16-Mar-2021

କଳାହାଣ୍ଡି (ସଂଜୀବ କୁମାର ଦାସ) : ଜଙ୍ଗଲରୁ ଗଳିତ ମୃତଦେହ ଠାବ । କଳାହାଣ୍ଡି ନର୍ଲା ଥାନା କିଡିଙ୍ଗ ଗାଁ ନିକଟରୁ ଝୁଲନ୍ତା ମୃତଦେହ ଠାବ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଛି ।

ଖବର ଅନୁଯାଯୀ, ନର୍ଲା ଥାନା କିଡିଙ୍ଗ ଗାଁ ନିକଟ ଜଙ୍ଗଲରେ ଏକ ଗଳିତ ଶବ ଝୁଲୁଥିବାର ଦେଖିବାକୁ ମିଳିଥିଲା । ଯାହାପରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଥିଲା । ତେବେ ପୋଲିସର ପ୍ରାଥମିକ ତଦନ୍ତ ଏହା ପ୍ରାୟ ୨ମାସ ତଳର ବୋଲି ଅନୁମାନ କରୁଛି । ତେବେ ମୃତଦେହଟି ପୁରୁଷ କିମ୍ବା ମହିଳାଙ୍କ , ତାହା ବର୍ତ୍ତମାନ ପର୍ଯ୍ୟନ୍ତ କିଛି ସ୍ପଷ୍ଟ ହୋଇନାହିଁ ।

ସେହିପରି ମୃତ୍ୟୁ ପଛରେ ଆତ୍ମହତ୍ୟା ନା ହତ୍ୟା  । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ପୋଷ୍ଟମର୍ଟମ ରିପୋର୍ଟ ଆସିବା ପରେ କିଛିଟା ରହସ୍ୟ ଉପରୁ ମଧ୍ୟ ପରଦା ହଟିପାରେ ବୋଲି ଆଶା କରାଯାଉଛି । ତେଣୁ ଘଟଣାରେ ପୋଲିସ ତଦନ୍ତ ଯେତିକି ଆଗକୁ ବଢିବା । ସେତିକି ଘଟଣା ଉପରୁ ପରଦା ହଟିବ ବୋଲି ସ୍ଥାନୀୟ ଲୋକ ଆଶା ରଖିଛନ୍ତି ।