27-Sep-2026

(ଚିନ୍ତା ମଣି ନାଏକ )
କଳାହାଣ୍ଡି ଜିଲ୍ଲା ଯୁବ ଯାଦବ ପକ୍ଷରୁ ନୂଆଁଖାଇ ଭେଟଘାଟ ଓ ସାଙ୍ଗଠନିକ ବୈଠକ ଉତ୍ସାହ, ଭାଇଚାରା ଓ ସାମାଜିକ ଏକତାର ପରିବେଶରେ ଅନୁଷ୍ଠିତ ହୋଇଯାଇଛି। ଜିଲ୍ଲା ଯୁବ ଯାଦବ ସଭାପତି ପୀତବାସ ବେହେରାଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ କଳାହାଣ୍ଡି ଜିଲ୍ଲାର ବିଭିନ୍ନ ବ୍ଲକ, ଏନ୍‌ଏସି ଓ ମ୍ୟୁନିସିପାଲିଟିରୁ ଯୁବ ଯାଦବ ପ୍ରତିନିଧିମାନେ ଯୋଗଦେଇଥିଲେ। ଜିଲ୍ଲା ଯୁବ ଯାଦବ ଉପସଭାପତି ଅଭିମନ୍ୟୁ  ବାଗ ଓ ଦିଲେଶ ନାଗ ମଞ୍ଚ ପରିଚାଳନା କରିଥିଲେ।

କାର୍ଯ୍ୟକ୍ରମର ଆରମ୍ଭରେ ସକାଳ ୧୧ଟା ସମୟରେ ପୂଜା-ଅର୍ଚ୍ଚନା କରାଯାଇଥିଲା। ପରେ ସମାଜର ବୟୋଜ୍ୟେଷ୍ଠମାନଙ୍କୁ ଚନ୍ଦନ, ଫୁଲ ଓ ଚାଉଳ ଦେଇ ପିତୃ-ପୂଜା କରାଯାଇଥିଲା। ଉପସ୍ଥିତ ଯାଦବ ଭାଇଭଉଣୀମାନେ ପରସ୍ପରକୁ ନୂଆଁଖାଇର ଶୁଭେଚ୍ଛା ଜଣାଇବା ସହ ଭାଇଚାରା, ସ୍ନେହ ଓ ସାମାଜିକ ଏକତାର ବାର୍ତ୍ତା ବିନିମୟ କରିଥିଲେ।

କାର୍ଯ୍ୟକ୍ରମରେ କଳାହାଣ୍ଡି ଜିଲ୍ଲା ଯାଦବ ସଭାପତି ନୃପରାଜ ଯାଦବ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଉତ୍କଳ ଯାଦବ ମହିଳା ସେଲ୍‌ର ସଭାନେତ୍ରୀ ସଂଯୁକ୍ତା ବେହେରା ବିଶେଷ ଅତିଥି ଭାବେ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ଜିଲ୍ଲା ସମ୍ପାଦକ ତ୍ରିପୁରା ନାଏକ, ବରିଷ୍ଠ ଉପସଭାପତି ଅଲେଖ ଗୋପାଳ, କମଳ ବାଗ ଓ ଜଗଦୀଶ ଯାଦବ, ଜିଲ୍ଲା ଯୁଗ୍ମ ସମ୍ପାଦକ ପୂର୍ଣ୍ଣ ଗୌଡ଼, ଜିଲ୍ଲା କୋଷାଧ୍ୟକ୍ଷ ଈଶ୍ୱର ବଗର୍ତ୍ତି, ଜିଲ୍ଲା ମହିଳା ସଭାନେତ୍ରୀ ରଶ୍ମିରେଖା ରାଉତ, ସମ୍ପାଦିକା ରେବତୀ ବିଶି, କର୍ମଚାରୀ ସେଲ୍ ସଭାପତି ମାଧବ ଲହଜଲ, ମୁଖ୍ୟ ପରାମର୍ଶଦାତା ନଳିନୀ ରଞ୍ଜନ ରାଉତ, ପୂର୍ବତନ ମହିଳା ସଭାନେତ୍ରୀ ତଥା ଆଇନଜୀବୀ ଇଲ୍ଲା ସେଲମା, ଜିଲ୍ଲା ଉପଦେଷ୍ଟା ଲିଙ୍ଗରାଜ ଗହୀର ଓ ପଙ୍କଜଗୌଡ଼,ପୂର୍ବତନ ଜିଲ୍ଲା ଯୁବ ଯାଦବ ସଭାପତି ଲକ୍ଷ୍ମୀ ବାଗ  ପ୍ରମୁଖ ଯୋଗଦେଇଥିଲେ।ଏହି ଅବସରରେ ଯୁବ ଯାଦବ ସାମ୍ବାଦିକ ବନ୍ଧୁମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏଥିସହ କଳାହାଣ୍ଡି ଜିଲ୍ଲା ଯାଦବ ସମାଜର ଯୁବପିଢ଼ି ମଧ୍ୟରୁ ଶିକ୍ଷା, ଚାକିରି, ସେବା ଓ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସଫଳତା ଓ ପାରଦର୍ଶିତା ହାସଲ କରିଥିବା ଯୁବ ଯାଦବ ବନ୍ଧୁମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା। ସେମାନଙ୍କ ସଫଳତାକୁ ସ୍ୱୀକୃତି ଦେବା ସହ ଯୁବପିଢ଼ିଙ୍କୁ ଶିକ୍ଷା, ଚାକିରି, ସେବା ଓ ସମାଜସେବା କ୍ଷେତ୍ରରେ ଆଗକୁ ବଢ଼ିବା ପାଇଁ ପ୍ରେରଣା ଦେବା ଏହି ସମ୍ମାନର ଉଦ୍ଦେଶ୍ୟ ଥିଲା।ଏହି ଅବସରରେ ଜିଲ୍ଲା ଯୁବ ଯାଦବ ସଭାପତି ପୀତବାସ ବେହେରା ଜିଲ୍ଲା ଯୁବ ଯାଦବ ଶାଖାର ପରିଚୟ, ଜିଲ୍ଲା ଯାଦବ ମହାସଭା ଅଧୀନରେ ଯୁବ ଶାଖାର ସାଙ୍ଗଠନିକ ଭୂମିକା, ଶାଖାର ଉଦ୍ଦେଶ୍ୟ ଓ ନିୟମାବଳୀ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ଯୁବ ଯାଦବମାନଙ୍କୁ ସଂଗଠିତ କରି ସାମାଜିକ, ସାଙ୍ଗଠନିକ ଓ ସେବାମୂଳକ କାର୍ଯ୍ୟରେ ସକ୍ରିୟ ଭାବେ ସାମିଲ କରିବା ଉପରେ ସେ ଗୁରୁତ୍ୱାରୋପ କରିଥିଲେ।ବୈଠକରେ ଆଗାମୀ ଦିନରେ ବ୍ଲକ, ଏନ୍‌ଏସି ଓ ମ୍ୟୁନିସିପାଲିଟି ସ୍ତରରେ ଯୁବ ଯାଦବ ସଂଗଠନର ବିସ୍ତାର ନେଇ ଆଲୋଚନା କରାଯାଇଥିଲା। ଏଥିସହ ଯୁବପିଢ଼ିଙ୍କୁ ନେଇ ବିଭିନ୍ନ ସାମାଜିକ, ଶିକ୍ଷାମୂଳକ, ସେବାମୂଳକ ଓ ସାଙ୍ଗଠନିକ କାର୍ଯ୍ୟକ୍ରମ ଆୟୋଜନ କରିବା ନେଇ ଆଗାମୀ କାର୍ଯ୍ୟଯୋଜନା ସମ୍ପର୍କରେ ମତବିନିମୟ ହୋଇଥିଲା। ସଦସ୍ୟମାନେ ନିଜ ନିଜ ମତାମତ ଓ ପ୍ରସ୍ତାବ ରଖିବା ସହ ଆବଶ୍ୟକ ସଂଶୋଧନ ଓ ଆଗାମୀ କାର୍ଯ୍ୟପନ୍ଥା ନିର୍ଦ୍ଧାରଣ ନେଇ ଆଲୋଚନା କରିଥିଲେ।କାର୍ଯ୍ୟକ୍ରମରେ ସମସ୍ତ ବ୍ଲକ, ଏନ୍‌ଏସି ଓ ମ୍ୟୁନିସିପାଲିଟିର ସଭାପତି ଓ ସମ୍ପାଦକଙ୍କ ସମେତ ଜିଲ୍ଲାର ବିଭିନ୍ନ ଅଞ୍ଚଳର ଯୁବ ଯାଦବ ପ୍ରତିନିଧିମାନେ ଯୋଗଦେଇଥିଲେ। ଯୁବ ସଂଗଠନକୁ ତୃଣମୂଳ ସ୍ତରରୁ ସୁଦୃଢ଼ କରିବା, ଯୁବପିଢ଼ିଙ୍କୁ ସାମାଜିକ କାର୍ଯ୍ୟ ସହ ଯୋଡ଼ିବା ଏବଂ ବିଭିନ୍ନ କ୍ଷେତ୍ରରେ ଯୁବକଯୁବତୀଙ୍କ ଅବଦାନ ବଢ଼ାଇବା ନେଇ ଆଲୋଚନା ହୋଇଥିଲା।ନୂଆଁଖାଇ ଭେଟଘାଟ ଅବସରରେ ଯାଦବ ସମାଜର ବୟୋଜ୍ୟେଷ୍ଠଙ୍କ ପ୍ରତି ସମ୍ମାନ, ଯୁବପିଢ଼ିଙ୍କ ସଫଳତାକୁ ସ୍ୱୀକୃତି, ସାମାଜିକ ଏକତା ଓ ସାଙ୍ଗଠନିକ ସମନ୍ୱୟ ଉପରେ ଗୁରୁତ୍ୱ ଦିଆଯାଇଥିବାରୁ କାର୍ଯ୍ୟକ୍ରମଟି ଏକ ମିଳନ ମଞ୍ଚର ରୂପ ନେଇଥିଲା।ଶେଷରେ କୋକସରା ବ୍ଲକ ଯୁବ ଯାଦବ ସଭାପତି ଯୋଗେନ୍ଦ୍ର ହଂସ ଧନ୍ୟବାଦ ଅର୍ପଣ କରିଥିଲେ। ଉପସ୍ଥିତ ସମସ୍ତ ଅତିଥି, ବୟୋଜ୍ୟେଷ୍ଠ, ସାମ୍ବାଦିକ ବନ୍ଧୁ, ଯୁବ ଯାଦବ ପ୍ରତିନିଧି ଓ ସଦସ୍ୟମାନଙ୍କୁ ଧନ୍ୟବାଦ ଜଣାଇବା ସହ ନୂଆଁଖାଇ ଭେଟଘାଟ କାର୍ଯ୍ୟକ୍ରମର ସମାପନ କରାଯାଇଥିଲା।