23-Sep-2026

ନୂଆପଡ଼ା: (ରାମନାଥ  ପଣ୍ଡା )
ଗ୍ରାମାଞ୍ଚଳର ଯୋଗାଯୋଗ ବ୍ୟବସ୍ଥାକୁ ସୁଦୃଢ଼ କରିବା ଓ ଲୋକଙ୍କ ଯାତାୟାତକୁ ସୁଗମ କରିବା ପାଇଁ ସରକାରଙ୍କ ପକ୍ଷରୁ ରାସ୍ତା ନିର୍ମାଣ ଓ ମରାମତି ନିମନ୍ତେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରାଯାଉଛି। କିନ୍ତୁ ବାବେବିରରୁ ବର୍ତ୍ତନସିଲକୁ ସଂଯୋଗ କରୁଥିବା ରାସ୍ତାର ଅବସ୍ଥା ଦେଖିଲେ ଏହି ଖର୍ଚ୍ଚର ବାସ୍ତବ ଉପଯୋଗିତାକୁ ନେଇ ପ୍ରଶ୍ନ ଉଠୁଛି।
ରାସ୍ତାରେ ଯାତାୟାତ କରିବା ଲୋକଙ୍କ ପାଇଁ ଦିନକୁ ଦିନ କଷ୍ଟକର ହୋଇପଡ଼ୁଥିବା ବେଳେ ରାସ୍ତାର ଦୁରବସ୍ଥା ଯୋଗୁଁ ସାଧାରଣ ଲୋକେ ନାନା ସମସ୍ୟାର ସମ୍ମୁଖୀନ ହେଉଛନ୍ତି। ଲକ୍ଷ ଲକ୍ଷ ଟଙ୍କାର କାମ ହୋଇଥିବା ସତ୍ତ୍ୱେ ରାସ୍ତାର ଏଭଳି ଅବସ୍ଥା ରହିବା ନିର୍ମାଣ କାର୍ଯ୍ୟର ମାନ ଓ ରକ୍ଷଣାବେକ୍ଷଣକୁ ନେଇ ଅନେକ ପ୍ରଶ୍ନ ସୃଷ୍ଟି କରୁଛି।
ଗ୍ରାମାଞ୍ଚଳର ରାସ୍ତା ହେଉଛି ଲୋକଙ୍କ ଜୀବନରେଖା। ଏହି ରାସ୍ତା ଉପରେ ନିର୍ଭର କରୁଥିବା ଅଞ୍ଚଳବାସୀଙ୍କ ଯାତାୟାତ ସମସ୍ୟାର ସମାଧାନ କରିବା ଅତ୍ୟନ୍ତ ଜରୁରୀ। ତେଣୁ ସମ୍ପୃକ୍ତ ବିଭାଗ ଏହି ରାସ୍ତାର ସ୍ଥିତି ତଦନ୍ତ କରିବା ସହ ନିର୍ମାଣ କାର୍ଯ୍ୟର ମାନ ଯାଞ୍ଚ କରି ଶୀଘ୍ର ମରାମତି କରିବାକୁ ଦାବି ହେଉଛି।
ଲକ୍ଷ ଲକ୍ଷ ଟଙ୍କା ଖର୍ଚ୍ଚ ପରେ ବି ଯଦି ରାସ୍ତାର ଏଭଳି ଅବସ୍ଥା, ତେବେ ଏହାର ଦାୟିତ୍ୱ କାହାର? ଏହି ପ୍ରଶ୍ନ ଏବେ ସାଧାରଣରେ ଚର୍ଚ୍ଚାର ବିଷୟ।