07-May-2022

 ଗଞ୍ଜାମ(ପ୍ରେରଣା ଖବର) - ପୁରୁଷୋତ୍ତମପୁର ବ୍ଲକ୍ ଅନ୍ତର୍ଗତ ଝାଡ଼ବାଇ ଗ୍ରାମ ପଞ୍ଚାୟତ ନିକଟସ୍ଥ ଗାଙ୍ଗନାପୁର ଗ୍ରାମରେ ଗୁଗୁଲ ମିଟ୍ ଦ୍ଵାରା ଗ୍ରୀଷ୍ମ ଆଲୋଚନା ଚକ୍ର ହୋଇଯାଇଛି | 

      ଶ୍ରୀ ଚିତ୍ରସେନ ମହାରଣାଙ୍କ ଦ୍ୱାରା ପ୍ରତିଷ୍ଠା କରା ଯାଇଥିବା ଏକ ଅଗ୍ରଣୀ ସାହିତ୍ୟ ଅନୁଷ୍ଠାନ ହେଉଛି  ଓଡ଼ିଆ ସାହିତ୍ୟ ସଂସଦ । ଲକ୍ଷ୍ୟ କେବଳ ଗୋଟିଏ, ସୁପ୍ତ ପ୍ରତିଭାମାନଙ୍କୁ ଲୋକଲୋଚନକୁ ଆଣି ସେମାନଙ୍କୁ ପ୍ରେରଣା ଯୋଗେଇଦେବା ଓ ସେମାନଙ୍କ ଦ୍ୱାରା ରଚିତ ଗଳ୍ପ ଓ କବିତାକୁ ସାରା ଦୁନିଆ ପାଖରେ ପହଞ୍ଚେଇବା। ଆଜିର ଯୁବପିଢୀ ସାହିତ୍ୟଠୁ ଦୂରେଇ ରହୁଥିବା ବେଳେ ସାହିତ୍ଯକୁ ଆଗେଇ ନେବା ପାଇଁ ଶ୍ରୀ ଚିତ୍ରସେନ ମହାରଣାଙ୍କ ଏହି ପ୍ରୟାସ ବାସ୍ତବିକ୍ ସ୍ୱାଗତଯୋଗ୍ୟ । 
         
        ଗ୍ରୀଷ୍ମ ଋତୁ ଅବସରରେ 'ଗ୍ରୀଷ୍ମ' କୁ ନେଇ ଓଡ଼ିଆ ସାହିତ୍ୟ ସଂସଦ ଆନୁକୂଲ୍ୟରେ ଏକ ରାଜ୍ୟ ସ୍ତରୀୟ ଅନଲାଇନ ଆଲୋଚନା ଚକ୍ର ଆୟୋଜିତ ହୋଇଯାଇଛି । ଅନୁଷ୍ଠାନ ର ସହ ସମ୍ପାଦକ ଶ୍ରୀ ପରମା ନାଏକ ଆସର କୁ ପରିଚାଳନା କରିଥିଲେ ଓ ଆସର ଆରମ୍ଭରେ ମଙ୍ଗଳା ଚରଣ ଗାନ କରିଥିଲେ | ଏହି ଆଲୋଚନା ଚକ୍ରରେ ମୁଖ୍ୟ ଅତିଥି ଭାବେ  ଗଞ୍ଜାମ ଜିଲ୍ଲାରୁ କବି ପ୍ରକାଶ ନାହାକ ଉପସ୍ଥିତ ଥିଲେ । ମୁଖ୍ୟ ବକ୍ତା ଭାବେ ସମ୍ବଲପୁର ଜିଲ୍ଲାରୁ କବି ନିତ୍ୟାନନ୍ଦ ଖମାରୀ, ସମ୍ମାନିତ ବକ୍ତା ଭାବେ ବୌଦ୍ଧ ଜିଲ୍ଲାରୁ କବି ନିବାଶ ନାୟକ, ବରେଣ୍ୟ ବକ୍ତା ଭାବେ ଯୋଗ ଦେଇଥିଲେ ଗଞ୍ଜାମ ଜିଲ୍ଲାରୁ ଶ୍ରୀନିବାସ ପଣ୍ଡା ,  ତା ସହିତ ଅନୁଷ୍ଠାନର ପ୍ରତିଷ୍ଠାତା ଓ ସଭାପତି ଶ୍ରୀ ଚିତ୍ରସେନ ମହାରଣା , ଉପ ସଭାପତି ଶ୍ରୀମତୀ ମୀରା ବାଈ ପାଣିଗ୍ରାହୀ , ସମ୍ପାଦିକା ଶ୍ରୀମତୀ ରୋଜାଲିନି ସେନାପତି, ସହ ସମ୍ପାଦକ ଶ୍ରୀ ପରମା ନାଏକ, ପ୍ରମୁଖ ସାମିଲ ରହି ସହଯୋଗ କରିଥିଲେ । ଏଥିରେ ଓଡିଶାର କୋଣ ଅନୁକୋଣରୁ ଶତାଧିକ କବି ଓ କବୟତ୍ରୀ ଅଂଶଗ୍ରହଣ କରିଥିଲେ ।  ଶେଷରେ ପ୍ରତିଷ୍ଠାତା ଓ ସଗଗଭାପତି ଚିତ୍ରସେନ ମହାରଣା ସମସ୍ତଙ୍କୁ କୃତଜ୍ଞତା ଜଣାଇଥିଲେ ।