15-Oct-2020

ଗଣିଆ :  ଗଣିଆ ବ୍ଲକ୍ ଅନ୍ତର୍ଗତ ୨୫କି.ମି  ଦୂରରେ ଅବସ୍ଥିତ ଛମୁଣ୍ଡିଆ ପଂଚାୟତ  ଗୁପ୍ତେଶ୍ୱର  ବିଦ୍ୟାଳୟରେ ୨୦୦୦ ମସିହା ଠାରୁ ବିଜ୍ଞାନ ଶିକ୍ଷକ ନାହାଁନ୍ତି।  ଯାହା ଦ୍ଵାରା ଦୀର୍ଘ ୨୦ ବର୍ଷ  ଧରି ଛାତ୍ରଛତ୍ରୀମାନେ ବିଜ୍ଞାନ ର ଜ୍ଞାନ ପାଇପରୁନାହାନ୍ତି, ଯେତେବେଳେ କି ଆଜିର ଆଧୁନିକ ଯୁଗରେ  ବିଜ୍ଞାନ ର ବହୁଳ ଆବଶ୍ୟକତା ରହିଛି ।  ସରକାର ଅଧିବାସୀ ଅଂଚଳ ଗୁଡିକ ପାଇଁ ବିଭିନ୍ନ ଯୋଜନା ମାଧ୍ୟମ ରେ ବିଦ୍ୟାଳୟ ସ୍ଥାପନ କରିଥିଲେ ମଧ୍ୟ ତାହା ଫଳପ୍ରଦ ହୋଇପାରୁନାହିଁ । ଗୁପ୍ତେଶ୍ୱର ବିଦ୍ୟାଳୟ ପରିସର ରେ ଥିବା ହଷ୍ଟେଲ ନିର୍ମାଣ ହେଇଥିଲେ ମଧ୍ୟ ଗରୀବ ଆଦିବାସୀ ଜନସାଧାରଣ ତାହାର ସୁବିଧା ରୁ ବଞ୍ଚିତ ଅଛନ୍ତି । ଏତତବ୍ୟତିତ ବିଦ୍ୟାଳୟ ପରିସଭୁକ୍ତ ଖେଳପଡିଆ ବର୍ତ୍ତମାନ ପର୍ଯ୍ୟନ୍ତ ଖୋଲା ପଡିଆ ଭାବରେ ପଡ଼ିରହିଛି। ତଥା ପାଚେରୀ ବିହୀନ ପଡିଆ ରେ ଗାଈଗୋରୁ ଚରିବା ସହିତ ବର୍ଷା ଜଳ ଜମା ହୋଇ ରହିଛି। ଖେଳପଡିଆ ର ଉନ୍ନତି କରଣ ପାଇଁ ସରକାରଙ୍କ ତରଫ ରୁ ମହାତ୍ମାଗାନ୍ଧୀ ନିଶ୍ଚିତ ଯୋଜନା ରେ ୫ ଲକ୍ଷ ଟଙ୍କା ଅନୁଦାନ  ମିଳିଲେ ମଧ୍ୟ ଛାମୁଣ୍ଡିଆ ପଂଚାୟତ ଉଚ୍ଚ ବିଦ୍ୟାଳୟ ର ପଡିଆ କାର୍ଯ୍ୟକାରୀ ହୋଇପାରିନାହିଁ ଅର୍ଥାତ୍ ଏଥିରୁ ବଞ୍ଚିତ ହେଇଛନ୍ତି ।  ନୁଆକରି ଯୋଗ ଦେଇଥିବା ପ୍ରଧାନ ଶିକ୍ଷିକା ଶ୍ରୀମତୀ ପୁଷ୍ପ ମଞ୍ଜରି ଦେଇ ଙ୍କ କଥନ ଅନୁଯାୟୀ ସେ ଏଇ ସବୁ ଅସୁବିଧାର ସମାଧାନ ପାଇଁ ବିଧାୟକ ଙ୍କୁ ଜନେଇଛନ୍ତି । ଏହା ସହିତ ଏହି
ବିଦ୍ୟାଳୟ କୁ ୨୦୧୬ ମସିହା ରେ ଜଣେ ବିଜ୍ଞାନ ଶିକ୍ଷକ ଯୋଗ ଦେଇଥିଲେ ମଧ୍ୟ ସେ ଅନ୍ୟତ୍ର ଡେପୁଟେସନ୍ ରେ କାର୍ଯ୍ୟ କରୁଛନ୍ତି । ଏ ନେଇ ଅଭିଭାବକ ମାନେ ବହୁତ୍ ଅଶାନ୍ତି ହେଇଛନ୍ତି । ଏହି ସବୁ ଅସୁବିଧାର ସମାଧାନ ପାଇଁ ବିଧାୟକ ଙ୍କ ତରଫରୁ ଉଚ୍ଚ ପଦକ୍ଷପ ନେଲେ ଉକ୍ତ ପଂଚାୟତ ର ଛାତ୍ରଛାତ୍ରୀ ଉପକୃତ ହେବେ। ତେଣୁ ମାନ୍ୟବର ବିଧାୟକଙ୍କୁ ସମସ୍ୟା ର ସମାଧାନ ପାଇଁ ଅନୁରୋଧ ।