09-Apr-2021

ସୁବର୍ଣ୍ଣପୁର,ବଘିଆ(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ୍ ବଘିଆ ପଞ୍ଚାୟତ ଅନ୍ତର୍ଗତ ଦୁମେରପାଲି ଗ୍ରାମରେ ଥିବା ପ୍ରାଥମିକ ବିଦ୍ୟାଳୟକୁ ସ୍ଥାନାନ୍ତର କରିବାର ଯୋଜନା ସରକାର କରିଛନ୍ତି । ଏହି ସ୍କୁଲ ୧୯୭୧ ମସିହାରେ ନିର୍ମାଣ ହୋଇଥିଲା । ବର୍ତମାନ ସ୍କୁଲର ଛାତ୍ରଛାତ୍ରୀ ସଂଖ୍ୟା ୩୦ ଜଣରୁ ଉର୍ଦ୍ଧ୍ବ । ସରକାରୀ ନିୟମ ଅନୁଯାୟୀ ୨୦ ଜଣରୁ କମ ଛାତ୍ର ଛାତ୍ରୀ ଥିଲେ ସ୍କୁଲ ନିକଟସ୍ଥ ସ୍କୁଲ ସହ ମିଶିଯାଏ । କିନ୍ତୁ କେଉ ଉଦ୍ଦେଶ୍ୟରେ ସ୍କୁଲକୁ ବଘିଆ ଉଚ୍ଚ ପ୍ରାଥମିକ ବିଦ୍ୟାଳୟ ସହ ମିଶିବାର ଯୋଜନା କରାଯାଉଛି ଏକ ପ୍ରଶ୍ନବାଚୀ । ଦୂମେରପାଲି ଏକ ଆଦିବାସୀପ୍ରବଣ ଗ୍ରାମ ଅଟେ । ଏ ଅଞ୍ଚଳର ଲୋକେ ଚାଷ ଉପରେ ନିର୍ଭର କରୁଥିବା ବେଳେ ଶିକ୍ଷl ଏବଂ ସ୍ବାସ୍ଥ୍ୟ ଦୃଷ୍ଟିରୁ ପଛୁଆ । ଏଠାରୁ ଯଦି ସ୍କୁଲ ବାଘିଆକୁ ଉଠିଯାଇ ତେବେ ଶିକ୍ଷl କ୍ଷେତ୍ରରେ ପଛୁଆ ହୋଇ ରହିଯିବ  । ଆର୍ ଟି ଇ ଆକ୍ଟ ଅନୁଯାୟୀ ସମସ୍ତେ ଶିକ୍ଷl ପାଇବାର ଅଧିକାର ଅଛି । ସରକାର ସ୍କୁଲକୁ ଅନ୍ୟତ୍ର ସ୍ଥାନାନ୍ତର କରୁଥିବା ଯୋଗୁ ଗୋଟିଏ ଅଞ୍ଚଳର ଶିଶୁ ମାନଙ୍କୁ ଶିକ୍ଷlରୁ ବଞ୍ଚିତ କରୁଛନ୍ତି । ବଘିଆରୁ ଦୁମେରପାଳି ଗ୍ରାମ ପ୍ରାୟ ୧ କି.ମି ୨୦୦ ମିଟର ହୋଇଥିବା ବେଳେ ଏହି ରାସ୍ତା ଦେଇ ଭାରିଜାନ ଚଲାଚଲ ହୁଏ । ଏଣୁ ଅଭିଭାବକ ମାନେ ନିଜ ଶିଶୁ ମାନଙ୍କୁ ଛାଡ଼ିବା ପାଇଁ ମଣୁ ନାହାନ୍ତି । ଗ୍ରାମବାସୀ ମାନେ ଗତ ତା ୮.୪.୨୦୨୧ ରେ ଗଣ ଶିକ୍ଷା ନିର୍ଦ୍ଦେଶକଙ୍କୁ ଲେଖି ଜଣାଇଛନ୍ତି । ଏଣୁ ସରକାର ଏ ଦିଗରେ ଦୃଷ୍ଟି ଦେଇ ସ୍କୁଲ  ସ୍ଥାନାନ୍ତର ନ କଲେ ଗ୍ରାମବାସୀ ଉପକୃତ ହେବେ । ଯଦି ସରକାର କୌଣସି ପଦକ୍ଷେପ ନ ନିଅନ୍ତି ତେବେ ଦୂମେରପାଳି ଗ୍ରାମବାସୀ ବାଧ୍ୟ ହୋଇ ବି ଇ ଓ ଅଫିସ ଘେରାଉ କରିବେ ବୋଲି ତୀବ୍ର ଚେତାବନୀ ଦେଇଛନ୍ତି ।