09-Jul-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ): ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ୍ ଅଫିସ ପରେ ପରେ ଆଗଲପୁର ବ୍ଲକ ଡୁଡୁକା ଓ  ପୁଇଁତଳା ବ୍ଲକରେ ତିନିଦିନ ଧରି ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି l ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ପ୍ରତିବାଦରେ ବିଜେପି ପକ୍ଷରୁ ଏହି ଆନ୍ଦୋଳନ ତୀବ୍ରତର ଦେଖାଦେଇଛି l ଆଜି ପୂର୍ବାହ୍ନ ୧୧ଟା ସମୟରେ ହୋଇଥିବା ଧାରଣାରେ  ଲୋଇସିଂହା ବିଧାୟକ ମୁକେଶ ମହାଳିଙ୍ଗଙ୍କ ସମେତ ଅନେକ ନେତା ଓ କର୍ମୀ ଆନ୍ଦୋଳନରେ ସାମିଲ ହୋଇ ବିଭିନ୍ନ ନାରାବାଜି କରିଛନ୍ତି l ପ୍ରଧାନମନ୍ତ୍ରୀ ଆବାସ ଯୋଜନା ଜିଲ୍ଲାରେ ଶହ ଶହ କୋଟିର ହେରାଫେରି ହୋଇଛି l ଧନୀଲୋକେ ଯୋଜନାର ଫାଇଦା ଉଠାଉଥିବା ବେଳେ ଗରିବ ଶ୍ରେଣୀର ଲୋକେ ଏଥିରୁ ବାଦ୍ ପଡିଛନ୍ତି l ଏଣୁ ଏହାର ପ୍ରତିବାଦରେ ଆନ୍ଦୋଳନକୁ ଓହ୍ଲାଇଛି ବିଜେପି l ଆବାସ ଘୋଟାଲାରେ ଦୋଷୀଙ୍କୁ ଦଣ୍ଡ ସହ ଗରୀବଙ୍କୁ ପ୍ରଧାନମନ୍ତ୍ରୀ ଆବାସ ଘର ଦେବାକୁ ବିଜେପି ଦାବୀ କରିଛି l ଶେଷରେ ରାଜ୍ୟପାଳଙ୍କ ଉଦ୍ଧେଶ୍ୟରେ ଲୋଇସିଂହା ବିଡ଼ିଓକୁ, ଆଗଲପୁର ବିଡ଼ିଓକୁ ଏବଂ ପୁଇନ୍ତଲା ବିଡ଼ିଓକୁ ଏକ ଦାବିପତ୍ର ପ୍ରଦାନ କରାଯାଇଛି ।