02-May-2026

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ରୋତ ମହାବିଦ୍ୟାଳୟ ରେ 42 ତମ ବାର୍ଷିକ ଉତ୍ସବ ସୁରଙ୍ଗୀ 2026 ଅନୁଷ୍ଠିତ ହୋଇଯାଇଅଛି l ବଲାଙ୍ଗୀର ଉପ ଜିଲ୍ଲାପାଳ ତଥା କଲେଜ ପରିଚାଳନା ସମିତି ର ସଭାପତି ଆଲୋକ କୁମାର ପଟେଲ ଙ୍କ ସଭାପତିତ୍ବ ରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ ମୁକେଶ ମହାଳିଙ୍ଗ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ଏହି କଲେଜ ର ପୂର୍ବତନ ଅଧ୍ୟକ୍ଷ ତଥା ଟିଟିଲାଗଡ ସ୍ଵୟଂ ଶାସିତ ମହାବିଦ୍ୟାଳୟ ପ୍ରାକ୍ତନ ଅଧ୍ୟକ୍ଷ ଶିବ ପ୍ରସାଦ ବେହେରା ଯୋଗ ଦେଇ ଥିବାବେଳେ   ସମ୍ମ।ନିତ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଯୋଗ ଦେଇଥିଲେ l ମହାବିଦ୍ୟାଳୟ ର  ଅଧ୍ୟକ୍ଷ ପ୍ରଦୀପ କୁମାର ଷଡଙ୍ଗୀ ସ୍ଵାଗତ ଭାଷଣ ପ୍ରଦାନ କରିଥିଲେ ।ଏହିପରି କଲେଜ ର ସାଂସ୍କୃତିକ ପରିଷଦ ର ଉପ ସଭାପତି ଅଧ୍ୟାପକ ଅର୍ଧେନ୍ଧୁ ମେହେର ବାର୍ଷିକ ବିବରଣୀ ପଠନ କରିବା ସହ ଅଧ୍ୟାପକ ସୁବିଗ୍ୟ ଗଡତିୟ। ଦାବି ପତ୍ର ପ୍ରଦାନ କରିଥିଲେ । ଏହି ଅବସର ରେ ମହାବିଦ୍ୟାଳୟର ମୁଖ୍ୟ ସମ୍ପାଦକ ପ୍ରମୋଦ ଦାସ ଙ୍କ ଉପସ୍ଥିତି ରେ ବାର୍ଷିକ ମୁଖପତ୍ର ବାଣୀ ପ୍ରବାହ ଉନ୍ମୋଚନ କରାଯାଇ ଥିଲା । ଏହି ସଭା କୁ କଲେଜ ର ଅଧ୍ୟାପକ ଡ୍ ଲିଙ୍ଗରାଜ ମେହେର ସଂଯୋଜନା କରିଥିବା ବେଳେ ମାନସ ରଞ୍ଜନ କୁମାର କୃତଜ୍ଞତା ଜ୍ଞାପନ କରିଥିଲେ । ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ରୋ ତ କଲେଜ କୁ ଏକ ଶ୍ରେଷ୍ଠ ଶିକ୍ଷାନୁଷ୍ଠାନ ଭାବରେ ଗଢିତୋଳିବା ପାଇଁ ସମସ୍ତ ପ୍ରକାର ସହାୟତା ଯୋଗାଇ ଦିଆଯିବ ବୋଲି ମତବ୍ୟକ୍ତ କରିଥିଲେ ଏବଂ ନିଜ ଭାଗ୍ୟ ନିଜେ ତୋଳିବାକୁ ଅତିଥି ମାନେ ନିଜ ନିଜ ମତବ୍ୟକ୍ତ କରିଥିଲେ l ଏହି ସଭାରେ ଅଧ୍ୟାପିକା ମାନଙ୍କ ଦ୍ୱାରା ସ୍ଵାଗତ ସଙ୍ଗୀତ ଗାନ କରାଯାଇ ଥିଲା ।ଏହି ପରି ମହାବିଦ୍ୟାଳୟକୁ କିଛି ଜମି ଦାନ କରିଥିବା ରୋତ ର ଜୟସିଂହ ବରିହା ଙ୍କୁ ମଞ୍ଚ ରେ ସମ୍ମାନିତ କରାଯାଇଥିଲା ଏବଂ ବିଭିନ୍ନ ପ୍ରତିଯୋଗିତା ରେ ରାଜ୍ୟ, ଦେଶରେ ସୁନାମ ଅର୍ଜନ କରିଥିବା କୃତି ଛାତ୍ରଛାତ୍ରୀ ଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ ପ୍ରଦାନ କରାଗଲା l