16-Mar-2021

ବଲାଙ୍ଗୀର(ସନ୍ତୋଷ କୁମାର ଠାକୁର): ଯୁନାଇଟେଡ଼ ଫୋରମ ଅଫ ବ୍ୟାଙ୍କ ୟୁନିୟନ ପକ୍ଷରୁ ମାର୍ଚ୍ଚ ୧୪ ଓ ୧୫ ଦୁଇ ଦିନିଆ ଧର୍ମଘଟ ଡାକରା ଦିଆଯାଇଛି । ବଲାଙ୍ଗୀରରେ ଗୋଟେ ଦିନର ଧର୍ମଘଟ ଶାନ୍ତି ଶୃଙ୍ଖଳା ସହ ସମାପ୍ତ ହୋଇଥିବାବେଳେ ଆଜି ଦ୍ୱିତୀୟ ଦିନ ବ୍ୟାଙ୍କ କର୍ମଚାରୀ ଙ୍କ ଆନ୍ଦୋଳନ ଜାରି ରଖିଛନ୍ତି । ଏହି ବ୍ୟାଙ୍କ ଧର୍ମଘଟର ପ୍ରବାହ ବଲାଙ୍ଗୀର ଜିଲ୍ଲାରେ ମଧ୍ୟ ତୀବ୍ର ରୂପ ନେଉଥିବା ଦେଖିବାକୁ ମିଳିଛି । ବଲାଙ୍ଗୀର ସହର ମଧ୍ୟରେ ଥିବା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଅଫିସ କାର୍ୟଲୟ ସମ୍ମୁଖରେ ଜିଲ୍ଲାର ସମସ୍ତ ବ୍ୟାଙ୍କ କର୍ମଚାରୀ ଆନ୍ଦୋଳନ କୁ ଓଲ୍ଲାଇଛନ୍ତି ଏବଂ ନାରାବାଜି ମାଧ୍ୟମରେ ସରକାରଙ୍କୁ ଚେତାଇ ଦାବି ଉପସ୍ଥାପନ କରିଛନ୍ତି। ଯାହା ଫଲରେ ଜିଲ୍ଲାରେ ଥିବା ସମସ୍ତ ବ୍ୟାଙ୍କ ଶାଖା ଗୁଡ଼ିକ ସମ୍ପୂର୍ଣ୍ଣ ବନ୍ଧ ରହିଛି। ଜାତୀୟତା କରଣ ବ୍ୟାଙ୍କ ଆଇନରେ ପରିବର୍ତ୍ତନ କରି ଘରୋଇ କରଣ କୁ ବିରୋଧ କରିବା ଦାବିରେ ବ୍ୟାଙ୍କ କର୍ମଚାରୀ ମାନେ ବ୍ୟାଙ୍କ ଧର୍ମଘଟ କରିଛନ୍ତି। ଏବଂ ଋଣ ଖିଲାପକାରି ପୁଞ୍ଜିପତିଙ୍କ ନାମ ସର୍ବସାଧାରଣରେ ପ୍ରକାଶ କରାଜାଉ ଭଳି ମତ ବ୍ୟକ୍ତ ରଖିଛନ୍ତି।ସମାନ ଭାବରେ ବ୍ୟାଙ୍କ ଓ ଜନତାଙ୍କ ଟଙ୍କା ଲୁଟ କରି ପଳାୟନ ଓ ଦେବାଳିଆଙ୍କ ପାଇଁ ଦାୟୀ କିଏ ଭଳି ପ୍ରଶ୍ନ ବାଢିଛନ୍ତି ? ଏବଂ ଅପରାଧିକ ଆଇନ ଲାଗୁ ନ କରିବାରେ ରହସ୍ୟ କଣ ? ବୋଲି ବ୍ୟାଙ୍କ ଧର୍ମଘଟ କରିଥିବା ଆନ୍ଦୋଳନକାରୀ ପ୍ରଶ୍ନ ଏବଂ ଯୁକ୍ତି ବାଢିଛନ୍ତି। ଯାହାକୁ ନେଇ ଏହାର ତୁରନ୍ତ ଏହି ଦିଗ ଉପରେ ସମାଧାନ କରନ୍ତୁ ବୋଲି ଦାବି ଉପସ୍ଥାପନ କରିଛନ୍ତି। ଆଗାମୀ ଦିନରେ ସରକାର ଙ୍କ ଏଭଳି ନୀତି ଜାରି ରୁହେ ତେବେ ଏହି ଆନ୍ଦୋଳନ ତଥା ଧାରଣା ତୀବ୍ର ରୂପ ନେବ ଏବଂ ସରକାର ଦାୟୀ ରହିବେ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି। ଏହି ଦୁଇ ଦିନର ସମୂହ ବ୍ୟାଙ୍କ କର୍ମଚାରୀଙ୍କ କାର୍ଯ୍ୟ ବନ୍ଧ ଆନ୍ଦୋଳନ ତଥା ଧାରଣା ଯୋଗୁଁ ଜନସାଧାରଣ ନାହିଁ ନ ଥିବାର ଅସୁବିଧାରେ ସମ୍ମୁଖୀନ ହେଉଥିବା ପରିଲକ୍ଷିତ ହୋଇଛି ।