11-Aug-2022

ବରଗଡ:-ବରଗଡ଼ ଜିଲ୍ଲା ପାଇକମାଳ ବ୍ଳକ ଅଧିନସ୍ଥ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସ୍ଥିତ ସଭାଗୃହ ଠାରେ ଏବଂ ପାଇକମାଲ ଗୋଷ୍ଠୀ ଉନ୍ନୟନ ବୈଠକ ଗୃହ ଠାରେ ସ୍ବାସ୍ଥ୍ୟକର୍ମୀ , ସ୍ୱାସ୍ଥ୍ୟ ପରିଦର୍ଶକ,  ସ୍କୁଲ ମାନଙ୍କର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ତଥା ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନଙ୍କ ପାଇଁ ଜାତୀୟ କୃମି ନାଶକ କାର୍ଯ୍ୟକ୍ରମ ପରିପ୍ରେକ୍ଷୀରେ ଏକ ପ୍ରଶିକ୍ଷଣ ଶିବିର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଡାକ୍ତର ସୈାମ୍ୟରଞ୍ଜନ ଦାଶ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇଯାଇଛି। ତାଲିମଦାତା ଭାବରେ ଜନସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀମାନ ତୁଷ କୁମାର ଚନ୍ଦ୍ରକାର ଓ ଗୋଷ୍ଠୀ କାର୍ଯ୍ୟକ୍ରମ ପରିଚାଳକ ଶ୍ରୀ ରେବତୀ ମୋହନ ଜେନା ଉପସ୍ଥିତ ରହି ପ୍ରଶିକ୍ଷଣ ପ୍ରଦାନ କରିଥିଲେ।ଏହି କାର୍ଯ୍ୟକ୍ରମ ରେ ପାଇକମାଲ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଶ୍ରୀମାନ ଶିବ ପ୍ରସାଦ ଯୋଷୀ ଉପସ୍ଥିତ ରହି ମାର୍ଗଦର୍ଶନ ଦେଇଥିଲେ। ଆସନ୍ତା ତା ୧୨.୦୮.୨୦୨୨ ଦିନ ଜାତୀୟ କୃମି ନାଶକ ଦିବସ ସାରା ଭାରତବର୍ଷ ରେ ପାଳନ କରାଯିବ ।ଏଣୁ ଏହି ଦିବସ ରେ ୧ ବର୍ଷ ରୁ ୧୯ ବର୍ଷ ବୟସର ଆମ ବ୍ଳକ ର ସମସ୍ତ ଶିଶୁଙ୍କୁ କୃମି ନାଶକ ବଟିକା ସେବନ କରାଯିବ ଓ ଯେଉଁ ଶିଶୁ ମାନେ ଏହି ଦିନ ଅନୁପସ୍ଥିତି ରହିବେ ସେମାନଙ୍କୁ ତା ୧୯.୦୮.୨୦୨ରିଖ(ଶୁକ୍ରବାର) ଦିନ ସେବନ କରାଯିବ ତେଣୁ ଆପଣମାନଙ୍କ ସହଯୋଗ ନିତାନ୍ତ ଆବଶ୍ୟକ ବୋଲି ଶ୍ରୀମାନ ଚନ୍ଦ୍ରକାର ମତବ୍ୟକ୍ତ କରିଥିଲେ।ପାଇକମାଲ ବ୍ଳକ ର ସମସ୍ତ ୧୬୭ ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ ଗଣ ଏହି ପ୍ରଶିକ୍ଷଣ ଶିବିର ରେ ଉପସ୍ଥିତ ରହି ପ୍ରଶିକ୍ଷଣ ନେଇଥିବା ଜଣାପଡିଛି।