09-Apr-2021

ଟିଟିିଲାଗଡ଼,( ପ୍ରେରଣା ଖବର): ଆଜି ସଂଧ୍ୟା ୫ ଟା ସମୟରେ ଭିଡିଓ କନଫେରନର୍ସିଂ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟିଟିଲାଗଡ଼ର ଓଭର ବ୍ରିଜ୍‌କୁ ଉଦ୍‌ଘାଟନ କରିବାର କାର୍ଯ୍ୟକ୍ରମ ରହିଛି । ଗୋଟିଏ ପଟେ ଏହାକୁ ନେଇ ବିଜେଡି ଶିବିରରେ ଉତ୍ସାହ ପରିଲକ୍ଷିତ ହେଉଥିବା ବେଳେ ବିଜେପି ଓ କଂଗ୍ରେସ ମଧ୍ୟ ମୁଖ୍ୟମନ୍ତ୍ରୀଙ୍କ ବହୁ ପ୍ରତୀକ୍ଷିତ ଓଭରବ୍ରିଜ୍ ଉଦ୍‌ଘାଟନ କୁ ସ୍ୱାଗତ କରିଛନ୍ତି । 
  ସୂଚନାଯୋଗ୍ୟ ଯେ ଧୀର୍ଘ ୫ଠ ବର୍ଷ ହେଲା ଟିଟିଲାଗଡ଼ବାସୀ ଏହି ଓଭରବ୍ରିଜ୍ ନିର୍ମାଣ ପାଇଁ ଦାବି କରି ଆସୁଥିବା । ଏଠାକାର ଟ୍ରାଫିକ ସମସ୍ୟାର ସ୍ଥାୟୀ ସମାଧାନ ପାଇଁ ଓଭରବ୍ରିଜ୍ ଜରୁରୀ ଥିଲା । ଏଥିପାଇଁ ଅତୀତରେ ଆନେକ ଆନ୍ଦୋଳନ ମଧ୍ୟ ହୋଇଛି । ତେବେ ଆଜି ହେବାକୁ ଥିବା ଏହି ଓଭର ବ୍ରିଜ୍ ଉଦ୍‌ଘାଟନକୁ ଦଳମତ ନିର୍ବିଶେଷରେ  ସ୍ୱାଗତ କରାଯାଇଛି ।  ବିଜେପି ଟିଲାଗଡ଼ ଓଭର ବ୍ରିଜ୍ ପ୍ରସଙ୍ଗରେ ଏକ ପ୍ରେସ୍ ମିଟ୍ କରିଛି । ବହୁ ବର୍ଷରୁ ଦାବି ହୋଇ ଆସୁଥିବା ଓଭର ବ୍ରିଜ୍ ନିର୍ମାଣ ସଂପୂର୍ଣ୍ଣ ହୋଇଥିଲେ ହେଁ ଉଦ୍‌ଘାଟନକୁ ଆହୁରି ଦୁଇ ମାସ ଆଗକୁ ଗଡାଇ ନେବା ସୂଚନା ମିଳିବା ପରେ ଟିଟିଲାଗଡ଼ ବିଜେପି କର୍ମୀ ମାନେ ଶୀଘ୍ର ବ୍ରିଜ୍ ର ଉଦ୍‌ଘାଟନ କରିବାକୁ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓଙ୍କ ଠାରେ ଦାବି କରିଥିଲେ । ସାଂସଦ ଶ୍ରୀମତୀ ସିଂଦେଓ ପାର୍ଲାମେଣ୍ଟରେ ରେଳ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିବାରୁ ଆଜି ରେଳ ଓଭର ବ୍ରିଜ୍ ଉଦ୍‌ଘାଟନ ହେଉଛି । ଏଥିପାଇଁ ଟିଟିଲାଗଡ଼ବାସୀ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଟିଟିଲାଗଡ଼ ବିଧାୟିକା ଟୁକୁନି ସାହୁ ଙ୍କୁ ବିଶେଷ କୃତଜ୍ଞତା ଜ୍ଞାପନ କରିଛନ୍ତି । ଏଥିସହ ଟିଟିଲାଗଡ଼ରେ ଦେଖାଯାଇଥିବା ପାନୀୟ ଜଳ ସମସ୍ୟା ଓ ଡାକ୍ତରଖାନାରେ ଖାଲି ପଡିଥିବା ଡାକ୍ତର ପଦବୀପୂରଣ ପାଇଁ ରାଜ୍ୟ ସରକାରଙ୍କ ଦୃଷ୍ଟି ଆକଷର୍ଘଣ କରିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଟିଟିଲାଗଡ଼ ନଗର ସଭାପତି ପ୍ରଶାନ୍ତ ଷଡଙ୍ଗୀ, ମିଡିଆ ସେଲ୍ ପ୍ରଭାରୀ ଆଲୋକ ନାୟକ, ସାଂସଦଙ୍କ ପ୍ରତିନିଧି ଗୁଲାବ ସୋନୀ, ନଗର ସଂପାଦକ ପ୍ରଶାନ୍ତ ମହାନ୍ତି, କୁନା ଭାଟି, ସୁନୀଲ ଆଚାର୍ଯ୍ୟ, ସୁଧୀର ଘଡେଇ, ସଂଯୋଜକ ସଂଜୟ ତ୍ରିପାଠୀ, ରାଜେଶ ଅଗ୍ରୱାଲ ଲିଙ୍ଗରାଜ ନାୟକ, ଅଜୟ ବେହେରା, ସୋନୁ ଶ୍ରେଷ୍ଠ ପ୍ରମୁଖ ଉପସ୍ଥିତ ଥିଲେ ।