15-Oct-2020

 ବରଗଡ଼,୧୫ ।୧୦: ସଦ୍ୟ ପ୍ରକାଶ ପାଇଥିବା ନେଷ୍ଟ୍ - ସିଇବିଏସ୍ / ନାଇଜର୍ ପରୀକ୍ଷା ୨୦୨୦ରେ ବିକାଶ ଆବାସିକ ବିଦ୍ୟାଳୟ, ବରଗଡ଼ର ସିବିଏସ୍‌ଇ ଦ୍ୱାଦଶ ବିଜ୍ଞାନ ଶ୍ରେଣୀର ୪ଜଣ ଛାତ୍ରଛାତ୍ରୀ ସଫଳତା ହାସଲ କରିଛନ୍ତି । ଆଶୁତୋଷ ଅଗ୍ରୱାଲ୍ ସର୍ବଭାରତୀୟ ୩୭(ଇଡବ୍ଲ୍ୟୁଏସ୍‌) ସିଇବିଏସ୍ ର‌୍ୟାଙ୍କ୍ ଏବଂ ସର୍ବ ଭାରତୀୟ ୪୦୬ (ସାଧାରଣ ବର୍ଗ) ନାଇଜର୍ ର‌୍ୟାଙ୍କ୍‌, ସ୍ୱସ୍ତିକ୍ ମିଶ୍ର ସର୍ବ ଭାରତୀୟ ୧୦୬(ଇଡବ୍ଲ୍ୟୁଏସ୍‌) ସିଇବିଏସ୍ ର‌୍ୟାଙ୍କ୍‌, ଇପ୍ସିତା ମିଶ୍ର ସର୍ବଭାରତୀୟ ୧୦୭୯ (ସାଧାରଣ ବର୍ଗ) ନାଇଜର୍ ର‌୍ୟାଙ୍କ୍‌, ଶୈଲେଶ ଅଗ୍ରୱାଲ୍ ସର୍ବ ଭାରତୀୟ ୧୧୮୪ (ସାଧାରଣ ବର୍ଗ) ସିଇବିଏସ୍ ର‌୍ୟାଙ୍କ୍  ସହ ସଫଳତା ଅର୍ଜନ କରିଛନ୍ତି । ବିକାଶ ର ସେଣ୍ଟ୍ରାଲାଇଜ୍‌ଡ୍ ଏଣ୍ଟ୍ରାନ୍ସ୍ ଏବଂ ଏକାଡେମିକ୍ ପ୍ରୋଗ୍ରାମ୍ ଦ୍ୱାରା ପରିଚାଳିତ ଏହାର ଅନ୍ୟ ଶାଖା ବିକାଶ ଦି କନ୍ସେପ୍ଟ୍ ସ୍କୁଲ୍‌, ସମ୍ବଲପୁର ର ଦିବ୍ୟ ରଞ୍ଜନ ଓରାମ ସର୍ବ ଭାରତୀୟ ୧ (ଏସ୍‌ଟି) ସିଇବିଏସ୍ ର‌୍ୟାଙ୍କ୍ ଏବଂ ବିକାଶ ରେସିଡେନ୍ସିଆଲ୍ ସ୍କୁଲ୍‌, ଭୁବନେଶ୍ୱର ଶାଖାର ଆଶିଷ ଆୟୁଷ୍ମାନ ସାହୁ ସର୍ବ ଭାରତୀୟ ୧୬୬ (ସାଧାରଣ ବର୍ଗ) ସିଇବିଏସ୍ ର‌୍ୟାଙ୍କ୍ ସହ ବିକାଶ ଗ୍ରୁପ୍ ର ମୋଟ୍ ୬ଜଣ ଛାତ୍ରଛାତ୍ରୀ ଏହି ପରୀକ୍ଷାରେ ସଫଳ ହୋଇଛନ୍ତି । ଓଡ଼ିଶାର ଅଗ୍ରଣୀ ଶିକ୍ଷାନୁଷ୍ଠାନମାନଙ୍କ ମଧ୍ୟରୁ ବିକାଶ ଗ୍ରୁପ ଅଫ ଇନ୍ସଟିଚ୍ୟୁସନରେ ବୋର୍ଡ ତଥା ପ୍ରବେଶିକା ପରୀକ୍ଷା ପାଇଁ ଗୁଣାତ୍ମକ ମାନର ଶିକ୍ଷାଦାନ ସହ ସଫଳତା କୌଶଳ ନିମନ୍ତେ ଶିକ୍ଷାଦାନ କରାଯାଉଥିବା ହିଁ ସଫଳତାର ରହସ୍ୟ ବୋଲି ଚେୟାରମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ପ୍ରକାଶ କରିଛନ୍ତି ଏବଂ ଶିକ୍ଷାନୁଷ୍ଠାନକୁ ବିଶ୍ୱାସ କରିଥିବା ସମସ୍ତ ଅଭିଭାବକ ତଥା କଠୋର ପରିଶ୍ରମ କରିଥିବା ଛାତ୍ରଛାତ୍ରୀ, ବୋର୍ଡ ଓ ଏନ୍‌ଟ୍ରାଂସ ପାଠ୍ୟଦାନ କାର୍ଯ୍ୟକ୍ରମକୁ ପ୍ରଶଂସା କରିବା ସହ ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ସାଧୁବାଦ ଜଣାଇଛନ୍ତି । ଏହି ସଫଳତା ପାଇଁ ବିକାଶ ଗ୍ରୁପ୍‌ର ମ୍ୟାନେଜିଂ ଡାଇରେକ୍ଟର ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଡି. ନାଗେଶ୍ୱର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଭି.ଶ୍ରୀନିବାସ, ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା, ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି. ବିବେକ କୁମାର, ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା, ଆବାସିକ ବିଦ୍ୟାଳୟ ଅଧ୍ୟକ୍ଷ ଶିଶିର ପ୍ରସାଦ ରାଉଳ,  ଜୁନିୟର କଲେଜ ଅଧ୍ୟକ୍ଷ ମୂରାରୀ ପ୍ରସାଦ ସାହୁ ଏବଂ ଉପାଧ୍ୟକ୍ଷ ଚିତରଞ୍ଜନ ପତି ସମସ୍ତ ସଫଳ ଛାତ୍ର ତଥା ତାଙ୍କର ମାତାପିତା ଏବଂ ସମସ୍ତ ଶିକ୍ଷକ-ଶିକ୍ଷୟିତ୍ରୀଙ୍କୁ ଅଭିନନ୍ଦନ ଜ୍ଞାପନ କରିଛନ୍ତି ।