12-May-2026

ବଲାଙ୍ଗୀର(ପ୍ରେରଣା ଖବର): ଆଜି ମଙ୍ଗଳବାର ସନ୍ଧ୍ୟାରେ ମାରୱାଡ଼ି ଯୁବ ମଞ୍ଚ ବଲାଙ୍ଗୀର ଶାଖା ପକ୍ଷରୁ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟ ସାତ ମହଲା ଭବନ ସମ୍ମୁଖରେ ଏକ ନୂତନ “ଅମୃତ ଧାରା” (ଥଣ୍ଡା ପାନୀୟ ଜଳ ସେବା)ର ଶୁଭାରମ୍ଭ କରା ଯାଇଛି। ଏହି ପୂଣ୍ୟ କାର୍ଯ୍ୟ ମାରୱାଡ଼ି ସମାଜର ଜଣେ ପରିଚିତ ସମାଜସେବୀ ତଥା ଭୀମ ଭୋଇ ପୀଠର ଅଧ୍ୟକ୍ଷ  ଛତ୍ରଧାରୀ ଅଗ୍ରୱାଲଙ୍କ ଦ୍ୱାରା ତାଙ୍କର ସ୍ୱର୍ଗତ ପୁତ୍ର ବିକାଶ କୁମାର ଅଗ୍ରୱାଲଙ୍କ ପବିତ୍ର ସ୍ମୃତିରେ ସମାଜକୁ ସମର୍ପିତ କରା ଯାଇଥିଲା।

ଏହି ଅମୃତ ଧାରା ବଲାଙ୍ଗୀର ସି.ଡି.ଏମ ଏବଂ ପି.ଏଚ  ଡା. ପୁଷ୍ପାଞ୍ଜଳି ମିଶ୍ରଙ୍କ କରକମଳରେ ଶୁଭାରମ୍ଭ କରାଯାଇଥିଲା। ମାରୱାଡି ଯୁବା ମଞ୍ଚର ମହନୀୟ କାମକୁ ଡ. ପୁଷ୍ପାଞ୍ଜଳି ମିଶ୍ର ଭୁୟସୀ ପ୍ରଶଂସା କରିଥିଲେ। ଲୋକଙ୍କ ଜୀବନ ରକ୍ଷା ପାଇଁ ନିୟମିତ ଭାବରେ ରକ୍ତଦାନ ପରି ସାମାଜିକ କାମ କରାଯିବା ଉପରେ ଶ୍ରୀମତୀ ଗୁରୁତ୍ୱ ଦେଇଥିଲେ। ତାଙ୍କ କଥାକୁ ଧ୍ୟାନରେ ରଖି ଆସନ୍ତା ୬ ଜୁନ ଶନିବାର ମାରୱାଡ଼ୀ ସମାଜ ପକ୍ଷରୁ ମାରୱାଡ଼ୀ ସେବା ସଦନରେ ଏକ ବିଶାଳ ରକ୍ତଦାନ ଶିବିର ଆୟୋଜିତ କରାଯିବ।
ଏହି ଅବସରରେ ଶ୍ରୀ ଛତ୍ରଧାରୀ ଅଗ୍ରୱାଲ କହିଥିଲେ ଯେ, ତାଙ୍କ ପ୍ରିୟ ପୁତ୍ର ସ୍ୱର୍ଗତ ବିକାଶ କୁମାର ଅଗ୍ରୱାଲଙ୍କ ସ୍ମୃତିକୁ ସେବା ଓ ମାନବତା ସହିତ ଯୋଡ଼ି ଏହି ଥଣ୍ଡା ପାନୀୟ ଜଳ ସେବାକୁ ହସ୍ପିଟାଲକୁ ଆସୁଥିବା ରୋଗୀ ଓ ତାଙ୍କ ପରିଜନଙ୍କ ସୁବିଧା ପାଇଁ ସ୍ଥାପିତ କରାଯାଇଛି।
ଏହା ସହିତ ହସ୍ପିଟାଲ ପରିସରରେ ଥିବା  ବ୍ଲଡ୍ ବ୍ୟାଙ୍କରେ ଥିବା ଆଉ ଏକ ପୂର୍ବରୁ ସ୍ଥାପିତ ପୁରୁଣା ଅମୃତ ଧାରା(ଥଣ୍ଡା ପାନୀୟ ଜଳ ସେବା)କୁ ମରାମତି କରି ପୁନଃ ସୁଚାରୁ ଭାବରେ ଚାଲୁ କରାଯାଇଛି, ଯାହା ଦ୍ୱାରା ଅଧିକରୁ ଅଧିକ ଲୋକଙ୍କ ତୃଷା ମେଣ୍ଟି ପାରିବ।

ଆଜିର ଏହି କାର୍ଯ୍ୟକ୍ରମରେ ସିପିଏମ୍ ତଥା ପିଏଚ୍ଓ  ବଲାଙ୍ଗିର ଡା. ପୁଷ୍ପାଞ୍ଜଳି ମିଶ୍ର, ଡି ଏଚ୍ ଏଚ୍ ବଲାଙ୍ଗୀର, ଲଲିତ ମୋହନ ବିଶି, ହେରାମ ମହାପାତ୍ର (ଅଫିସ ଏସିଷ୍ଟାଣ୍ଟ) ହସ୍ପିଟାଲ ମେନେଜର ବନ୍ଦନା ପ୍ରଧାନ, ମାରୱାଡ଼ୀ ସମ୍ମିଳନୀର ଅଧ୍ୟକ୍ଷ ସୁଶୀଲ କୁମାର ଅଗ୍ରୱାଲ, ସଚିବ କନ୍ହେୟାଲାଲ ଅଗ୍ରୱାଲ, ବିଶିଷ୍ଟ ସମାଜସେବୀ  ଛତ୍ରଧାରୀ ଅଗ୍ରୱାଲ, ମାରୱାଡ଼ୀ ଯୁବ ମଞ୍ଚ ବଲାଙ୍ଗୀର ଶାଖାର ଅଧ୍ୟକ୍ଷ ମୁକେଶ ଅଗ୍ରୱାଲ,ସଚିବ ଶୁଭମ ଅଗ୍ରୱାଲ,କୋଷାଧ୍ୟକ୍ଷ ନିତେଶ ଅଗ୍ରୱାଲ ଏବଂ ଯୁବ ମଞ୍ଚର ସମସ୍ତ ଯୁବସାଥୀ ସକ୍ରିୟ ସହଯୋଗ କରିଥିଲେ ।