11-Aug-2022

ବିନିକା(ହିମାଂଶୁ ଶେଖର ପୁଟେଲ) ସମ୍ବଲପୁର ବିଶ୍ଵ ବିଦ୍ୟାଳୟ ଯୁକ୍ତ ତିନି ପରୀକ୍ଷା ଫଳାଫଳ ପ୍ରକାଶିତ ହୋଇଛି ।ଏଥିରେ ସୁବର୍ଣ୍ଣପୁର ଜିଲ୍ଲା ବିନିକା ସିଦ୍ଧାର୍ଥ ଡିଗ୍ରୀ କଲେଜର ୩ଜଣ ଛାତ୍ରୀ ଟପଟେନରେ ସ୍ଥାନ ଅଳଙ୍କୃତ କରିଥିବାରୁ

କଲେଜର ଅଧ୍ୟାପକ,ଅଧ୍ୟାପିକା,କର୍ମଚାରୀ ତଥା ଅଞ୍ଚଳର ଶିକ୍ଷା ପ୍ରେମୀ ମହଲରେ ଖୁସିର ଲହରୀ ଖେଳିଯାଇଛି। ସୂଚନା ଯୋଗ୍ୟ ଯେ କଲେଜ ଅଧ୍ୟକ୍ଷ ଡ଼ଃ ଧୀରେନ୍ଦ୍ର କୁମାର ନାୟକଙ୍କ ସୂଚନା ଅନୁସାରେ ରାଜନୀତି ବିଜ୍ଞାନରେ ସର୍ବମୋଟ ୩୯ଜଣ ପରୀକ୍ଷା ଦେଇଥିଲେ। ସେଥିରୁ ୨ଜଣ ସସ୍ମିତା ଦୋରା(୯.୨୩ ସିଜିପିଏ) ମାର୍କ ରଖି ଟପ୍ ଟେନ ର ଚତୁର୍ଥ ସ୍ଥାନ ପାଇଥିବା ବେଳେ ଜୟନ୍ତୀ ସୁନା(୯.୧୧)ମାର୍କ ରଖି ନବମ ସ୍ଥାନରେ

ରହିଛନ୍ତି ।ସେହିପରି ଶିକ୍ଷା(ବିଭାଗ) ସମ୍ମାନରେ ଲିଲିମା ଦାସ (୯.୨୩ ସିଜିପିଏ) ମାର୍କ ରଖି ଦଶମ ସ୍ଥାନ ଅଳଙ୍କୃତ କରିଛନ୍ତି ।ପ୍ରକାଶ ଥାଉ କି ୧୯୯୩ମସିହାରେ ସ୍ଥାପିତ ସିଦ୍ଧାର୍ଥ ଡିଗ୍ରୀ କଲେଜରେ ୨୯ବର୍ଷ ଶିକ୍ଷାଦାନ ମଧ୍ୟରେ ପ୍ରଥମ କରି ୩ଜଣ ଛାତ୍ରୀ ଚଳିତ ବିଶ୍ଵ ବିଦ୍ୟାଳୟ ଶିକ୍ଷାବର୍ଷ ରେ ଟପ୍ ଟେନ ରେ ସ୍ଥାନ ପାଇଥିବାରୁ ତାଙ୍କର ଉଜ୍ଜଳ ମୟ ଭବିଷ୍ୟତ ଗଠନ ଦିଗରେ ସହାୟକ ହେଉ ବୋଲି ବୁଦ୍ଧିଜୀବୀ ମହଲରେ ଆଶା ପ୍ରକଟ ପାଇଛି ।