30-Jul-2022

ପାଟଣାଗଡ(ପୂର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ ଖର୍ଲି ଗ୍ରାମ ଏକ ଅଘଟଣ ଘଟିଛି। ସୂଚନାଯୋଗ୍ୟ ଯେ ତୁରେକେଲା ବ୍ଲକ ଖର୍ଲି ଗାଁ ର ଜଣେ ନାବାଳକ ଓ ନାବାଳିକା ଦୁହେଁ ଦୁହିଁଙ୍କୁ ଭଲ ପାଉଥିଲେ। କିନ୍ତୁ ତାଙ୍କ ପ୍ରେମକୁ ନାବାଳକ ଘର ଲୋକେ ବିରୋଧ କରୁଥିବା ଶୁଣିବାକୁ ମିଳୁଛି। କିନ୍ତୁ ଘଟଣା ର  ଛଅ ଦିନ ତଳେ ନାବାଳିକା ଜଣକ  ନିଖୋଜ ଥିଲେ ହେଲେ ନାବାଳିକାର ମୃତ ଦେହ ଆଜି ସନ୍ଧ୍ୟାରେ ୪/୫ ରେ ଖର୍ଲି ଗ୍ରାମ ନିକଟସ୍ଥ ପାଟପାଣି ଜଙ୍ଗଲ ରୁ ମାଟି ଖୋଳି ଗଳିତ ଅବସ୍ଥାରେ ଉଦ୍ଧାର କରାଯାଇଛି। ସୋମବାର ରାତିରୁ ନାବାଳିକା ଜଣକ ଅଚାନକ ଘରୁ ଗାୟବ ହୋଇଥିବା ବେଳେ ନାବାଳିକା ଙ୍କ ପରିବାର ପକ୍ଷରୁ ତୁରେକେଲା ଥାନା ରେ ଏତଳା ଦିଆଯାଇଥିଲା। ଥାନା ରେ  ନିଖୋଜ ମାମଲା ରୁଜୁ କରି ତୁରେକେଲା ପୋଲିସ ଜୋରସୋରରେ ତଦନ୍ତ ଆରମ୍ଭ କରିଥିଲେ ଏବଂ ନାବାଳକ,ତାଙ୍କ ବାପା ଓ ଏବଂ ନିକଟସ୍ଥ ଗ୍ରାମ ଡେବରିଆ

ମୁଣ୍ଡା ର ଜଣେ ଯୁବକ ଙ୍କୁ ଅଟକ ରଖି ପଚରାଉଚରା କରିବା ପରେ ଅଭିଯୁକ୍ତ ମାନେ ନାବାଳିକା ଙ୍କୁ ହତ୍ୟା କରି ଖର୍ଲି ଗ୍ରାମ ନିକଟସ୍ଥ ପାଟପାଣି ଜଙ୍ଗଲ ରେ ପୋତି ଦେଇଥିବା ସ୍ବିକାର କରିବା ପରେ ହତ୍ୟା ଘଟଣା ଜଣାପଡିଛି। କଣ୍ଟାବାଞ୍ଜି ପୋଲିସ, ତୁରେକେଲା ପୋଲିସ ଓ ଲାଠୋର ପୋଲିସ ଘଟଣାସ୍ଥଳକୁ ଯାଇ ମାଟି ଖୋଳି ନାବାଳିକାଙ୍କ ଗଳିତ ମୃତ ଦେହ ଉଦ୍ଧାର କରି ଅଭିଯୁକ୍ତ ମାନଙ୍କୁ ଥାନା କୁ ନିଆଯାଇଛି। ଏହି ଘଟଣା କୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଛି ନାବାଳିକା ର ଦୋଷ କଣ ଥିଲା ଏବଂ ଭଲ ପାଇବାର ଫଳ ତାକୁ ମୃତ୍ୟୁ ରୂପରେ ମିଳିଲା। ଅଭିଯୁକ୍ତ ମାନଙ୍କୁ କୋଠର ଦଣ୍ଡ ବିଧାନ କରିବାକୁ ଅଞ୍ଚଳବାସୀ ଦାବି କରିଛନ୍ତି। ଏବେ ପୋଲିସ ଆହୁରି ତଦନ୍ତ କରି ଚାଲିଛନ୍ତି ବୋଲି ସୂଚନା ମିଳିଛି।