17-Nov-2020

ଟିଟିଲାଗଡ଼, (ପ୍ରେରଣା ଖବର) - ଓଡିଶା ୟୁନିୟନ ଅଫ୍  ଜର୍ଣ୍ଣାଲିଷ୍ଟ, ବଲାଙ୍ଗୀର ଜିଲ୍ଲା ଶାଖା ସଭାପତି  ଦୀପକ ସମଦାର ଙ୍କ ସଭାପତିତ୍ୱ ରେ ଜାତୀୟ ପ୍ରେସ ଦିବସ ଅନୁଷ୍ଠିତ ହୋଇଯାଇଛି। ଗଣମାଧ୍ୟମ ର ଚତୁର୍ଥ ସ୍ତମ୍ଭ ଭାବେ ସାମ୍ବାଦିକ ନିଜ କର୍ତ୍ତବ୍ୟ ସମ୍ପାଦନ କରିଆସୁଥିବା ବେଳେ ତାଙ୍କ ପ୍ରତି ସରକାର ସ୍ୱତନ୍ତ୍ର ଯୋଜନା ମାନ ପ୍ରଣୟନ କରିବା ଆବଶ୍ୟକ ବୋଲି ମତପ୍ରକାଶ ପାଇଥିବା ବେଳେ ଏହି କରୋନା ସମୟରେ ତାଙ୍କୁ ସ୍ୱତନ୍ତ୍ର ସୁବିଧା, ସୁଯୋଗ ର ଆବଶ୍ୟକ ବୋଲି ମତପ୍ରକାଶ ପାଇଛି। ନିରପେକ୍ଷତା ସହ ନିଜ ଦାଇତ୍ଵ ତୁଲାଇ ଆସୁଥିବା ଏହି ସାମ୍ବାଦିକ ମାନଙ୍କ ପାଇଁ ଏକ ଦାବିପତ୍ର ଓୟୁଜେ ଟିଟିଲାଗଡ ଶାଖା ତରଫରୁ ଜାତୀୟ ପ୍ରେସ ଦିବସ ଅବସରରେ ସମସ୍ତ ସାମ୍ବାଦିକ ଙ୍କ ଦସ୍ତଖତ ସମ୍ବଳିତ ଏକ ଦାବିପତ୍ର ସରକାର ଙ୍କ ନିକଟକୁ ପ୍ରେରଣ କରାଯାଇଛି । ଟିଟିଲାଗଡ଼ ସ୍ଥିତ ସ୍ଥାନୀୟ ୟସ ହୋଟେଲରେ ଜାତୀୟ ପ୍ରେସ ଦିବସ ନିରାଡ଼ମ୍ବର ଭାବେ ପାଳିତ ହୋଇଯାଇଛି। ଏହି ଦିବସ ଅବସରରେ ସମସ୍ତ ସାମ୍ବାଦିକ ମାନେ ନିଜ ନିଜର ମତବ୍ୟକ୍ତ କରିବା ସହ ସରକାର ସାମ୍ବାଦିକ ସୁରକ୍ଷା ଆଇନ ପ୍ରଣୟନ  କରିବା ତଥା ବିଭିନ୍ନ ଦାବି ମାନ ପୂରଣ ସମ୍ବନ୍ଧରେ ଆଲୋଚନା ହୋଇଥିଲା ।