୍ଡୁ କୁ ଗିରଫ କରି ଥାନାରେ ଅଟକ ରଖି ପଚରାଉଚରା ଜାରି ରଖିଛନ୍ତି ।