04-May-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାର ସରକାରୀ ମହିଳା ମହାବିଦ୍ୟାଳୟର ସାମ୍ବାଦିକତା ଓ ଗଣଯୋଗାଯୋଗ ବିଭାଗ ପକ୍ଷରୁ ବିଶ୍ୱ ପତ୍ରକାରିତା ଦିବସ(World Press Freedom Day) ପାଳନ କରାଯାଇଛି l  ଶାନ୍ତିପୂର୍ଣ୍ଣ ଭବିଷ୍ୟତ ଗଠନ କରିବା, ମାନବ ଅଧିକାର, ବିକାଶ ଓ ସୁରକ୍ଷା ପାଇଁ ପତ୍ରକାରିତା ର ସ୍ୱାଧୀନତାକୁ ପ୍ରୋତ୍ସାହିତ କରିଛି l

କାର୍ଯ୍ୟକ୍ରମର ପୂର୍ବପ୍ରସ୍ତୁତି ଓ ସଂଯୋଜନା ପାଇଁ ବିଭାଗ ପକ୍ଷରୁ ସ୍ବେଛାସେବୀ ଭାବେ ଦ୍ଵିତୀୟ ବର୍ଷର ଛାତ୍ରୀମାନେ ଏବଂ ପ୍ରଥମ ବର୍ଷର ଛାତ୍ରୀମାନଙ୍କୁ ନିଯୁକ୍ତି କରାଯାଇଥିଲା l ସେହିମାନେ  ଶୃଙ୍ଖଳା ରକ୍ଷା, ପୋଷ୍ଟର ପ୍ରଦର୍ଶନ ଓ ଅନ୍ୟାନ୍ୟ ବ୍ୟବସ୍ଥା ଦାଇତ୍ୱରେ ଥିଲେ l  କାର୍ଯ୍ୟକ୍ରମଟି ମହାବିଦ୍ୟାଳୟର ଅଧ୍ୟକ୍ଷ ଡଃ ଅରବିନ୍ଦ କୁମାର ଓଝାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିବାବେଳେ  ଅଧ୍ୟକ୍ଷ ନିଜେ ସ୍ୱାଗତ ସମ୍ଭାଷଣ ରଖିଥିଲେl ଏହାପରେ ବିଭାଗର ମୁଖ୍ୟ ଡ଼ଃ. ରାଜେଶ କୁମାର କର୍ଣ୍ଣ କାର୍ଯ୍ୟକ୍ରମର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ। ମୁଖ୍ୟ ଅତିଥି ଭାବରେ  ରାଜେନ୍ଦ୍ର ବିଶ୍ୱବିଦ୍ୟାଳୟର ଡ଼ଃ. ରାଜ କିଶୋର ପାତ୍ର ଏବଂ ମୁଖ୍ୟ ବକ୍ତା ଭାବରେ  ଗୋପବନ୍ଧୁ ଶତପଥି ଉପସ୍ଥିତ ଥିବା ବେଳେ ଆଇ.କ୍ୟୁ. ଏ. ସି ସଂଯୋଜକ ଡ଼ଃ ବିଭୁତି ଭୂଷଣ ସାହୁ,ବିଭାଗର ଅଧ୍ୟାପକ ସିଦ୍ଧାର୍ଥ ଦଶ ଏବଂ ସନାତନ ବାରିକ ମଧ୍ୟ ଉପସ୍ଥିତ ଥିଲେ । ଅଧ୍ୟକ୍ଷ ଦ୍ୱାରା ମୁଖ୍ୟ ଅତିଥି ଏବଂ ମୁଖ୍ୟ ଵକ୍ତାଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ସମ୍ବର୍ଦ୍ଧନା ଦିଆଯଇଥିଲା।  ଅତିଥିଙ୍କ ସୁନ୍ଦର ଅଭିଭାଷଣ ଛାତ୍ରୀ ମାନଙ୍କୁ ପତ୍ରକାରିତାର ନୂଆ ସ୍ୱାଦ ଦେବା ସହ ଯାନ୍ତ୍ରିକ ଅଭିବୃତ୍ତଧି କପରି ପରିବର୍ତନ ର କାରଣ ହେଉଛି ସେ ବିଷୟରେ ଆଲୋକପାତ କରିଥିଲେ।
ବଲାଙ୍ଗୀର ଜିଲ୍ଲା ର ଏହି ମହାବିଦ୍ୟାଳୟର ଏହି ସାମ୍ବାଦିକତା ଓ ଗଣଯୋଗାଯୋଗ ବିଭାଗ ର ଏହା ଥିଲା ପ୍ରଥମ ବିଶ୍ୱ ପ୍ରେସ ଦିବସର ପାଳନ l ଯେଇଉଁଥିରେ କି ବିଭାଗର ଛାତ୍ରୀମାନେ ସବୁ କାର୍ଯ୍ୟ କରିବା ସହ ସେମାନେ ସ୍ବେଛାସେବୀ ଭାବରେ ନିଜ ବିଭାଗ ର ଏହି କାର୍ଯ୍ୟକ୍ରମଟିକୁ ପୁରା କରିଥିଲେ l ଏହି କାର୍ଯ୍ୟକ୍ରମ ର ମୁଖ୍ୟ ଉଦ୍ଦେଶ୍ୟ ଥିଲା ଯେ ଛାତ୍ରୀମାନଙ୍କୁ ଗଣମାଧ୍ୟମ ସ୍ୱାଧୀନତା, ଦାଇତ୍ୱ ଏବଂ ସମାଜ ପାଇଁ ଏହାର ଭୂମିକା ସମ୍ପର୍କରେ ସଚେତନ କରାଇବା ଏବଂ ସତ୍ୟ ଆଧାରିତ ସାମ୍ବାଦିକତାର ଆବଶ୍ୟକତା ଉପରେ ଆଲୋକପାତ କରିବା l

ବଲାଙ୍ଗୀର ଜିଲ୍ଲାର ସରକାରୀ ମହିଳା ମହାବିଦ୍ୟାଳୟର ସାମ୍ବାଦିକତା ଓ ଗଣ ଯୋଗାଯୋଗ ବିଭାଗ ପକ୍ଷରୁ ଆୟୋଜିତ ବିଶ୍ୱ ପ୍ରେସ ଦିବସ କାର୍ଯ୍ୟକ୍ରମ ଟି ଛାତ୍ରୀମାନଙ୍କ ମଧ୍ୟରେ ସାମ୍ବାଦିକତା ର ନୈତିକ ମୂଲ୍ୟବୋଧ, ସତ୍ୟ କହିବାର ସାହସ ଓ ସମାଜ ପ୍ରତି ଦାଇତ୍ୱବୋଧ, ସୃଷ୍ଟି କରିବାରେ ସଫଳ ହୋଇଥିଲା l