07-May-2022

ସୁବର୍ଣ୍ଣପୁର   ରାଜ୍ୟ ପରିବହନ ବିଭାଗ ର କମିଶନର ଙ୍କ ନିର୍ଦ୍ଦେଶ କ୍ରମେ  ଗତକାଲି ସୁବର୍ଣ୍ଣପୁର ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ, ଆର ଟି ଓ  ରୁବିନ ପଟ୍ଟନାୟକ, ଆସିଷ୍ଟାଣ୍ଟ ଆର ଟି ଓ  ଶିବାଶିଷ ସାହୁ ଙ୍କ ନେତୃତ୍ବ  ଓ ତତ୍ୱାବଧାନ ରେ ସହର ର କୁଞ୍ଜ ହୋଟେଲ ସମେତ ବିଭିନ୍ନ ସ୍ଥାନରେ ଜ଼ିଲ୍ଲା ପୋଲିସ ଓ ପରିବହନ ବିଭାଗ ତରଫରୁ ମିଳିତ ଭାବରେ ଗାଡି ମୋଟର ଯାଞ୍ଚ କରାଯାଇଥିଲା l ବିଶେଷ କରି ମଦ୍ୟ ପାନ କରି ଗାଡି ଚଳାଉଥିବା ଚାଳକ ଙ୍କ ପ୍ରତି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା l ଏହି ପରିପ୍ରେକ୍ଷୀରେ ସମୁଦାୟ ୧୫ ଟି ଗାଡି ଜବତ ହୋଇଥିବା ବେଳେ ୧୨ଜଣ  ମଦୁଆ ଗାଡି ଚାଳକ ଙ୍କୁ ଗିରଫ କରାଯାଇଛି l ତିନୋଟି ଡ୍ରାଇଭିଙ୍ଗ ଲାଇସେନ୍ସ ଅସ୍ଥାୟୀ ଭାବରେ ବାତିଲ କରାଯାଇଛି l ଚଳିତ ମେ ମାସ ପ୍ରଥମ ସପ୍ତାହ ରୁ ସୁବର୍ଣ୍ଣପୁର ଜିଲ୍ଲାରେ ଦୁଇ ଚକିଆ ଯାନରେ ବସିଥିବା ବ୍ୟକ୍ତି ମଧ୍ୟ ହେଲମେଟ ପିନ୍ଧିବା ଜରୁରୀ ବୋଲି ଘୋଷଣା ହୋଇଥିଲା ଓ ଏଥିରେ ବ୍ୟତିକ୍ରମ ହେଲେ ଚାଳକ ଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆଞ୍ଚଳିକ ପରିବହନ ଅଧିକାରୀ  ରୁବିନ ପଟ୍ଟନାୟକ  ସୂଚନା ଦେଇଛନ୍ତି l ସୁବର୍ଣ୍ଣପୁର ଜିଲ୍ଲାରେ ଦୁର୍ଘଟଣା ସଂଖ୍ୟା ହ୍ରାସ କରିବା ପାଇଁ ପୋଲିସ ଓ ପରିବହନ ବିଭାଗ ପକ୍ଷରୁ ବିଭିନ୍ନ ସମୟରେ ଗାଡି ମୋଟର ଯାଞ୍ଚକୁ କଡାକଡ଼ି କରାଯାଉଛି l ସେହିପରି ସହରରେ ଦିନରାତି ଅନଭିଜ୍ଞ  ଟ୍ରାକ୍ଟର ଚାଳକଙ୍କ ସ୍ପିଡ଼ ଓ ବେପରୁଆ ଗାଡିଚାଳନା ଉପରେ ବିଭାଗ ତୀକ୍ଷ୍ଣ ନଜର ରଖିବାସହ ଭାରିଯାନ ଚଳାଚଳ ଉପରେ ମଧ୍ୟ ଦୃଷ୍ଟି ଦେବା ଉପରେ  ବିଭାଗ ଉପରେ ମଧ୍ୟ ବୁଦ୍ଧିଜୀବି ଆଶାରଖିଛନ୍ତି। ପରିବହନ ବିଭାଗ ର ଏହି ସ୍ପେସିଆଲ ଡ୍ରାଇଭ ପୁଣି ରାଜ୍ୟ ସାରା  ସବୁଠି ଏକା ସାଙ୍ଗରେ ମଦୁଆ  ଚାଳକ ଙ୍କ ଉପରେ ଚଢ଼ାଉ ହେଉ ଥିବାରୁ  ଗତ ମାସରେ ରାଜ୍ୟ ରେ ଦୁର୍ଘଟଣା ମୃତ୍ୟୁ ସଂଖ୍ୟା 300 କମିଥିବା ସୂଚନା ମିଳିଛି l ଜ଼ିଲ୍ଲା ତଥା ରାଜ୍ୟ ରେ

କ୍ରମାଗତ ଚେକିଂ ହିଁ ଦୁର୍ଘଟଣା କୁ ରୋକିବାରେ ଏକମାତ୍ର ସହାୟକ ହୋଇ ପାରିବ ବୋଲି ଅନେକ ସଚେତନ ବର୍ଗ ଆଶାକରୁଥିବା ବେଳେ  ଜିଲ୍ଲା ପରିବହନ ବିଭାଗ ର ଏପରି ଉଦ୍ୟମ କୁ ସାଧାରଣରେ ବେଶ ପ୍ରଶଂସା କରାଯାଉଛି l ପୋଲିସ ଓ ପରିବହନ ବିଭାଗ ତରଫରୁ ଏପରି କାର୍ଯ୍ୟାନୁଷ୍ଠାନ ରେ ମଦ୍ୟପ ଚାଳକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିବା ବେଳେ ରାତିଅଧିଆ ମଦୁଆଙ୍କ ପ୍ରଭାବ ମଧ୍ୟ ଏବେ କମ ପରିଲକ୍ଷିତ ହେଉଛି। ଗତ କାଲି ର ଏହି ସ୍ପେସିଆଲ ଡ୍ରାଇଭ କାର୍ଯ୍ୟକ୍ରମ ରେ ଆର ଟି ଓ ଶ୍ରୀ ପଟ୍ଟନାୟକ, ଆସିଷ୍ଟାଣ୍ଟ ଆର ଟି ଓ  ଶ୍ରୀ ସାହୁ, ପୋଲିସ ଏ ଏସ ଆଇ ସୁଶୀଳ ବିଶି,   ଶ୍ରୀ  ରଂଜିତ କୁମାର ମହାପାତ୍ର, ଶ୍ରୀ ଦିଲୀପ କୁମାର ସାହୁ ଙ୍କ ସମେତ ପରିବହନ ବିଭାଗ ର କନେଷ୍ଟବଲ ସରିତା ଲାକ୍ରା, ରବୀନ୍ଦ୍ର ଦଳାଇ, ମଦନ ମୋହନ ଦଳାଇ, ସନାତନ କୁମାର, ପ୍ରମୁଖ ସାମିଲ ଥିଲେ l