19-Jun-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର) - ଡୁଙ୍ଗୁରିପାଲି ଶୀତଳ ଷଷ୍ଠୀ କମିଟୀ ପକ୍ଷରୁ ଦ୍ଵିତୀୟ ବର୍ଷର ତୃତୀୟ ଦିବସରେ ପଦାର୍ପଣ କରିଛି । ଗତକାଲି ଶିବ ପାର୍ବତୀ ବିବାହ ପାଇଁ ଦେବ ନିମନ୍ତ୍ରଣ ଅନୁଷ୍ଠିତ ହୋଇ ଯାଇଛି। ଡୁଙ୍ଗୁରିପାଲିରେ ବିଭିନ୍ନ ମନ୍ଦିରକୁ ଯାଇ ଦେବତାମାନଙ୍କୁ ଉକ୍ତ କାଯ୍ୟକ୍ରମରେ ଯୋଗଦେବା ପାଇଁ ବିଧପୂର୍ବକ ନିମନ୍ତ୍ରଣ କରାଯାଇଛି । ହିନ୍ଦୁ ସଂସ୍କୃତି ଅନୁସାରେ ବିବାହ ପୂର୍ବଦିନ ବା ବରଯାତ୍ରୀ ଦିନ ହିଁ ଉଭୟଙ୍କ ଘରେ ହଲଦୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ । ଆଜି ସକାଳେ ସକାଳେ ହଲଦୀ ଏବଂ ଗଣଶନ କାର୍ଯ୍ୟକ୍ରମ କପିଳେଶ୍ଵର ମନ୍ଦିର ପରିସରରେ ଅନୁଷ୍ଠିତ ହୋଇଥୁଲ । ଏଥିରେ ବହୁ ସଂଖ୍ୟାରେ ମହିଳାମାନେ ଯୋଗ ଦେଇ ମହାଦେବଙ୍କ ଏବଂ

କନ୍ୟା ଗୃହ ତଥା ହିମାଦ୍ରୀ ନଗରରେ ମଧ୍ଯ ଅନୁରୂପ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପରସ୍ପର ମଧ୍ୟରେ ହଲଦୀ ଲଗାଯାଇଥିଲା । ବରଯାତ୍ରୀ ଯିବା ପୂର୍ବରୁ ଅଳଙ୍କାର ଧାରଣ ପାଇଁ କନ୍ୟା ଘରେ ବର ପକ୍ଷରୁ ଲୋକେ ପହଞ୍ଚିଥିଲେ । ବିଭିନ୍ନ ପ୍ରକାର ଅଳଙ୍କାର ସହିତ ପୂଜା ସାମଗ୍ରୀ, ମାଆଙ୍କ ଶାଢୀ ସହିତ ସତକୁ ସତ ଝିଅ ବାହା ଘର ବେଳେ ବରପକ୍ଷ ଯେପରି ସାମଗ୍ରୀ ଆଣିଥାନ୍ତି ସେହି ପରି ସମସ୍ତ ଜିନିଷ ପତ୍ର ସହିତ ଲୋକେ ପହଞ୍ଚିଥିଲେ । କନ୍ୟା ଘର ପକ୍ଷରୁ ସେମାନଙ୍କୁ ଦ୍ୱୀପ ପ୍ରଜ୍ଜ୍ଵଳନ, ପୂର୍ଣକୁମ୍ଭ ସ୍ଥାପନ ପୂର୍ବକ ସ୍ବାଗତ କରି ଘରକୁ ପାଛୋଟି ନେଇଥିଲେ । ସଂଧ୍ୟାରେ ବହୁ ଆଡମ୍ବରେ ବରଯାତ୍ରୀ ବାହାରିଥିଲେ । ଡିଜେ, ଦୁଲଦୁଲି ବଜା ସହିତ ବିଭିନ୍ନ ନୃତ୍ୟୁରେ ବରଯାତ୍ରୀ କମ୍ପି ଉଠିଥିଲା । ବିଭିନ୍ନ ସ୍ଥାନରେ ଲୋକେ ଥଣ୍ଡାପାଣି ବଣ୍ଟନ କରୁଥିବା ବେଳେ ପୁରୁଣା କରତ କଳ ପରିସରରେ ଭଜନ ସମାରୋହ ଅନୁଷ୍ଠିତ ହୋଇଅଛି । ପୁରାଣ ଅନୁସାରେ ମହାଦେବ ଭସ୍ମବିଭୁସିତ, ସର୍ପ ଏବଂ ମୁଣ୍ଡ ମାଳ ଧାରଣ କରିଥିବାରୁ ବରଯାତ୍ରୀ ଗଲେ କନ୍ୟାପକ୍ଷ ଭୟଭିତ ହେବାର ସମ୍ଭାବନା ରହିଛି । ଏଣୁ ବିଷ୍ଣୁଙ୍କ ସମେତ ଦେବଗଣମାନେ ମହାଦେବଙ୍କୁ ନିଜର ସୁନ୍ଦର ରୂପ ଧାରଣ କରିବାକୁ ଅନୁରୋଧ କରାଯାଇଥିଲା । ଏଥିରେ ମହାଦେବ ନିଜର ସୁନ୍ଦର ରୂପ ଚନ୍ଦ୍ରଶେଖର ରୂପ ଧାରଣ କରିଥିଲେ । ଏହି ରୂପକୁ ଦେଖ୍ ଦେବଗଣମାନେ ଧନ୍ୟ ମନେ କରିଥିଲେ । ମାତା ପାର୍ବତୀଙ୍କ କନ୍ୟାପିତା ମାତା ଭାବେ ଜ୍ୟୋତି ପ୍ରକାଶ ମିଶ୍ର ଏବଂ ବନ୍ଦନା ମିଶ୍ର, କମିଟିର ସଭାପତି ପ୍ରଦୀପ ମିଶ୍ର, ସମ୍ପାଦକ ରୁଦ୍ରକିଶୋର ମହଲା ପ୍ରମୁଖ ମନ୍ଦିରରେ ପହଞ୍ଚିଥିଲେ। ବାବା ଶିବଙ୍କ ପିତାମାତା ଭାବେ ହରିଶ ସାହୁ ସପତ୍ନୀକ ଉପସ୍ଥିତ ଥିଲେ । ଆଜି ବରଯାତ୍ରୀରେ ବେଳେ ଉପସଭାପତି ହୃଷିକେଶ ସାହୁ, କୋଷାଧ୍ୟକ୍ଷ ହରିହର ଦନ୍ତା, ପୂର୍ବତନ ଜିଲ୍ଲାପରିଷଦ ଅଧ୍ଯକ୍ଷ ହିମାଂଶୁ ଶେଖର ବିଶ୍ଵାଳ, ଗୋପାଳ ବାରିକ, ଭୋଜରାଜ ଦଣ୍ଡସେନା, ସୁନୀଳ ମିତ୍ତଲ, ଲକ୍ଷ୍ମଣ ମେହେର, ଉମାଶଙ୍କର ଭରାସଗ୍ରୀଆ, ବିପ୍ରଚରଣ ସାହୁ, ଥବୀର ବିଶ୍ଵାଳ, ରାଧେଶ୍ୟାମ ମେହେର, ବନମାଳୀ ମେହେର, , ଘନଶ୍ୟାମ ମେହେର, ସୁନୀଳ ମେହେର, ରତ୍ନାକର ସେଠ, ଲବ ପଧାନ, ସେବା ଫାଉଣ୍ଡେସନ ପ୍ରତିଷ୍ଠାତା ବିଭୂଦତ୍ତ ବିଶ୍ୱାଳ, ସୁବାଷ ଚନ୍ଦ୍ର

ପଣ୍ଡା ପ୍ରମୁଖ ସାମିଲ ଥିଲେ । ଦ୍ୱିତୀୟ ବର୍ଷରେ ପଦାର୍ପଣ କରିଥିବା ଶୀତଳ ଷଷ୍ଠୀ ଡୁଙ୍ଗୁରିପାଲିର ପ୍ରତ୍ୟେକ ମନରେ ଏକ ଆଧ୍ୟାତ୍ମିକ ଭକ୍ତିଭାବ ସହିତ ପରସ୍ପର ମଧ୍ୟରେ ଯାତ୍ରାକୁ ନେଇ ଉତ୍ସାହ ଦେଖା ଦେଇଥିଲା। ପରସ୍ପର ମଧ୍ୟରେ ଯାତ୍ରାକୁ ସଫଳ କରିବା ପାଇଁ ସହ ଯୋଗୀ ମନୋଭାବ ଦେଖା ଦେଇଥିଲା । ଉଭୟ ଶିବପାର୍ବତୀଙ୍କ ପିତାମାତା ହୋଇଥିବା ଦମ୍ପତିମାନେ ମଧ୍ଯ ନିଜକୁ ଧନ୍ୟମନେ କରିଥିଲେ । ଭଗମାନଙ୍କ ଆଶିର୍ବାଦ ହିଁ ଏହି ସୁଯୋଗ ମିଳିଥାଏ ବୋଲି କମିଟି ସଭାପତି ପ୍ରଦୀପ ମିଶ୍ର ପ୍ରକାଶ କରିଥିଲେ ।