09-Apr-2021

ବଲାଙ୍ଗୀର,(ସନ୍ତୋଷ କୁମାର ଠାକୁର) ବଲାଙ୍ଗୀରରେ ଦିନକୁ ଦିନ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି । ଦିନ ଦ୍ୱିପହରରେ ଚାଲିଛି ଅପରାଧ, ନରାହଜାନି ମାରପିଟ ଓ ଆକ୍ରମଣ । ଏପରି ଅପରାଧିକ କାର୍ଯ୍ୟକଳାପ ଏବେ ସହରରେ ସୀମତି ନହୋଇ ଗ୍ରାମାଚଂଳକୁ ବ୍ୟାପିବାରେ ଲାଗିଛି । ସୂଚନା ମତେ, ଆଜି  ଦିନ ୧ଟା ସମୟରେ ବଲାଙ୍ଗୀର ସଦର ବ୍ଲକ କୁଟୁମଡୋଲା ଗ୍ରାମରେ ଗୋଟିଏ ଗୋଷ୍ଠୀର ଦୁଇ ଜଣ ଯୁବକ ସୁରେଶ ବରିହା ଓ ଶ୍ୟାମ ଚିନ୍ଦା ନିଜ ଗାଁ ହୃଷୀକେଶ ସାହୁ ନାମକ ଜଣେ ଯୁବକଙ୍କୁ ଘରରୁ ଡାକିନେଇ ମରଣାନ୍ତକ ଆକ୍ରମଣ କରିଥିଲେ । ହୃଷିକେଶଙ୍କ ପତ୍ନୀ ସଂଯୁକ୍ତା ଏମାନଙ୍କୁ ବାରଣ କରିବାରୁ ଏମାନେ ସଂଯୁକ୍ତାକୁ ମଧ୍ୟ ମାରପିଟ କରି ଅଶ୍ଲୀଳ ଭାଷାରେ ଗାଳିଗୁଳଜ କରିଥିଲେ । ଏପରିକି ସଂଯୁକ୍ତାଙ୍କ ଠାରୁ ଆକ୍ରମଣକାରୀ ମାନେ ଗୋଟିଏ ମୋବାଇଲ ଓ ୧ଠ ହଜାର ଟଙ୍କା ଛଡାଇ ନେଇଥିଲେ । ପରେ ଏମାନେ ଦୁଇ ଜଣ ମିଶି ହୃଷୀକେଶକୁ କୌଣସି ଧାରୁଆ ଅସ୍ତ୍ରରେ ଆକ୍ରମଣ କରି ଲହୁଲୁହାଣ କରି ଦେଇଥିଲେ । ଆକ୍ରମଣରେ ହୃଷୀକେଶଙ୍କ ପେଟରେ ଆଘାତ ଲାଗିବା ସହ ବାମ ହାତର ପାପୁଲି କଟିଯାଇଛି । ଦୁଇ ଆକ୍ରମଣକାରୀ ସୁରେଶ ବରିହା ଓ ଶ୍ୟାମ ଚିନ୍ଦା ପ୍ରଚୁର ମଦ ପିଇଥିବା ବେଳେ ଶୁରେଶ ନାଁ ରେ ପୂର୍ବରୁ ମଧ୍ୟ ବିଭିନ୍ନ ମାମଲାରେ ଅପରାଧିକ ରେକର୍ଡ ରହିଥିବା ଜଣା ପଡିଛି । ପରେ ସାମ୍ବାଦିକ ବିଶ୍ୱମୟ ପୂଜାରୀ ଓ ଗାଁ ର କିଛି ସହୃଦୟ ବ୍ୟକ୍ତିଙ୍କ ଉଦ୍ୟମରେ ହୃଷୀକେଶଙ୍କୁ ବଲାଙ୍ଗୀରଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି  କରାଯାଇଥିଲା । ହୃଷୀକେଶଙ୍କ ରକ୍ତଶ୍ରାବ ବନ୍ଦ ନହେବା ସହ ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ ବୁର୍ଲା ଭୀମସାରଙ୍କୁ ସ୍ଥାନାନ୍ତର କରିବା ପାଇଁ ପରାମର୍ଶ ଦେଇଛନ୍ତି । ଆକ୍ରମଣକାରୀ ଦୁଇ ଜଣଙ୍କୁ ବଲାଙ୍ଗୀର ସଦର ପୋଲିସ ଗିରଫ କରିଥିବା ବେଳେ ଆକ୍ରମଣର ପ୍ରକୃତ କାରଣ ଏ ପର୍ଯ୍ୟନ୍ତ ଜଣାପଡି ନାହିଁ । ଜିଲ୍ଲାରେ ଶାନ୍ତିଶୃଙ୍ଖଳା ବଜାୟ ରଖିବା ପାଇଁ ଏପରି ଅପରାଧିକ ତତ୍ତ୍ୱ ମାନଙ୍କୁ ଦମନ କରାଯିବା ଓ କଡା ଦଣ୍ଡ ଦିଆଯିବାକୁ  ସାମ୍ବାଦିକ ବିଶ୍ୱମୟ ପୂଜାରୀ ଜିଲ୍ଲା ପ୍ରଶାସନକୁ ନିବେଦନ କରିଛନ୍ତି ।