02-Sep-2021

ସମ୍ବଲପୁର (ସଂଜୀବ କୁମାର ପାଣିଗ୍ରାହୀ)  ୨୦୧୪ ସାଧାରଣ ନିର୍ବାଚନ ପୂର୍ବରୁ ଅର୍ଥାତ ଦୀର୍ଘ ୮ ବର୍ଷ ହେଇଗଲା ସମ୍ବଲପୁର ମହାନଗର ନିଗମ ଘୋଷଣା କୁ । ସମ୍ବଲପୁର ପୋୖରାଞ୍ଚଳ, ହୀରାକୁଦ ଏନ.ଏ.ସି ବୁର୍ଲା ଏନ.ଏ.ସି ଓ ଆଖପାଖ ୧୨ ଗୋଟି ପଞ୍ଚାୟତ କୁ ନେଇ ଗଠିତ ହୋଇଛି ସମ୍ବଲପୁର ମହାନଗର ନିଗମ । ମହାନଗର ନିଗମ ଘୋଷଣା ହେଲା ପରେ ଅଞ୍ଚଳବାସୀ ଙ୍କ ମନରେ ଅନେକ ଆଶା ସଂଚାରିତ ହେଇଥିଲା ଓ ଲୋକେ ବିକାଶ ର ସ୍ୱପ୍ନ ଦେଖିଥିଲେ । କିନ୍ତୁ, ଦୀର୍ଘ ଆଠ ବର୍ଷ ଧରି ପ୍ରଶାସନିକ ଅଧିକାରୀ ଙ୍କ ଦ୍ଵାରା ପରିଚାଳିତ ସମ୍ବଲପୁର ମହାନଗର ନିଗମ ଆଜି ଦୁର୍ନୀତି ଓ ଭ୍ରଷ୍ଟାଚାର ର ଗନ୍ତାଘର ସାଜିଛି । ମହାନଗର ନିଗମ ଅଞ୍ଚଳବାସୀ ଙ୍କୁ ସର୍ବନିମ୍ନ ମୌଳିକ ସୁବିଧା ଯୋଗାଇ ଦେବାରେ ମଧ୍ୟ ପ୍ରଶାସନ ବିଫଳ । ମହାନଗର ନିଗମ ର କାର୍ଯ୍ୟ କୁ ନେଇ ଲୋକଙ୍କ ମନରେ ଯେତିକି ଅଶାନ୍ତି ତାଠୁ ବେଶି ଭରିଛି ଆକ୍ରୋଶ ।
         କେବଳ ମହାନଗର ନିଗମ ନୁହେଁ, ଜନସ୍ୱାସ୍ଥ୍ୟ ବିଭାଗ ର କଥା ତ କହିଲେ ନସରେ । ବିଶାଳ ହୀରାକୁଦ ଜଳଭଣ୍ଡାରର ତଳେ ଓମହାନଦୀ କୂଳରେ ଥାଇ ମଧ୍ୟ ଆଜି ସମ୍ବଲପୁର ରେ ଦେଖା ଦେଇଛି କୁତ୍ରିମ ଜଳାଭାଵ । ଜନସ୍ୱାସ୍ଥ୍ୟ ବିଭାଗ ର ଅଧିକ୍ଷଣ ଯନ୍ତ୍ରୀ, କାର୍ଯ୍ୟନିର୍ବାହୀ ଯନ୍ତ୍ରୀ ଙ୍କ ଚତୁର୍ତ୍ସପାର୍ଶ୍ବରେ ଲୋକେ ପିଇବା ପାଣି    ବୁନ୍ଦିଏ ପାଣି ହେଉଛନ୍ତି ଡ଼ହକବିକଳ । ଲୋକଙ୍କୁ ପିଇବା ପାଣି ଯୋଗେଇ ପାରୁ ନଥିବା ଜନସ୍ୱାସ୍ଥ୍ୟ ବିଭାଗ ପାଇପ ଲାଇନ ବିଛା ନାଁ ରେ ସହର ସାରା ରାସ୍ତା ଖୋଲି ସମସ୍ତ ରାସ୍ତା କୁ କରିଦେଇଛି ଛାରଖାର ।
       ଆଉ, ସମ୍ବଲପୁର ରେ ବହୁ ବର୍ଷ ବର୍ଷ ଧରି ଚାଲିଥିବା ସ୍ୱିରେଜ କାମ ର କଥା ତ କାହାକୁ ଅଛପା ନାହିଁ । ସ୍ୱିରେଜ ମେନହୋଲ ଓ ନାଳ ବିଛା କାମ ପାଇଁ ମହାନଗର ନିଗମ ଅଞ୍ଚଳ ର ସମସ୍ତ ମୁଖ୍ୟ ରାସ୍ତା ସହିତ ସମସ୍ତ ଗଳିକନ୍ଦି କୁ ଖୋଲି ଯାହା ଅବସ୍ଥା କରିଛନ୍ତି ଶବ୍ଦ ରେ ବଖାଣି ହେଉ ନାହିଁ । 
     *ମହାନଗର ନିଗମ, ଜନସ୍ୱାସ୍ଥ୍ୟ ବିଭାଗ ଓ ସ୍ୱିରେଜ ବୋର୍ଡ ର ମିଳିତ ଧ୍ୱଂସଲୀଳା କୁ ଦେଖିଲେ ଲାଗୁଛି ନିକଟ ଅତୀତରେ ସମ୍ବଲପୁର ରେ ଭୂମିକମ୍ପ ହେଇଯାଇଛି ।*
      କୋଟି କୋଟି ଟଙ୍କା ଖର୍ଚ୍ଚ ହେଇ ମଧ୍ୟ ମହାନଗର ନିଗମ ଅଞ୍ଚଳର କୌଣସି ରାସ୍ତା ର ଅବସ୍ଥା ଠିକ ନାହିଁ, ନାଲନର୍ଦମା ସଫେଇ ହେଉ ନାହିଁ, ଯେଉଁଆଡ଼େ ଦେଖିଲେ କୁଢ଼ କୁଢ଼ ମଇଳା, ସହର ର ମୁଖ ରାସ୍ତା କୁ ଛାଡି ଅନ୍ୟ କୌଣସି ରାସ୍ତା ରେ ପଥପାର୍ଶ୍ଵ ଆଲୋକ ନାହିଁ, ବସ୍ତି ବାସିନ୍ଦା ଙ୍କ ପାଇଁ ଶୌଚାଳୟ ସିବିଧା ନାହିଁ, ଜନସ୍ୱାସ୍ଥ୍ୟ ବିଭାଗ ରାସ୍ତା ଖୋଳି ଛାଡି ଯାଇଛି, ସ୍ୱିରେଜ ବିଭାଗ ର ବି ସେଇ ସମାନ କାମ । ଏମିତି ସମସ୍ୟା ସମସ୍ୟା ଭିତରେ ଗତି କରୁଛନ୍ତି ମହାନଗର ନିଗମ ଅଞ୍ଚଳବାସୀ । 
      ସମ୍ବଲପୁରମହାନଗର ନିଗମ ଅଞ୍ଚଳର ସମସ୍ତ ଅଞ୍ଚଳରେ ପ୍ରାୟ ଏହି ସମାନ ଚିତ୍ର ଦୃଶ୍ୟମାନ ହେଉଛି । ଏଭଳି ଏକ ଅବହେଳିତ ଅଞ୍ଚଳ ବରେଇପାଲି, ନୂଆପଡା, ମୁଙ୍ଗାପଡା, କ୍ଷେତରାଜପୁର ଓ ଏହାର ଆଖପାଖ ଅଞ୍ଚଳର ଅଞ୍ଚଳବାସୀ ବହୁ ଦିନରୁ ସମସ୍ୟା ଗୁଡିକର ଶୀଘ୍ର ଓ ସ୍ଥାୟୀ ସମାଧାନ ପାଇଁ ପ୍ରଶାସନ ର ଦୃଷ୍ଟି ଆକର୍ଷଣ କରିଆସୁଛନ୍ତି । କିନ୍ତୁ, କୁମ୍ଭକର୍ଣ୍ଣ ନିଦ୍ରା ରେ ସୋଇଥିବା ଜିଲ୍ଲା ପ୍ରଶାସନ, ପୋୖର ପ୍ରଶାସନ, ଜନସ୍ୱାସ୍ଥ୍ୟ ବିଭାଗ, ସ୍ୱିରେଜ ବୋର୍ଡ ବିରୁଦ୍ଧରେ ଆଜି ଗର୍ଜିଛନ୍ତି ଅଞ୍ଚଳବାସୀ ।
      ଏଭଳି ଅନେକ ସମସ୍ୟାର ଶୀଘ୍ର  ଓ ସ୍ଥାୟୀ ସମାଧାନ ଦାବିରେ ଅଞ୍ଚଳବାସୀ ଆଜି କ୍ଷେତରାଜପୁର ରୁ ବରେଇପାଲି ଛକ କୁ ସଂଯୋଗ କରୁଥିବା ମୁଖ୍ୟ ରାସ୍ତା ଅବରୋଧ କରିଥିଲେ ଅଞ୍ଚଳବାସୀ । ସମ୍ବଲପୁର ବିଜେପି ଅନୁସୂଚିତ ଜାତି ମୋର୍ଚ୍ଚା ର ସଭାପତି *ଶ୍ରୀ ନିଲାମ୍ବାର ସିକନ୍ଦର* ଙ୍କ ନେତୃତ୍ୱରେ ଶତାଧିକ ଅଞ୍ଚଳବାସୀ ସ୍ୱତଃ ପ୍ରବୃତ୍ତ ଭାବରେ ଆନ୍ଦୋଳନ ରେ ସାମିଲ ହୋଇଥିଲେ । ଦୀର୍ଘ ଦେଢ଼ ଘଣ୍ଟା ରାସ୍ତା ଅବରୋଧ ପରେ ଆନ୍ଦୋଳନ ସ୍ଥଳକୁ ପହଞ୍ଚି ଥିଲେ ସମ୍ବଲପୁର ମହାନଗର ନିଗମ ର ପୋୖର ଆୟୁକ୍ତ *ଶ୍ରୀ ଅନିରୁଦ୍ଧ ପ୍ରଧାନ । ଅଞ୍ଚଳବାସୀ ଜନସ୍ୱାସ୍ଥ୍ୟ ବିଭାଗ ର ଅଧିକାରୀ ଙ୍କୁ ଡାକିବା ପାଇଁ ଦାବି କରିଥିଲେ । ବରେଇପାଲି ଛକ ଠାରେ ପୋଲିସ ପ୍ରଶାସନ ର ଉପସ୍ଥିତି ରେ ଆନ୍ଦୋଳନକାରୀଙ୍କ ସହିତ ବହୁତ ବିଷୟ ଆଲୋଚନା ହେଲା ପରେ ସେଠାରୁ ମୁଙ୍ଗାପଡା ଛକ ଯାଏଁ ପୋୖର ଆୟୁକ୍ତ ଙ୍କୁ ନିଆ ଯାଇଥିଲା । ସେଠାକୁ ଜନସ୍ୱାସ୍ଥ୍ୟ ବିଭାଗ ର ସହକାରୀ ଯନ୍ତ୍ରୀ *ଇଂ. ଗୁଲସନ ସାହୁ* ମଧ୍ୟ ପହଞ୍ଚି ଥିଲେ । ମୁଙ୍ଗାପଡା ଛକ ଠାରେ ଉପସ୍ଥିତ ଶହ ଶହ ମହିଳା ପୋୖର ଆୟୁକ୍ତ ଓ ଜନସ୍ୱାସ୍ଥ୍ୟ ବିଭାଗ ର ସହକାରୀ ଯନ୍ତ୍ରୀ ଙ୍କୁ ଘେରିଥିଲେ । ସମସ୍ତ ଅଭିଯୋଗ ଶୁଣିଲା ପରେ ଉପସ୍ଥିତ ସରକାରୀ ଅଧିକାରୀ ଆନ୍ଦୋଳନକାରୀ ଙ୍କ ଏକ ପ୍ରତିନିଧି ଦଳ କୁ ଆସନ୍ତାକାଲି କାର୍ଯ୍ୟାଳୟକୁ ଆସି ସମସ୍ତ ପ୍ରସଙ୍ଗରେ ଆଲୋଚନା କରିବା ପାଇଁ ଅନୁରୋଧ କରିଥିଲେ । ଆସନ୍ତାକାଲି ବୈଠକରେ ରେ ଜିଲ୍ଲା ପ୍ରଶାସନ, ମହାନଗର ନିଗମ, ଜନସ୍ୱାସ୍ଥ୍ୟ ବିଭାଗ, ସ୍ୱିରେଜ ବୋର୍ଡ ର ଅଧିକାରୀ ମାନେ ଉପସ୍ଥିତ ରହିବେ ବୋଲି ପ୍ରତିଶ୍ରୁତି ଦେଲାପରେ ରାସ୍ତା ଖୋଲା ଯାଇଥିଲା ।
      ଆଜିର ଆନ୍ଦୋଳନ ରେ ବିଜେପି ଜିଲ୍ଲା ସଭାପତି  ଗିରିଶ ପଟେଲ, କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି, ଯୁବ ମୋର୍ଚ୍ଚା ଜିଲ୍ଲା ସଭାପତି ଅଶ୍ୱିନୀ ମାଝୀ, ଜିଲ୍ଲା ଗଣମାଧ୍ୟମ ସଂଯୋଜକ *ସଞ୍ଜୟ ଷଡଙ୍ଗୀ ଲ* ସମଲେଶ୍ବରୀ ମଣ୍ଡଳ ସଭାପତି ଶମ୍ଭୁ ବରେଲିଆ, ସାକ୍ଷୀଗୋପୀନାଥ ମଣ୍ଡଳ ସଭାପତି ସରୋଜ କୁମାର ଘଡେଇ, ଶିବ ଶମ୍ଭୁ ୟାଦବ, ସନ୍ତୋଷ କୁମାର ସାହୁ, ଦିଲୀପ ଶର୍ମା, ନିଲାଦର ହରିପାଳ, ମନୋହର ସିଂ, ପବନ କର, ମେଜ ସାହୁ, ଲକ୍ଷ୍ମଣ ଯୋଗୀ, ନିରଞ୍ଜନ କିଶୋର ଦାସ, ସୁଧୀର ଅଗ୍ରୱାଲ, ସୁଶାନ୍ତ ପ୍ରଧାନ ପ୍ରମୁଖ ସାମିଲ ଥିଲେ ।