09-Jul-2021

ସୋନପୁର(ମନୋରଞ୍ଜନ ତ୍ରିପାଠୀ) : ରାଜ୍ୟ ତଥା ଦେଶ ବିଦେଶ ର ପର୍ଯ୍ୟଟକ ସୁବର୍ଣ୍ଣପୁରକୁ ଏକ ମନ୍ଦିର ମାଳିନୀ  ସହର ଓ ପର୍ଯ୍ୟଟନର  ସହର ତଥା  ଜ଼ିଲ୍ଲା ଭାବେ ଖୁବ ପ୍ରଶଂସା କରନ୍ତି ସବୁଠି l ଏହି ଜ଼ିଲ୍ଲା ଓ ସହରର ମନୋରମ ପରିବେଶ ରେ ଖୁସିରେ ବିଭୋର ଵି  ହୋଇପଡନ୍ତି l ହେଲେ  ଜ଼ିଲ୍ଲାର ଅନ୍ୟ ଅଂଚଳ  କଥା ଛାଡ଼ନ୍ତୁ,  ଆଗେ  ଜ଼ିଲ୍ଲା ସଦର ମହକୁମା ର  ସୋନପୁର  ସହରର ରାସ୍ତାଘାଟ, ନଦୀ ନାଳ ଯେଉଁଠି କି ଦେଖିବେ ଅବସ୍ଥା ଶୋଚନୀୟ ହୋଇ  ପଡିଛି  l ପୁଣି ସହର ସାରା  ରାସ୍ତାଘାଟ,  ଉଭୟ ବ୍ରିଜ, ମୁଖ୍ୟ ଛକ ମାନଙ୍କ ରେ, ଏପରିକି ଯେଉଁ ବାଟେ ଏବେ  ଜ଼ିଲ୍ଲା ତଥା ରାଜ୍ୟର  ବଡ଼ ବଡ଼ ପ୍ରଶାସକ, ଭି ଆଇ ପି,  ମନ୍ତ୍ରୀ ଯନ୍ତ୍ରୀ ଯିବା ଆସିବା କରୁଛନ୍ତି  ସେଇ  ରିଙ୍ଗ ରୋଡ଼ ରେ ମଧ୍ୟ  ଯୁଆଡେ ଦେଖିଲେ  ଏବେ  ପୁଳାପୁଳା ଗାଈ ଗୋରୁ ସମ୍ପୂର୍ଣ  ରାସ୍ତା ଅବରୋଧ  କରି ଦିନ ରାତି  ଶୋଇ ରହୁଛନ୍ତି l କିଛି କହି ସିନା

ପାରୁନି ସେମାନେ, ସେ  ଦୃଶ୍ୟରୁ  ଲାଗୁଛି  ଯେମିତି ସ୍ୱାର୍ଥପର  ମାଲିକ  ମାନଙ୍କ  ସ୍ୱାର୍ଥ ହାସଲ  ପରେ  ଘରେ ଯତ୍ନ ନ କରି ତାଙ୍କୁ ତଡି ଦେଇଥିବାର ଘଟଣାର ଏ  ହେଉଛି ପ୍ରତିବାଦ l ସେ ଯାହା ଵି ହେଉ  ମହାନଦୀରୁ ତେଲ ନଦୀକୁ ସଂଯୋଗ କରୁଥିବା ନିର୍ମାଣଧୀନ  ବାଇପାସ ଫୋରୱେ ରାସ୍ତାର ଦୂରlବସ୍ଥା ଓ  ଗାଈଗୋରୁଙ୍କ ସମସ୍ୟା ରାସ୍ତା ଯାମ ଯୋଗୁଁ  ଏଥିପାଇଁ   ସାଧାରଣ  ଲୋକେ ଏବେ ପ୍ରତିଦିନ ଛୋଟ ବଡ଼ ଦୁର୍ଘଟଣାର ଶିକାର ହେଉଥିବାର ଦେଖିବାକୁ ମିଳୁଛି l  ବିଗତ ବର୍ଷରେ ପୁରୁଣା ଡେଲିମାର୍କେଟ ଠାରେ ଷଣ୍ଢଙ୍କ ଦୌରାତ୍ମ୍ୟରେ ପଟାଭାଡି ବସ୍ତିର ବୁଲୁ ମିଶ୍ର ନାମକ ଜଣେ ପଣ୍ଡିତ ତଥା ଶିକ୍ଷକ ଙ୍କ ମୃତ୍ୟୁବରଣ କରିଥିବା ଓ ବର୍ତମାନର ନୂତନ ମାର୍କେଟ  ପଡିଆରେ  ମଧ୍ୟ  ବୁଲା ଷଣ୍ଢଙ୍କ ଦୌରାତ୍ମ୍ୟରେ ଅନେକ ଲୋକ ଓ ବ୍ୟବସାୟୀ ଆହତ ହୋଇଥିବା ଖବର ଅଛି l ବର୍ତ୍ତମାନ ଡେଲି ମାର୍କେଟ ଓ ସହର  ବଜାର ରାସ୍ତାରେ   ଲୋକେ ଭୟଭୀତ ଅବସ୍ଥାରେ  ଯିବା ଆସିବା କରୁଛନ୍ତି  l ବାହାରୁ ଆସୁଥିବା  ଅତିଥି ଅବ୍ୟାଗତ, ଓ   ପର୍ଯ୍ୟଟକ ମାନେ ଏ ଦୃଶ୍ୟ କୁ ଦେଖି  ଜ଼ିଲ୍ଲା ପ୍ରଶାସନ ଓ ଜନ ପ୍ରତିନିଧି  ଙ୍କୁ  ପରିହାସ କରୁଛନ୍ତି l ଗାଈ ଗୋରୁ ଙ୍କ ଥଇଥାନ ପାଇଁ ସହର ରେ ଏକ କାଞ୍ଜି ହାଉସ (କାଓ ସେଟ ) ନିର୍ମାଣ ଲାଗି ଅନେକ ବର୍ଷ ରୁ ଅନେକ ଅଧ୍ୟକ୍ଷ, ପୌର ଅଧିକାରୀ, ଜ଼ିଲ୍ଲାପାଳ  ଓ ଜନପ୍ରତିନିଧି ମାନଙ୍କୁ କିଛି ବୁଦ୍ଧିଜୀବୀ, ସଚେତନ ନାଗରିକ,  ମିଡ଼ିଆ ବାରମ୍ବାର ପ୍ରସ୍ତାବ ଓ ଦାବି ଉପସ୍ଥାପନା କରିଆସିଛନ୍ତି l ହେଲେ ସମସ୍ତ ଙ୍କ ପ୍ରୟାସ  ବିଭିନ୍ନ ବାଦ ବିବାଦ ଯୋଗୁଁ ଫେଲ ମାରିଛି l କିନ୍ତୁ ଏବେ ନୂତନ ଭାବେ ଯୋଗ ଦେଇଥିବା ଯୁବ ଓ ଦକ୍ଷତା ସମ୍ପନ୍ନ ଫ୍ରେସ  ଆଇ ଏ ଏସ  ଜ଼ିଲ୍ଲାପାଳ ଶ୍ରୀ ମତୀ ଅବୋଲି ସୁନୀଲ ନରୱଣେ ଙ୍କ ଏ ସମସ୍ୟା ର ପ୍ରତ୍ୟକ୍ଷ ଭାବେ  ନଜର କୁ ଆସିବା ପରେ ଜ଼ିଲ୍ଲାପାଳ  ସୁବର୍ଣ୍ଣପୁର ପୌର ପରିଷଦ କୁ ଗତ ସପ୍ତାହ ରେ  ଅଚାନକ  ପରିଦର୍ଶନ କରିଥିବା 

ଜଣା ଯାଇଛି l ଏବଂ  ପୌର ନିର୍ବାହୀ ଅଧିକାରୀ  କର୍ମଚାରୀ ଙ୍କ  ସହ ପୁଙ୍ଖlନୂପୁଙ୍କ  ଆଲୋଚନା କରି  କାଞ୍ଜି ହାଉସ ନିର୍ମାଣ  ସହିତ ଏକ କେୟାର ସେଣ୍ଟର  ପାଇଁ ତୁରନ୍ତ ଏକ  ଜାଗା ଚିନ୍ହଟ କରିବାକୁ ଓ ଗାଈ ଗୋରୁ ମାଲିକ ମାନଙ୍କ  ଠାରୁ ଫାଇନ ଆଦାୟ ପାଇଁ   ଜ଼ିଲ୍ଲାପାଳ କଡା ନିର୍ଦ୍ଧେଶ କରିଥିବା ଖବର ମିଳିଛି l ଏବଂ  ନିର୍ମାଣ ଧୀନ ସମସ୍ତ ରାସ୍ତା ଘାଟ ଓ  ପ୍ରକଳ୍ପ ଗୁଡିକୁ ଶୀଘ୍ର ସାରିବାକୁ ପରାମର୍ଶ କରି  ଯେମିତି ସହର  ଲୋକମାନଙ୍କ  କୌଣସି ଵି  ଅଭିଯୋଗ ମୋ ପାଖ କୁ ନ ଆସେ  ସେଥିପାଇଁ ସଜାଗ  ରହିବାକୁ ଅଧିକାରୀ ଶ୍ରୀ ଶୁଭ୍ରାଂଶୁ ରୁଟ ଙ୍କୁ  କହିଛନ୍ତି  l