10-Jul-2021

ବିନିକା (ହିମାଂଶୁ ଶେଖର ପୁଟେଲ):  ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳର ଚାଷୀଙ୍କ ଧାନବିକ୍ରି ସମସ୍ୟାର ସମାଧାନ ଦାବୀ ନେଇ ବିନିକା ତହସିଲ କାର୍ଯ୍ୟାଳୟ ସମ୍ମୁଖରେ    କଂଗ୍ରେସର ଧାରଣା ୧୭ଦିନ ପରେ ଗତକାଲି ସନ୍ଧ୍ୟାରେ ପ୍ରତ୍ୟାହୃତ ହୋଇଛି l ଦାବୀ ମୁତାବକ ଚାଷୀଙ୍କ ଧାନବିକ୍ରୀ ସମସ୍ୟାର ସମାଧାନ କରାଯିବା ସହ ସୁବ୍ୟବସ୍ଥା କରାଯିବ ବୋଲି   ପ୍ରଶାସନ ତରଫରୁ  ଏସିଏସଓ ତ୍ରିନାଥ ଭୋଇ , ତହସିଲଦାର ଅଲେଖ ଘୁଟ୍ଟା ଓ ଯୋଗାଣ ନିରୀକ୍ଷକ ରାଜ କିଶୋର ସ୍ୱାଇଁ ପ୍ରତିଶ୍ରୁତି ଦେବାରୁ କଂଗ୍ରେସ ଦଳର କର୍ମୀମାନେ ଧାରଣାରୁ ଉଠିଥିଲେ l   ସୂଚନା ଯୋଗ୍ୟ ଯେ, ତହସିଲ କାର୍ଯ୍ୟାଳୟ ଭିତରେ ଓ ଗେଟ ସମ୍ମୁଖରେ ଧାନବସ୍ତା ଥିବାରୁ ଅଫିସ ଖୋଲିପାରୁନଥିଲା। ଯାହା ଫଳରେ ପ୍ରାୟ ୧୩ଦିନ ଧରି କିଛି କାମ ମଧ୍ୟ ହୋଇପାରୁ ନ ଥିଲା ଫଳରେ ବିଭିନ୍ନ କମନେଇଏ ଆସୁଥିବା ସାଧାରଣ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଥିଲେ ।

ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଅନୁଷ୍ଟିତ ଆଲୋଚନା ବେଳେ ବିନିକା ବ୍ଲକ କଂଗ୍ରେସ ସଭାପତି ରବିନ୍ଦ୍ର ହୋତା,ସୁବର୍ଣ୍ଣପୁର ଜିଲ୍ଲା କୃଷକ ସଭାପତି ନରେନ୍ଦ୍ର ପଣ୍ଡା,ପ୍ରଦୀପ ସେଠୀ, ନରେନ୍ଦ୍ର ସାହୁ, ସପନେଶ୍ୱର ପୃଷ୍ଟି, ବିଜୟ ଭୋଇ, ଶିବ ପ୍ରସାଦ ଖମାରୀ,ହରିହର ଛନ୍ଦ,ସୁମନ୍ତ ସାହୁ,ୟାଇ ସାଇରାମ,କ୍ଷେତ୍ର ଭେସେରା ପ୍ରମୁଖ ଉପସ୍ଥିତ ଥିଲେ ।