22-Apr-2021

ଟିଟିଲାଗଡ଼ (ପ୍ରେରଣା ଖବର) ବଲାଙ୍ଗୀର ଜିଲ୍ଲା ର ଟିଟିଲାଗଡ଼ ସବ ଡିଭିଜନ ଆକାର ଓ ଆୟତନ ରେ ବିରାଟ ହୋଇଥିବା ତଥା ଭାରତର ସବୁ ସ୍ଥାନ କୁ ଯିବା ଆସିବା ସୁବିଧା ଥିବା ଟିଟିଲାଗଡ଼ ରେଳ ଜଙ୍କସନ ହୋଇଥିବା ଯୋଗୁଁ ସାଧାରଣ ଯାତାୟତ ନିମନ୍ତେ ନିର୍ଭର କରିଥାନ୍ତି । ହେଲେ ଏହି ଟିଟିଲାଗଡ଼ ରେ ଏକ ସ୍ଥାୟୀ ବସଷ୍ଟାଣ୍ଡ ନ ଥିବା ରୁ ସାଧାରଣ ଘୋର ଦୁର୍ଦ୍ଦଶା ର ଶିକାର ହେଉଛନ୍ତି । ପୂର୍ବରୁ ଥିବା ସରକାରୀ ବସଷ୍ଟାଣ୍ଡ ଏବେ ପରିତ୍ୟକ୍ତ ଅବସ୍ଥାରେ ପଡିରହିଥିବା ବେଳେ ସରକାରୀ ବସ ଚଳା, ଚଳ ନ କରିବା ଓ ଟିଟିଲାଗଡ଼ ରୁ ଭୁବନେଶ୍ୱର କୁ ଦୁଇଟି ସରକାରୀ ବସ ଚଳା, ଚଳ କରୁଥିବା ବେଳେ ତାହା ଦିର୍ଘ ଦିନ ରୁ ବନ୍ଦ ହୋଇଯାଇଛି । ଏବେ ଯାତ୍ରୀ ବଲାଙ୍ଗୀର କିମ୍ବା ପଡ଼ୋଶୀ ଜିଲ୍ଲା କଳାହାଣ୍ଡି ର କେସିଙ୍ଗା ଯାଇ ସେଠୁ ଯାତାୟତ କରିବାକୁ ବାଧ୍ୟ ହେଉଛନ୍ତି । ସେହିପରି ବଲାଙ୍ଗୀର ରୁ ଭୁବନେଶ୍ୱର ଇଣ୍ଟରସିଟି ଟ୍ରେନ କୁ ଟିଟିଲାଗଡ଼ ପର୍ଯ୍ୟନ୍ତ  ସମ୍ପ୍ରସାରଣ କରା ଯିବାକୁ ଦୀର୍ଘ ଦିନ ଧରି ଦାବୀ ହୋଇଆସୁଛି । ଅନେକ ସରକାରୀ ବସ ଭବାନୀପାଟଣା ରୁ ବେଲଗାଁ  ଦେଇ ଭୁବନେଶ୍ୱର ଯାଉଥିବା ବେଳେ ସେହି ବସ ଗୁଡ଼ିକ ଟିଟିଲାଗଡ଼ ଦେଇ ଗଲେ ଯାତ୍ରୀ ଉପକୃତ ହୋଇପାରିବେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଉଛି । ଏନେଇ ବିଭାଗୀୟ ଉଚ୍ଚ ପଦାଧିକାରୀ ସ୍ଥାୟୀ ସରକାରୀ ଓ ବେସରକାରୀ ବସଷ୍ଟାଣ୍ଡ ବ୍ୟବସ୍ଥା କରିବା ସହ ସିଧାସଳଖ ଭୁବନେଶ୍ୱର ନିମନ୍ତେ ବସ ଚଳା ଚଳ ନେଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ସାଧାରଣ ରେ ଦୃଢ଼ ଦାବୀ ପ୍ରକାଶ ପାଇଛି ।