20-Jun-2026

ସୁବର୍ଣ୍ଣପୁର( ମନୋରଞ୍ଜନ ତ୍ରିପାଠୀ )
ମାତା ପାର୍ବତୀଙ୍କ  ପାଣିଗ୍ରହଣ ପରେ ଆଜି ପ୍ରତ୍ୟାବର୍ତ୍ତନ ଶୋଭାଯାତ୍ରା ରେ ବାବା ଚନ୍ଦ୍ରଶେଖର ଓ ମାତା ପାର୍ବତୀ ଙ୍କ ଯୁଗଳ ମୂର୍ତ୍ତି ପ୍ରଥମେ କୈଳାଶ ନଗରୀ ଶ୍ରୀ ବୃନ୍ଦାବନ ବିହାରୀ ମନ୍ଦିର ନିକଟସ୍ଥ ବର ପିତା ମାତା ଯୋଗୀନ୍ଦ୍ର ମିଶ୍ର , କିଶୋରୀ ମିଶ୍ର  ଙ୍କ ଘରେ ପହଞ୍ଚି ଛନ୍ତି l ଆଜି ଏଠି ଭକ୍ତ ଶ୍ରଦ୍ଧାଳୁ ଙ୍କୁ ଦିନ ରାତି ଦର୍ଶନ ଦେବା ପରେ ପରେ ଆସନ୍ତା କାଲି ସ୍ଵ ମନ୍ଦିର କୁ ପ୍ରଭୁ ବିଜେ କରିବେ l ଶୀତଳଷଷ୍ଠୀ ଯାତ୍ରା ପାଇଁ କୋଷାଗାର ରୁ ବାହାରିଥିଲେ ୧୦୮ ତୋଳା ର ମୁଖ୍ୟ ଆକର୍ଷଣ ସୁନା ର ନାଗ ମୁର୍ତ୍ତୀ। ୧୮ତାରିଖ ସଂଧ୍ୟାରେ 
 ଅଷ୍ଟଶମ୍ଭୁ , ଅଷ୍ଟ ବିଷ୍ଣୁ ଙ୍କ ସହ ନଗର ପରିକ୍ରମା କରି ବରଯାତ୍ରୀ ବେଶରେ ସ୍ଥାନୀୟ ସତସଙ୍ଗ ବିହାର ସ୍ଥିତ ହିମାଦ୍ରୀ ନଗର ଠାରେ ପହଞ୍ଚି ଥିଲେ ସେଠାରେ କନ୍ୟାପିତା ବଣ୍ଟୁ ଅଗ୍ରୱାଲ ସପତ୍ନୀକ ଦେବାଧିଦେବ ମହାଦେବ ଓ  ବରଯାତ୍ରୀ ବେଶରେ ଥିବା ଅଷ୍ଟ ବିଷ୍ଣୁ ଓ ଅଷ୍ଟ ଶମ୍ଭୁ ଙ୍କୁ ରୀତିନୀତି ଅନୁଯାୟୀ ପୂଜାର୍ଚ୍ଚନା ପରେ ବାବା ଚନ୍ଦ୍ରଶେଖର ଙ୍କୁ ବରଣ କରି ସୁସଜ୍ଜିତ ମଣ୍ଡପ କୁ ବିଜେ କରାଇଥିଲେ ତାପରେ ମଧ୍ୟରାତ୍ରିରେ ବୈଦିକ ରୀତିନୀତିରେ ବାବା ଚନ୍ଦ୍ରଶେଖର ମାତା ଅନ୍ନପୂର୍ଣ୍ଣା ଙ୍କ ସହ ପାଣିଗ୍ରହଣ କରି  ବିବାହ ସଂପନ୍ନ ହୋଇଥିଲା। ଶୀତଳଷଷ୍ଠୀ ପରିଚାଳନା କମିଟି ଓ ଦେବୋତ୍ତର ବିଭାଗ ତରଫରୁ ଶୀତଳଷଷ୍ଠୀ ଯାତ୍ରାର ସମସ୍ତ ପ୍ରସ୍ତୁତି ସଠିକ ଢଙ୍ଗରେ ଆୟୋଜନ ହୋଇଥିବା ବେଳେ ଆଜି ମଧ୍ୟରାତ୍ରି ରୁ ଦେବଦମ୍ପତିଙ୍କ ପ୍ରତ୍ୟାବର୍ତ୍ତନ ଶୋଭାଯାତ୍ରା ଏକ ବିରାଟ ପଟୁଆରରେ ସହର ପରିକ୍ରମା କରି ଥିଲା l ମହଣ ମହଣ ରୂପା ରେ ନିର୍ମିତ ମହାପ୍ରଭୁ ଙ୍କ ସୂ ସଜ୍ଜିତ ପାଲିଙ୍କି ସୁନା ନାଗ ମୁର୍ତ୍ତୀ ସହିତ ସହର ର ଅଷ୍ଟ ଶମ୍ଭୁ ଅଷ୍ଟ ବିଷ୍ଣୁ ମହାପ୍ରଭୁ ଙ୍କ ଦର୍ଶନ ପାଇଁ ପାଖ ପଡ଼ୋଶୀ ଜିଲ୍ଲା ର ଭକ୍ତ ଶ୍ରଦ୍ଧାଳୁ ଙ୍କ ପ୍ରବଳ ସମାଗମ ହୋଇଥିଲା l  ଶାନ୍ତି ଶୃଙ୍ଖଳା ଓ ସୁରକ୍ଷା ପାଇଁ ଜିଲ୍ଲା ପୋଲିସ ପ୍ରସାଶନ ଓ ଦେବୋତ୍ତର ବିଭାଗ ପକ୍ଷରୁ କଡା ବ୍ୟବସ୍ଥା କରା ଯାଇଥିଲା l   ଦର୍ଶକ ବିଭିନ୍ନ ସାଂସ୍କୃତିକ କାର୍ଯ୍ୟ କ୍ରମ  କୁ ଉପଭୋଗ କରିଥିଲେ l  ଥନା ପତିପଡା ସ୍ଥିତ ଚନ୍ଦ୍ରଶେଖର ମନ୍ଦିର ରେ ମହାପ୍ରଭୁ  ପହଞ୍ଚିଲା ପରେ ପୂଜା ଅର୍ଚ୍ଚନା ଓ ମହା ଆଳତୀ କାରାଯିବ l ଆଜି ଶୋଭା ଯାତ୍ରା ସମୟରେ ମଝିପଡା ଠାରେ ରାମ ଧୂନ୍ କ୍ଲବ୍ ପକ୍ଷରୁ ଓ ବିଜୁ ପଟ୍ଟନାୟକ ଛକ ରେ ଡ୍ରଗିଷ୍ଟ ଏଣ୍ଡ କେମିଷ୍ଟ ସଂଘ ପକ୍ଷରୁ ଦହି ସରବତ  ଯୋଗାଣ, ମେହେର ପରିବାର ପକ୍ଷରୁ ଉପମା ଜଳ ପାନ, ଓ ବିଭିନ୍ନ ସ୍ଵେଚ୍ଛା ସେବୀ ଅନୁଷ୍ଠାନ ପକ୍ଷରୁ ଥଣ୍ଡା ପାନୀୟ ଦହି ପାଣି ଇତ୍ୟାଦି ଭକ୍ତ କଳାକାର ଙ୍କୁ ଯୋଗାଇ ଦିଆଯାଇଥିଲା।